Просмотр исходного текста страницы Кыдзи оригами ногӧн ыдждӧдны куб кык пӧв

==Терминъяс==
 веськыдсэрӧг – прямоугольник
 вундӧг – отрезок
 ӧтсяма куимпельӧсаяс – подобные треугольники

==Артмӧдӧм==

Оригами ногӧн позьӧ вӧчны кык вундӧг, кодъяс лӧсялӧны ∛2 да 1 моз. Та вӧсна позьӧ и куб кык пӧв ыдждӧдны.

Артмӧдны татшӧм кык вундӧг вӧзйӧма Питер Месснер Crux Mathematicorum журналын 1985-ӧд воын (гижӧма лыддьысьысьяслы задача пыдди). А мыйла буретш тадзи колӧ вӧчны, вӧлі гӧгӧрвоӧдӧма сёрӧнджык, 1986-ӧд воын.

1. Гижтам ''ABCD'' квадрат да юклам сійӧс ӧткодь куим веськыдсэрӧг вылӧ: ''ADQP'', ''PQSR'' да ''RSCB''.

[[Файл:Figure1.jpg|thumb|center|330px|]]

2. Кабаласӧ кусыньтам сідзи, медым ''C'' чут веськаліс ''AB'' дор вылӧ, а ''S'' чут лоис ''PQ'' вундӧг вылын (Фудзиталӧн 6-ӧд аксиома серти).

Вӧлӧмкӧ, ''AC'' : ''BC'' = ∛2.

==Подулалӧм==

Дзоньнас подулалӧмсӧ ог вайӧд, сӧмын идеясӧ петкӧдла.

Казялам: ''SPC'' да ''CBT'' куимпельӧсаяс ӧтсямаӧсь кык пельӧс серти (∠''CTB'' = 90° – ∠''TCB'' = ∠''SCP''). Сідзкӧ, ''CS'' : ''PC'' = ''CT'' : ''BT''.

Мед ''CB'' = 1, ''AC'' = ''x'', ''BT'' = ''y''. Сідзкӧ, ''CT'' = 1 + ''x'' – ''y'', ''CS'' = (1 + ''x'')/3, ''CP'' = (2''x'' – 1)/3. Та вӧсна артмӧ пропорция: 

(1 + ''x'') : (2''x'' – 1) = (1 + ''x'' – ''y'') : ''y''.

Пифагор теорема серти, 1 + ''y''<sup>2</sup> = (1 + ''x'' – ''y'')<sup>2</sup>. Медбӧръя кык ӧткодьлунысь позьӧ петкӧдны: ''x''<sup>3</sup> = 2.

==Содтӧд юӧр==

[https://lovziem.blogspot.com/2020/10/blog-post.html Велӧдӧм паськӧдан блогын.]

[[Category:Математика]]