Просмотр исходного текста страницы Кӧсъя тӧдны. 2017-10-06

[[Юрган (КРТК)|Юрган]] телеканаллӧн 2017ʼ йирым 6ʼ лунся «[[Кӧсъя тӧдны (Юрган уджтас)|Кӧсъя тӧдны]]» уджтас. 

==Видео==

<youtube>youtube.com/watch?v=jhGjZqEQbx8</youtube>

==Текст==

Шуӧны, мый уна-уна нэм сайын сэки олысь морт кутіс вермыны вӧдитчыны биӧн. Тайӧ вежис сылысь олӧм. И буретш талун би отсӧгӧн ми дасьтам сёян, шонтысям да нӧшта унатор вермам вӧчны. Но мый йи да кӧдзыд тшӧтш вермасны вайны пӧльза, морт гӧгӧрвоис ёна сёрӧнджык.

Тайӧ лоис сӧмын матӧ 2000 во сайын, Нерон император дырйи, Римын. Буретш сэки кымын, шуӧны туялысьяс, йӧз гӧгӧрвоисны, мый лым да йи пиын сёян озджык тшыксьы, да заводитісны кӧдзӧдны татшӧм отсӧгӧн вӧлӧга. И вель дыр йӧзыс вӧдитчисны буретш татшӧм кӧдзӧданінъясӧн. Лым да йи пиӧ гуавлісны сёян-юан. Быд странаын тайӧ аслыссяма амбар гуяс вӧліны. Со миян Комиын и ӧнӧдз йӧз гожӧмнас татшӧм йи тыра гуясӧн вӧдитчӧны. Найӧс лӧсьӧдӧны торъя стрӧйбаын, му улын, либӧ керкаын, джодж улын. Сэтчӧ уна вӧлӧга тӧрӧ. Да и би кусӧдӧмысь татшӧм холодильник оз пов.

Кӧть и уна нэм вӧліны татшӧм кӧдзӧданінъяс, но век жӧ туялысьяс пыр мӧвпалісны сы вылын, кыдзи эськӧ вӧчны сэтшӧмӧс, кӧні пыр лоас кӧдзыд.

Василий Размыслов, «Белая техника» лавкаын вузасьысь:

 На основе газа придумайтісны котёл, коді вӧлі создавайтӧ искусственнӧй лёд, артмӧ сідзи, сійӧс франсуз придумыштіс. Но сійӧ, ачыс мыйкӧыс вӧлі артмӧ, зэв ыджыд техникаыс, зэв, загромождайтӧ вӧлі и кыдз артмӧ, неудобнӧ вӧлі быд керкаын сійӧс видзны. Эсся, со временем, американеч придумыштіс вот компрессор.

Буретш тайӧ югыд юра мортнас вӧлі бурдӧдысь Джон Гори. Выльтор восьтысь 1850ʼ воын мӧвпыштӧма аппарат, кӧні вӧлі компрессия отсӧгӧн артмӧдӧ искусственнӧй йи. Буретш татшӧм жӧ ногӧн и талунъя став холодильник уджалӧ.

Россияын медводдза холодильник вӧчисны Петербургын 1901ʼ воын. Тайӧ вӧлі цинкысь джаджъяса пу шкап, кытчӧ вӧлі сӧвтӧны йи. Кӧдзӧданінын вӧлі кутчысьӧ сизим кымын градус. 1951ʼ воын СССР-ын петісны медводдза компрессионнӧй холодильникъяс. Найӧ уджалісны фрион вылын. Буретш татшӧмъясӧн ставӧн вӧдитчисны вель дыр. Уналӧн ӧні на найӧ сулалӧны патераясын. И сӧмын дас во сайын заводъяс кутісны вӧчны изобутан вылын уджалысь холодильникъяс.

 Но, ӧнія холодильникъясын фрионыс некӧн абу. Фрионтӧ сійӧс запретитісны, кыдзи вреднӧй вещество. Ӧні закачивайтӧны изобутан R600-й. Сійӧ более безопаснӧй лыддьысьӧ. Но ӧти минус R600-ӧйыслӧн. Сійӧ шумнӧйджык. Сы вылын холодильникыс. Насчет того, что мый R600-ӧйыс сійӧ кӧдзӧдӧ сідз жӧ, кыдзи фрион. Сійӧс колӧ ёнджыка разгонитны. Соответственнӧ колӧ ёнджыка разгонитны, кылӧны ручеёкъясыс сійӧ быттьӧкӧсь [3:06] холодильниксьыс.

Талун лавкаясын быдсяма кӧдздӧдан да кынтан техника вузассьӧ. Эмӧсь рубежсайса и Россияын вӧчӧм чукӧртӧмъяс. Талун ми висьталам, кутшӧмӧсь найӧ овлӧны да мыйӧн торъялӧны ӧта-мӧдсьыс. Медводз, шуӧны техника вузалысьяс, кӧть тайӧ и кажитчӧ тешкодьӧн, колӧ пӧ быть исавны ньӧбантор. Ныр пӧ отсалас гӧгӧрвоны, кутшӧм аппарат тіян водзын сулалӧ.

 Если кӧ кылӧ кутшӧмкӧ запах, то сразу сэтшӧм холодильниксьыс вешйӧй. Сійӧ скорей всего вӧчӧма зэв донтӧм пластикысь и скорей всего кутшӧмкӧ китайскӧй мыйкӧ подделка. Если кӧ некутшӧм лёк дукыс оз кыв, вобщӧ, кутшӧмкӧ дзоляника приятнӧй привкус кӧ кылыштӧ, значит пластикыс бур, качественнӧй. А если кӧ пластик качественнӧй, то уже и фирмаыс внушайтӧ доверие.

Но а сэсся колӧ гӧгӧрвоны, донысь-ӧ техника ті кӧсъянныд ньӧбны, да кутшӧм система тіянлы лӧсялас. Став кӧдзӧдан шкап талун сӧмын кык пӧлӧс. Ӧтияс сідз шусяна капельнӧй системааӧсь, мӧдъяс – No Frost. Коймӧдъяс джынвыйӧ кыкнансьыс лӧсьӧдӧма. Кӧдзӧдантор, талун тайӧ изобутан, мунӧ трубкаясті да руӧ пӧрӧ. Холодильник мышса стенас кайӧ давленньӧ. Испаритель вылын давленньӧ, мӧдарӧ, лэччӧ. Компрессор отсӧгӧн холодильник мышса стен вылын кӧдзӧдантор кизьӧрмӧ да веськалӧ испаритель вылӧ. Сэні изобутан пузьӧ да заводитӧ кӧдзӧдны. Тадзи кӧдзыд кытшлалӧ сэтчӧдз, кытчӧдз температура оз лэччы колана лыдпасӧдз. Сэсся компрессор кусӧ, а кӧдзалӧм элемент заводитӧ шонавны да артмӧ конденсат, ва. Та вӧсна ру вӧчантор шуӧны бӧрдысьӧн, рочӧн кӧ «плачущӧй испаритель», а кӧдзӧданторсӧ «капельнӧйӧйн».

 Быд холодильникын бӧрвылас эм татшӧм трубкаяс, шусьӧны конденсаторӧн. Тайӧ конденсаторас уже нин кӧдздӧдан жидкосьтыс, изобутаныс, шоныдыс кор локтӧ, сійӧ кӧдзалӧ тані. Соответственнӧ трубкаяс век пӧсьӧсь, сійӧ оз ков повны, сійӧ нормальнӧ, сійӧ сідз и должӧн лоны. Главнӧйыс – тайӧ трубкаяссӧ не дойдавны, мыйла тайӧ тоже под давлением, газыс пӧсь. Не дай бог дойдалан, и холодильник лоас неисправнӧй, и асьныд верманныд тожӧ повредитчыны.

Мӧд кӧдзӧдан ног No Frost. Сынӧдз кӧдзӧдсьӧ кыдзи и мӧд системаын. Но сӧмын сэсся вентилятор отсӧгӧн разӧдчӧ став холодильник да морозильник пасьта. Татшӧм система оз сет йизьыны.

 Кос кӧдзыд артмӧ пырӧ тожӧ холодильникас, и сійӧ No Frost-ас уже оз нин ков кыдз бы размораживайтны вобще нинӧм. No Frost чуть-чуть шумнӧйджык за счёт того, что крутитчӧ... бергалӧны вентиляторъяс. Плюсъяс мыйын эм: оз ков размораживайтны, вобще, и оз образуйтчы, ва оз образуйтчы. Но и минусъяс. Минусъяс сыын, мый вот тані сулалӧны вентиляторъяс. Вентиляторъяс дуитӧны воздух, мунӧ, воздухыс бӧр пырӧ и косьтӧ прӧдуктысӧ, сёянтӧ тіянлысь косьтӧ. Тоись колӧ ставсӧ сюйны либӧ кутшӧмкӧ дозмукӧ, либӧ пакетӧн гартлыны, мыйла в противном случае кутас косьмыны.

Капельнӧй системаа кӧдзӧдан шкапъяс водзджык заводитісны вӧчавны. Татшӧмъясыс видзӧдны этшаджык энергия, тані уль сынӧд. Та вӧсна сёян оз косьмы да дыр кольӧ буретш сэтшӧмӧн, кутшӧмӧн ми сюйим сійӧс холодильникӧ. Но специалистъяс тӧдчӧдӧны: ӧтчыд вонас чукӧрмӧм йи быть колӧ сывдыны.

 А тайӧ холодильникыс, позьӧ шуны, ещӧ выльджык холодильник. Тайӧ уже нин став плюссӧ, мый талӧн и талӧн эм, ас пиас босьтӧма и уже без этих минусов, мый тан да тан на вӧлі. Тані артмӧ улыс No Frost, тоись оз ков размораживайтны, а вылыс капельнӧй система, соответственнӧ, естественнӧ влажносьт сохраняйтчӧ, прӧдукта оз портитчы и кыдз бы размораживайтны оз ков, зэв лӧсьыд. Оз уна сёй по электроэнергии, оз ёна шумит.

Холодильникын вермас лоны ӧти либӧ кык компрессор. Компрессор век медуліас, кынтанінын. Тані весиг жырйыс дженьыдджык мукӧд дорысь.

 Кор тіян кык компрессор обычнӧй холодильникас, ті верманныд отдельнӧ температурасӧ улыс камераас, отдельнӧ вылыс камераас регулируйтны. И некутшӧм зависимосьт абу. Сідзжӧ верман, допустим, отпускӧ мунанныд, ті верманныд вывсӧ мыськыны, кольны выключитны, улыс уджалӧ водзӧ. Или наоборот, морозильник кушмис, выключитінныд, мыськинныд, колинныд куш вылыссӧ. Сыын зэв ыджыд плюс эм, кор кык компрессор тіян обычнӧй холодильникын. Если кӧ тіян холодильникас ӧти компрессор, то уже тадзсӧ ті он вӧчӧй. Кор температура содтан холодильнӧй часьтъясын, температура содӧ и сэні. Тоись мунӧ сэтшӧм зависимосьт.

Кӧдзӧдӧ да кынтӧ талунъя техника бура. Нӧшта температура позьӧ аслыд пуктыны. Холодильникын ӧтисянь кӧкъямыс градусӧдз, морозильникын вит-сизим минуссянь кызь нёль минусӧдз. Механическӧй майӧг отсӧгӧн позьӧ пуктыны температура сӧмын ылӧсас. Дисплей отсалас пуктыны температура стӧча. Но век жӧ весиг лыдпасъяс тэчӧмӧн колӧ тӧд вылын кутны: температура холодильникын абу ӧткодь.

 Холодильникас уліас век кӧдзыдджык, выліас век шоныдджык. И в зависимости от этого уже пуктыны прӧдуктаяс, кытчӧ ті кӧсъянныд. Уліас кӧдзыдджык, мыйла сійӧ физика: кӧдзыд воздух старайтчӧ лэччыны улӧ, пӧсь воздух сійӧ кайӧ вылӧ век. Разницаыс. Если кӧ холодильникыс ачыс ыджыд, холодильнӧй часьтыс, то разница до двух градусов вермас лоны. Тоись допустим уліас сэні +1, +2, выліас до +4 вермас лоны разницаыс.

Та вӧсна, кор тэчанныд сёян, колӧ тӧд вылын кутны, мый кытчӧ бурджык пуктыны. Тӧдчӧдам: быд холодильник вӧчысь фирма аслас буклетын сетӧ пасйӧдъяс, кӧні кутшӧм прӧдукта бурджык видзны. И быдӧнлӧн пӧ сійӧ ёна торъялӧ. Морозильникын специалистъяс тшӧктӧны пуктыны дас кӧкъямыс градус кӧдзыд либӧ улӧджык на. Да ӧдйӧ кынтыны сідз шусяна шокӧвӧй кынтӧм отсӧгӧн. Тадзи пӧ сёян оз вошты кӧр, витаминъяс да ортсысяньыс мичаӧн коляс, оз лябмы. Да и кынтас татшӧм функция отсӧгӧн ставсӧ кык пӧв ӧдйӧджык.

 Шокӧвӧй заморозка – сійӧ, веськыда кӧ висьтавны, кыдз действуйтӧ. Сійӧ прӧста компрессор включайтчӧ без отключения. И за счёт этого зэв ӧдйӧ омораживайтӧ и прӧдуктасӧ зэв ӧдйӧ кынтӧ. Шокӧвӧй заморозка до −24° кӧдзыда вӧчсьӧ да. Допустим вот гожӧмъясын, кор яйтӧ уна сюян, мед сійӧ оз визувт, мед ӧдйӧ кынтыны, сійӧ включитан функциясӧ и ӧдйӧджык сійӧ кынтӧ ставсӧ. А позьӧ пуктыны кӧнешнӧ от 10° до 24°.

Шуны кӧ стӧча, татшӧм ӧдйӧ кынтӧм эм быд шӧркодь дона холодильникын. Ӧтиясын сійӧс позьӧ включитны со татшӧм кнопка отсӧгӧн, мӧдъясын дисплей вылын личкавны. Но сӧмын донтӧмджыкъясын температура оз пыр ӧткодь кутчысь. Донаджыкъясын некор оз вешйы.

 Не, найӧ кутӧны, но наясын кутшӧмкӧ предел эм. Допустим, компрессор включитчис, вӧчис там −18, выключитчис, температура −15-ӧдз усис, и бара включитчис. Тоись кутшӧмкӧ предел всё равно 2–3 градуса эм. А в системах No Frost чёткӧя кутӧ вот −18, тоись практически оз гуляйт температураыс.

Дерт, талунъя кӧдзӧдан шкапъяс ёна торъялӧны фрион вылын уджалысьясысь. Фрион вылын уджалысьяслӧн вӧлі ёнджыка и ӧдйӧджык чукӧрмӧ йи. Найӧс быть колӧ вӧлі сывдыны быд куим тӧлысь. Талунъя техника со татшӧм лымйӧн оз тырт. Но век жӧ ӧтчыд вонас сійӧс колӧ сывдыны-весавны. И мед бура да дыр уджалас, идравны аппарат колӧ колана ногӧн. Медводз кыскыны розеткаысь, сэсся позьӧ и пӧсь ва дозмук пуктыны, мед шоналӧ. И нӧшта: оз позь сутшӧдны да гудйыны йисӧ ёсь торъясӧн. Трубкаяс, кӧні мунӧ кӧдзӧдантор зэв вӧсниӧсь да вермасны потны.

 Восьтан ӧдзӧс, ставыс сыліс, васӧ уберитінныд, ставсӧ мыськинныд, бӧр включитанныд и водзӧ уджаланныд, всё. Если система No Frost, разморожайтны оз ков, но сійӧ всё равно ӧтчыд вонас обязательнӧ колӧ на 2–3 часа выключитны, прӧста медым шойччис. Сійӧ рекомендация завода. Но если кӧ йиыс ёна чукӧрмис, сійӧ конешнӧ уже нин лыддьыссьӧ, мый неисправносьт холодильникыслӧн. Ӧні холодильникад йиыс вобыднас максимум должен чукӧрмыны, ну сэні, тонкӧй-тонкӧй слой, зэв вӧсньыд сійӧ – миллиметра полтора. Если уна намораживайтӧ, значит кутшӧмкӧ проблема: негерметичносьт камеры или резинкаыс потласьӧма да воздухыс веськалӧ.

Кор пуктанныд кӧдзӧдан либӧ кынтан техника, тӧд вылын колӧ кутны: пуктыны сійӧс колӧ стрӧга уровень серти. Оз кӧ артмы, техника кутас ёнджыка зёлякывны да шаргыны. Нӧшта ӧти тӧдчӧдантор. Холодильник оз позь сувтӧдны шоныдінӧ. Шуам, батарея, пусян плита либӧ духовка дорӧ. Ӧд сійӧ кутас шонавны. А сідз кӧ, медым кутны холодильникын колана температура, сылы тшӧкыдджыка ковмас ӧддзывны, а сідз кӧ, и би кутас унджык сёйны.

 А сэні жӧ и холодильникыслӧн тожӧ эм аслас конденсатор, коді должӧн охлаждайтчыны. И соответственнӧ, кор матын кутшӧмкӧ нагревательнӧй элемент, сійӧ сьӧкыдджыка охлаждайтчӧ. А кор сьӧкыдджыка охлаждайтчӧ, то компрессорыс частӧджык включайтчӧ. Тоись соответственнӧ мунӧ унджык электроэнергия, частӧджык компрессор уджалӧ, унджык износ мунӧ. Соответственнӧ меньше срок эксплуатации холодильникыслӧн.

Кӧдзӧдан да кынтан техника торъялӧ и ыджда, и джуджда серти. Таысь, компрессор лыдысь да быдсяма функция содтӧмысь став техника дерт торъялӧ и энергия босьтӧм серти. Мыйын унджык сы пиын быдсяматорйыс, сымын унджык сійӧ кутас кыскыны би. Нӧшта, таысь кутас тӧдчыны и доныс.

Владимир Фаныгин, «Белая техника» лавкаын вузасьысь:

 Мукӧд холодильникын омӧльджык пластикыс – сійӧ донтӧмджык. Гарантия кӧ эм вывті кӧдздӧдӧм да бурджык дизайн — ставыс тайӧ содтас холодильниклысь донсӧ.

Кутшӧм сӧмын рӧма холодильникъяс оз вузавны талун лавкаясын: еджыд, гӧрд, сьӧд. И весиг со татшӧм, кодъяслӧн ӧдзӧсъяс пыдди – ӧшиньяс.

Татшӧм холодильникъяс донаджыкӧсь да шумаджыкӧсь, сы вӧсна мый на пиын ёнджык система сулалӧ, медым бура кутны температура стеклӧа ӧдзӧсъясын. Но век жӧ татшӧмъясын ставыс тыдалӧ. И тайӧ – зэв буртор. Татшӧм кӧдзӧдан шкапъяс векджык сулалӧны сёян да лекарство вузаланінъясын. Найӧ ёна сёрӧнджык мукӧд кӧдзӧдан техника дорысь воисны миян олӧмӧ.

Быд во холодильникъяс да морозильникъяс вежсьӧны. Вӧчысьяс век мӧвпыштӧны выльтор, мыйкӧ содтӧны, медым кокньӧдны миянлысь олӧм. И кыдзи эськӧ оз кут вежсьыны тайӧ техникаыс, сійӧн ми век пыр жӧ кутам вӧдитчыны. И талун ми огӧ вермӧй весиг мӧвпыштны олӧм тайӧ кынтан-кӧдзӧдан машинаястӧгыс. Ӧд найӧ збыль вежисны миянлысь олӧм и велӧдісны миянӧс быд лун сёйны сӧмын свежӧй, мича сёян. И таысь морт, чайтсьӧ, некор оз вермы ӧтдортчыны.

Уджтас дасьтісны:
Надежда Бушенева, Сергей Авдеев, Олег Костромин, Дмитрий Ведерников, Надежда Желобнёва, Алексей Шабалин, Михаил Нестерин, Евгений Копейкин, Александр Пивкин.

==Пасйӧд==

Текстуйтісны EL да Кӧжмудорса Ӧльга.

[[Category:Юрган ТВ]]