|
|
| Строка 1: |
Строка 1: |
| − | ==Анастасия Бушенева. Уна рӧма шуд : кывбуръяс. Сыктывкар, 2013. 32 лб.==
| |
| | | | |
| − | Анастасия
| |
| − | БУШЕНЕВА
| |
| − | Уна рӧма шуд
| |
| − | Кывбуръяс
| |
| − | Сиа ставлы, кодӧс ме тӧда, да коді менӧ радейтӧ!
| |
| − | Сыктывкар
| |
| − | 2013
| |
| − |
| |
| − | <Kodko @ "Анастасия Бушеневалӧн тайӧ..." : аннотация // Анастасия Бушенева. Уна рӧма шуд. Сыктывкар, 2013. Лб. 2.>
| |
| − |
| |
| − | Анастасия Бушеневалӧн тайӧ медводдза книга. Кывбуръясыс кокни ловшыаӧсь, сӧстӧм лысва кодь югыдӧсь. Том авторлы эскан.
| |
| − |
| |
| − | <Бушенева А. В. @ "Ме радейта олӧм..." : кывбур // Анастасия Бушенева. Уна рӧма шуд. Сыктывкар, 2013. Лб. 3.>
| |
| − |
| |
| − | * * *
| |
| − |
| |
| − | Ме радейта олӧм
| |
| − | Да радейта тэнӧ,
| |
| − | Ме радейта ставсӧ,
| |
| − | Мый кытшалӧ менӧ:
| |
| − | И енэж, и кодзув,
| |
| − | И дзоридз, и шонді,
| |
| − | И ставсӧ, мый ловъя,
| |
| − | И быдтор, мый ловтӧм.
| |
| − | Мен ставыс зэв дона
| |
| − | И сьӧлӧмлы муса,
| |
| − | И эска, мый радейтӧм
| |
| − | Некор оз куслы.
| |
| − |
| |
| − | <Бушенева А. В. @ "Ме кӧсъя..." : кывбур // Анастасия Бушенева. Уна рӧма шуд. Сыктывкар, 2013. Лб. 4.>
| |
| − |
| |
| − | * * *
| |
| − |
| |
| − | Ме кӧсъя...
| |
| − | Сідзкӧ, ставсӧ верма!
| |
| − | И эска...
| |
| − | Аслам кывлы эска!
| |
| − | Ог куж кӧ — велӧдча,
| |
| − | Ог тӧд кӧ — тӧдмала,
| |
| − | Мый колӧ — судзӧда
| |
| − | И дойӧс бурдӧда.
| |
| − | ...И тэныд отсала,
| |
| − | Кор лоа колана.
| |
| − |
| |
| − | <Бушенева А. В. @ "Югыд, зарни кодзулӧй..." : кывбур // Анастасия Бушенева. Уна рӧма шуд. Сыктывкар, 2013. Лб. 5.>
| |
| − |
| |
| − | * * *
| |
| − |
| |
| − | Югыд, зарни кодзулӧй,
| |
| − | Муса, дона мортӧй.
| |
| − | Кӧсъя, медым сьӧлӧмыд
| |
| − | Лоис олан гортӧн.
| |
| − | Мелі би кинь синъясад,
| |
| − | Юрсянь кокӧдз шонтан.
| |
| − | Нӧкйысь чӧскыд вомдортӧ
| |
| − | Окала ме помтӧг.
| |
| − | Сьӧлӧмӧй кӧ жугыльмас,
| |
| − | Гажӧдан бур кывйӧн.
| |
| − | Небыд киӧс кутыштан,
| |
| − | Босьтан аслад сывйӧ.
| |
| − | И мед кадыс котӧртас
| |
| − | Аслас шумӧн-зыкӧн,
| |
| − | Ыджыд сӧстӧм шуднымӧс
| |
| − | Видзам тэкӧд кыкӧн.
| |
| − |
| |
| − | <Бушенева А. В. @ "Енмыслы нюжӧді киӧс..." : кывбур // Анастасия Бушенева. Уна рӧма шуд. Сыктывкар, 2013. Лб. 6.>
| |
| − |
| |
| − | * * *
| |
| − |
| |
| − | Енмыслы нюжӧді киӧс,
| |
| − | Мед кӧдзыштас сэтчӧ мен шуд.
| |
| − | Сетігас шӧпкӧдіс-шуис:
| |
| − | «Тэ топыда киястӧ кут,
| |
| − | Шудтӧ мед некод оз гусяв,
| |
| − | Мед мӧд дорӧ сійӧ оз лэб,
| |
| − | Видз ассьыд шудтӧ зэв сюся
| |
| − | И быдӧнысь ас пытшкад дзеб».
| |
| − | ...Шудаӧн ачымӧс кыла
| |
| − | Да кыпыда восьта быд лун.
| |
| − | Сьӧлӧмӧй корӧ кӧ, сьыла...
| |
| − | А Енмыслӧн шуӧм оз вун!
| |
| − |
| |
| − | <Бушенева А. В. @ "Тэ дорӧ муслунӧн лолала-ола..." : кывбур // Анастасия Бушенева. Уна рӧма шуд. Сыктывкар, 2013. Лб. 7.>
| |
| − |
| |
| − | * * *
| |
| − |
| |
| − | Тэ дорӧ муслунӧн лолала-ола,
| |
| − | Гашкӧ, дерт, мыйыськӧ коркӧ и пола.
| |
| − | Сӧмын тай муслунӧй отсалӧ, видзӧ,
| |
| − | Бурыс да шаньыс мед сьӧлӧмӧдз йиджӧ.
| |
| − | Аттьӧ тэд, донаӧй, аттьӧ, мый орччӧн!
| |
| − | Шудлунӧс корсигӧн, тӧда, эг сорсьы!
| |
| − |
| |
| − | <Бушенева А. В. @ "Кор шмонитан, а коркӧ шулан стрӧга..." : кывбур // Анастасия Бушенева. Уна рӧма шуд. Сыктывкар, 2013. Лб. 8.>
| |
| − |
| |
| − | * * *
| |
| − |
| |
| − | Кор шмонитан, а коркӧ шулан стрӧга,
| |
| − | Но нинӧмысь ме тэ вылӧ ог лӧгав,
| |
| − | Ӧд шудтӧ оз позь вузавны ни вежны,
| |
| − | Кыдз олӧм туйсьыд вешйыны ни кежны.
| |
| − | Ме тэкӧд шуда талунъяӧн, збыльӧн,
| |
| − | И лои ачым ловзьӧмӧн да выльӧн.
| |
| − |
| |
| − | <Бушенева А. В. @ "Юкся тэкӧд радлунӧн..." : кывбур // Анастасия Бушенева. Уна рӧма шуд. Сыктывкар, 2013. Лб. 9.>
| |
| − |
| |
| − | * * *
| |
| − |
| |
| − | Юкся тэкӧд радлунӧн,
| |
| − | Юкся тэкӧд шогӧн,
| |
| − | Сӧмын тэныд висьтавла
| |
| − | Ассьым тӧждӧс-могӧс.
| |
| − | Быд дырйи тай отсалан,
| |
| − | Ышӧдан бур кывйӧн,
| |
| − | Син доръясӧс чышкыштан,
| |
| − | Босьтан аслад сывйӧ.
| |
| − | Эска тэнад шуӧмлы,
| |
| − | Эска тэнад кывлы...
| |
| − | Унджык шудыс колӧ-ӧ
| |
| − | Сиктса коми нывлы?
| |
| − |
| |
| − | <Бушенева А. В. @ "Эн скӧрав ме вылӧ, эн скӧрав..." : кывбур // Анастасия Бушенева. Уна рӧма шуд. Сыктывкар, 2013. Лб. 10.>
| |
| − |
| |
| − | * * *
| |
| − |
| |
| − | Эн скӧрав ме вылӧ, эн скӧрав,
| |
| − | Да кывнад сьӧлӧмӧс эн дойд!
| |
| − | Тэ тӧдан, гозъя костын олӧм
| |
| − | Оз быд лун артмы быттьӧ мойд.
| |
| − | Ми кыкӧн ставсӧ вуджам-венам,
| |
| − | Тэ сӧмын эскы меным пыр!
| |
| − | Кор муслун сьӧлӧмъясын олӧ,
| |
| − | Сэк керка шудӧн лоӧ тыр!
| |
| − |
| |
| − | <Бушенева А. В. @ "Тэкӧд орччӧн..." : кывбур // Анастасия Бушенева. Уна рӧма шуд. Сыктывкар, 2013. Лб. 11.>
| |
| − |
| |
| − | * * *
| |
| − |
| |
| − | Тэкӧд орччӧн
| |
| − | и шондіыс югыдджык,
| |
| − | и тӧлыс шоныдджык,
| |
| − | и зэрыс небыдджык...
| |
| − | Тэкӧд орччӧн
| |
| − | и олӧмӧй мичаджык,
| |
| − | и вӧтӧй збыльманаджык,
| |
| − | и шудӧй мӧрччанаджык,
| |
| − | Кор тэ мекӧд орччӧн!
| |
| − |
| |
| − | <Бушенева А. В. @ Мӧвпалӧм : кывбур // Анастасия Бушенева. Уна рӧма шуд. Сыктывкар, 2013. Лб. 12.>
| |
| − |
| |
| − | МӦВПАЛӦМ
| |
| − |
| |
| − | Мый сэтшӧмыс радейтчӧм?
| |
| − | Коді вермас висьтавны?
| |
| − | Код вылӧ кӧ надейтчӧм
| |
| − | Али синва кисьталӧм?
| |
| − | Кӧн нӧ иныс муслунлӧн:
| |
| − | Сьӧлӧмын-ӧ? Вежӧрын?
| |
| − | Мыйысь вермӧ куслыны,
| |
| − | Пӧрны дойдысь эжӧрӧ?
| |
| − | Мед жӧ бара быдӧнӧс
| |
| − | Муслун вермӧ бордъявны,
| |
| − | Ӧта-мӧдӧс радейтысь
| |
| − | Некор мед оз торъявны!
| |
| − |
| |
| − | <Бушенева А. В. @ "Карандашъяс киын кута ме..." : кывбур // Анастасия Бушенева. Уна рӧма шуд. Сыктывкар, 2013. Лб. 13.>
| |
| − |
| |
| − | * * *
| |
| − |
| |
| − | Карандашъяс киын кута ме,
| |
| − | Мича олӧм серпасавны мед:
| |
| − | Кольквиж рӧмӧн шонта ассьым лун,
| |
| − | Кельыдлӧзӧн югыд лоӧ ун,
| |
| − | Турунвижӧн вӧча паськыд луд,
| |
| − | Енэжыс, дерт, некор оз ло руд!
| |
| − | Гӧрдӧн содта радейтчӧм да вын,
| |
| − | Муслунтӧгыд мортыд лоӧ кын.
| |
| − | (Сьӧлӧмӧс, дерт, быдӧнлы ог восьт!)
| |
| − | Сьӧдсӧ весиг киам ме ог босьт...
| |
| − |
| |
| − | <Бушенева А. В. @ "Ме Енмыссянь уна ог виччысь..." : кывбур // Анастасия Бушенева. Уна рӧма шуд. Сыктывкар, 2013. Лб. 14.>
| |
| − |
| |
| − | * * *
| |
| − |
| |
| − | Ме Енмыссянь уна ог виччысь,
| |
| − | Мен олӧмсьыс уна оз ков:
| |
| − | Пыр дзоньвидза вӧліс мед мамӧй,
| |
| − | Да некод эз дойд сылысь лов.
| |
| − | Мед шудаӧн быдмисны пиян
| |
| − | И некор эз вунӧдны горт,
| |
| − | Мед котырным паськаліс миян,
| |
| − | Да пыр вӧліс керка тыр ёрт.
| |
| − | Мед юргис на комиӧн сьылӧм,
| |
| − | Ас кывным эз кус мед, эз вун,
| |
| − | Став лёкторйыс бокті мед муніс,
| |
| − | И гажӧдіс талунъя лун!
| |
| − |
| |
| − | <Бушенева А. В. @ "Ме чужи сэн..." : кывбур // Анастасия Бушенева. Уна рӧма шуд. Сыктывкар, 2013. Лб. 15.>
| |
| − |
| |
| − | * * *
| |
| − |
| |
| − | Ме чужи сэн,
| |
| − | Кӧн Мозыныс окалӧ Пыиссӧ.
| |
| − | Видзӧ.
| |
| − | Дзикӧдз косьмӧмысь.
| |
| − | Ме сёрнита
| |
| − | Аслам пиянкӧд комиӧн.
| |
| − | Видза.
| |
| − | Дзикӧдз кусӧмысь.
| |
| − |
| |
| − | <Бушенева А. В. @ "Быдӧнлӧн эм аслас чужанін..." : кывбур // Анастасия Бушенева. Уна рӧма шуд. Сыктывкар, 2013. Лб. 16.>
| |
| − |
| |
| − | * * *
| |
| − |
| |
| − | Чужан сиктлы
| |
| − |
| |
| − | Быдӧнлӧн эм аслас чужанін,
| |
| − | Кӧні ставыс тӧдса, дона, муса.
| |
| − | Меным медся матыс Пыисдін,
| |
| − | Коді лунысь-лунӧ лӧньӧ-кусӧ.
| |
| − | Тайӧ мича удораса сикт,
| |
| − | Быдмылӧма Мозын-Пыис дорын.
| |
| − | Яла ягыс керка дорам дзик —
| |
| − | Вотӧсла да тшакла кыскӧ-корӧ!
| |
| − | Бур совхоз на коркӧ вӧвлі тан,
| |
| − | Батьӧй сэні уджаліс да мырсис,
| |
| − | Быдӧн пуктіс сэтчӧ ассьыс пай...
| |
| − | Мӧскыс мыйта лудъяс вылын йирсис!
| |
| − | Школаыс со мый ыджда на эм,
| |
| − | Сӧмын челядь лыдыс чинӧ-бырӧ...
| |
| − | Забеднӧ, дерт, таысь ставсьыс мем,
| |
| − | Сьӧлӧм шӧрӧдз дойыс пырӧ-кырӧ!
| |
| − | Гашкӧ, вояс кольӧны да бӧр
| |
| − | Пыисдінӧй паськалас да бурмас,
| |
| − | Лоас озыр сиктгӧгӧрса вӧр,
| |
| − | Важ олӧмыс, эска, вежсяс-выльмас!
| |
| − |
| |
| − | <Бушенева А. В. @ "Кутшӧм паськыд Коми му..." : кывбур // Анастасия Бушенева. Уна рӧма шуд. Сыктывкар, 2013. Лб. 17.>
| |
| − |
| |
| − | * * *
| |
| − |
| |
| − | Кутшӧм паськыд Коми му!
| |
| − | Гулыд вӧр да визув ю,
| |
| − | Сьылысь лэбач, ытшкӧм видз —
| |
| − | Гӧгӧр аслыспӧлӧс мич.
| |
| − | Йӧзыс тані олӧ шань:
| |
| − | Удал зон да рочакань,
| |
| − | Киподтуя, уджач, бур,
| |
| − | Некысь татшӧмыс оз сюр.
| |
| − | Коми муын менам горт,
| |
| − | Бать-мам, пӧль-пӧч, медбур ёрт.
| |
| − | Тані уджала да ола
| |
| − | И ас йӧзлы, чайта, кола.
| |
| − |
| |
| − | <Бушенева А. В. @ "Важӧн туй эз вӧв..." : кывбур // Анастасия Бушенева. Уна рӧма шуд. Сыктывкар, 2013. Лб. 18.>
| |
| − |
| |
| − | * * *
| |
| − |
| |
| − | Важӧн туй эз вӧв,
| |
| − | Мед ветлывлыны бать ордӧ.
| |
| − | Ӧні эськӧ туйыс эм,
| |
| − | Да батьӧй абу...
| |
| − |
| |
| − | <Бушенева А. В. @ "Тэ эм..." : кывбур // Анастасия Бушенева. Уна рӧма шуд. Сыктывкар, 2013. Лб. 19.>
| |
| − |
| |
| − | * * *
| |
| − |
| |
| − | Батьӧйлы
| |
| − |
| |
| − | Тэ эм,
| |
| − | Тэ сӧмын менам
| |
| − | Сьӧлӧм пытшкын олан.
| |
| − | Тэ эм,
| |
| − | И сӧмын меным
| |
| − | Вӧтӧн быд вой волан.
| |
| − | Тэ эм,
| |
| − | Ме таӧ эска
| |
| − | Вичкоын кӧть гортын.
| |
| − | Тэ эм,
| |
| − | Кӧть ставлы важӧн
| |
| − | Колин тэ ас гортъяд.
| |
| − |
| |
| − | <Бушенева А. В. @ "Эськӧ позьӧ кӧ вӧлі..." : кывбур // Анастасия Бушенева. Уна рӧма шуд. Сыктывкар, 2013. Лб. 20.>
| |
| − |
| |
| − | * * *
| |
| − |
| |
| − | Батьӧйлы
| |
| − |
| |
| − | Эськӧ позьӧ кӧ вӧлі,
| |
| − | Шыӧдчи Енлы,
| |
| − | Мед пальӧдіс Тэнӧ
| |
| − | Да вайӧдіс меным.
| |
| − | Эськӧ позьӧ кӧ вӧлі,
| |
| − | Кияснам мутӧ
| |
| − | Куралі важӧн,
| |
| − | Мед гусьыд тэ сувтін.
| |
| − | Эськӧ позьӧ кӧ вӧлі....
| |
| − |
| |
| − | <Бушенева А. В. @ "Пӧри сов дозным..." : кывбур // Анастасия Бушенева. Уна рӧма шуд. Сыктывкар, 2013. Лб. 21.>
| |
| − |
| |
| − | * * *
| |
| − |
| |
| − | Пӧри сов дозным.
| |
| − | Такӧдін менӧ:
| |
| − | Нинӧм пӧ таын лёкыс абу.
| |
| − | Аскинас тэ эн ло.
| |
| − |
| |
| − | <Бушенева А. В. @ "Быдӧн аслысног сёрнитӧ Енкӧд..." : кывбур // Анастасия Бушенева. Уна рӧма шуд. Сыктывкар, 2013. Лб. 22.>
| |
| − |
| |
| − | * * *
| |
| − |
| |
| − | Быдӧн аслысног сёрнитӧ Енкӧд:
| |
| − | Кодкӧ юрбитӧ вичкоын,
| |
| − | Коркӧ гортса енпӧв водзын.
| |
| − | Ме — тэнад гу выв пас дорад.
| |
| − |
| |
| − | <Бушенева А. В. @ "Синъясӧй — саридз кодь пыдӧстӧм..." : кывбур // Анастасия Бушенева. Уна рӧма шуд. Сыктывкар, 2013. Лб. 23.>
| |
| − |
| |
| − | * * *
| |
| − |
| |
| − | Синъясӧй — саридз кодь пыдӧстӧм.
| |
| − | Сьӧлӧмам — ӧдзӧсыс игантӧм,
| |
| − | Пырӧмыс — быдӧнлы дон босьттӧг.
| |
| − | Кора ӧтитор —
| |
| − | Тагӧсӧс вуджигӧн
| |
| − | Кольӧй лёкнытӧ
| |
| − | Ӧдзӧс мӧдарас.
| |
| − |
| |
| − | <Бушенева А. В. @ "Медся мича да муса..." : кывбур // Анастасия Бушенева. Уна рӧма шуд. Сыктывкар, 2013. Лб. 24.>
| |
| − |
| |
| − | * * *
| |
| − |
| |
| − | Мамӧйлы
| |
| − |
| |
| − | Медся мича да муса,
| |
| − | Медся мелі да шань,
| |
| − | Тэтӧг олӧм би кусас,
| |
| − | Сьӧлӧмшӧр, дона ань.
| |
| − | Менам мӧвпъясын олан
| |
| − | Асыв, лун, рыт и вой,
| |
| − | Меным медъёна колан,
| |
| − | Юкам радлун и дой.
| |
| − | Тэкӧд аддзысьлам шоча,
| |
| − | Вола гортӧ да сэк,
| |
| − | Меным петавлан воча,
| |
| − | Нимкодь синваа век.
| |
| − | Медся муса да дона,
| |
| − | Медся мелі да шань,
| |
| − | Тэысь гаж бырӧ ёна,
| |
| − | Мамук, мам, коми ань!
| |
| − |
| |
| − | <Бушенева А. В. @ Гортын : кывбур // Анастасия Бушенева. Уна рӧма шуд. Сыктывкар, 2013. Лб. 25.>
| |
| − |
| |
| − | ГОРТЫН
| |
| − |
| |
| − | Талун ме и ныв, и гӧсьт —
| |
| − | Дыр кад мысти сиктӧ вои.
| |
| − | Батьӧй ӧдзӧс эз нин восьт,
| |
| − | Куш тай сытӧг гортын лои.
| |
| − | Мамӧй сэкся кодь жӧ том,
| |
| − | Быттьӧ воясыс оз мунны.
| |
| − | Сёрнинымлы абу пом,
| |
| − | Кыкнаннымлы эм мый шуны.
| |
| − | Гортын шуда лои пыр,
| |
| − | Содіс кык пӧв олӧм вынӧй.
| |
| − | Мед жӧ мамӧй олас дыр,
| |
| − | А ме кольчча ичӧт нылӧн!
| |
| − |
| |
| − | <Бушенева А. В. @ "Юа тэнсьыд синватӧ..." : кывбур // Анастасия Бушенева. Уна рӧма шуд. Сыктывкар, 2013. Лб. 26.>
| |
| − |
| |
| − | * * *
| |
| − |
| |
| − | Ичӧтик пиӧйлы
| |
| − |
| |
| − | Юа тэнсьыд синватӧ,
| |
| − | Босьта аслым дойтӧ —
| |
| − | Сӧмын ло тэ дзоньвидза,
| |
| − | Менам дона мортӧй.
| |
| − | Енлы лун-лун кевмыся,
| |
| − | Мед тэ шуда лоин,
| |
| − | Быдмин сяма-тӧлкаӧн,
| |
| − | Ыджыд мортӧдз воин.
| |
| − | Олӧмыс ӧд котӧртӧ,
| |
| − | Кытчӧ на оз нуӧд...
| |
| − | Мамтӧ, муса пиукӧй,
| |
| − | Некор тэ эн вунӧд!
| |
| − |
| |
| − | <Бушенева А. В. @ "Пузчужӧм кагасянь..." : кывбур // Анастасия Бушенева. Уна рӧма шуд. Сыктывкар, 2013. Лб. 27.>
| |
| − |
| |
| − | * * *
| |
| − |
| |
| − | Пузчужӧм кагасянь
| |
| − | Мам йӧлӧн кылӧ.
| |
| − | Ас бердад кутыштан —
| |
| − | Сьӧлӧмыд сылӧ.
| |
| − | Пузчужӧм кагаыд —
| |
| − | Анделӧн чужӧ,
| |
| − | Олӧмтӧ мичмӧдны,
| |
| − | Ловзьӧдны кужӧ.
| |
| − | Пузчужӧм кагаыд —
| |
| − | Зэв ыджыд труд.
| |
| − | Енмыс оз быдӧнлы
| |
| − | Сет татшӧм шуд!
| |
| − |
| |
| − | <Бушенева А. В. @ "Уна тэ аддзылін, донаӧй, бурсӧ...» : кывбур // Анастасия Бушенева. Уна рӧма шуд. Сыктывкар, 2013. Лб. 28.>
| |
| − |
| |
| − | * * *
| |
| − |
| |
| − | Пӧчӧйлы
| |
| − |
| |
| − | Уна тэ аддзылін, донаӧй, бурсӧ,
| |
| − | Радлін да олін кӧкъямысдас во.
| |
| − | Дерт, вӧвліс шогсьӧм и бӧрдӧмыд сюрліс:
| |
| − | Верӧстӧг олӧмыд ма кодь эз ло.
| |
| − | Сӧмын эн уськӧдчы, уджтӧ эн шыбит,
| |
| − | Кӧть тэ и вӧлін сэк, ныланӧй, том,
| |
| − | Кутчысин, мырсин, но
| |
| − | Енлы эн юрбит,
| |
| − | Матыстін киясӧн войналы пом.
| |
| − | ... Ӧні со куйлан тэ, нюжӧдін коктӧ,
| |
| − | Синъясыд пӧдсаӧсь, киясыд кын,
| |
| − | Олӧмыс вайӧдіс тэнӧ гӧрд гортйӧ,
| |
| − | Босьтіс юр-вемтӧ, и эбӧс, и вын.
| |
| − |
| |
| − | <Бушенева А. В. @ Медводдза велӧдысь : кывбур // Анастасия Бушенева. Уна рӧма шуд. Сыктывкар, 2013. Лб. 29.>
| |
| − |
| |
| − | МЕДВОДДЗА ВЕЛӦДЫСЬ
| |
| − |
| |
| − | Вояс сайын зарни арся лунӧ
| |
| − | Медводдзаысь школаӧ ме муні:
| |
| − | Мышкын портпель, еджыд партук, платтьӧ —
| |
| − | Ставсӧ мамлӧн дасьтӧма мен, аттьӧ!
| |
| − | Триньӧбтӧ со гажаа звӧнок,
| |
| − | Заводитчӧ медводдза урок:
| |
| − | Миян водзын мича, том да шань,
| |
| − | Велӧдысьным кызь арӧса ань, —
| |
| − | Челядь юрӧ нёль во кӧдзис сям,
| |
| − | Зонпоснилы вӧлі быттьӧ мам...
| |
| − | ...Школа век на ас дінас тай корӧ,
| |
| − | Кӧть нин регыд меным комын ар.
| |
| − | Ассьым пиӧс вайӧді Ті дорӧ,
| |
| − | Медводдза сентябрын, кольӧм ар!
| |
| − |
| |
| − | <Бушенева А. В. @ "Шоныд тувсовъя лунӧ тэ чужин..." : кывбур // Анастасия Бушенева. Уна рӧма шуд. Сыктывкар, 2013. Лб. 30.>
| |
| − |
| |
| − | * * *
| |
| − |
| |
| − | Олялы
| |
| − |
| |
| − | Шоныд тувсовъя лунӧ тэ чужин,
| |
| − | Шонді кодьӧн жӧ лоны Тэ кужан.
| |
| − | Тэкӧд быттьӧ ми матысса чойяс,
| |
| − | Юкам кык вылӧ висьӧм и дойяс.
| |
| − | Дась Тэ отсавны ставлы, бур мортӧй, —
| |
| − | Помтӧм шуд Тэныд, дона нывъёртӧй!
| |
| − | Мурманск кар дорӧ овмӧдчан регыд —
| |
| − | Кутам гежӧда аддзысьны тэкӧд.
| |
| − | Сӧмын ме йылысь некор эн вунӧд,
| |
| − | Мед кӧть олӧмыс кытчӧ оз нуӧд!
| |
| − |
| |
| − | <Бушенева А. В. @ Юриндалысь : юриндалысь // Анастасия Бушенева. Уна рӧма шуд. Сыктывкар, 2013. Лб. 30.>
| |
| − |
| |
| − | ЮРИНДАЛЫСЬ
| |
| − |
| |
| − | «Ме радейта олӧм...»....................................3
| |
| − | «Ме кӧсъя...»...........................................4
| |
| − | «Югыд, зарни кодзулӧй...»...............................5
| |
| − | «Енмыслы нюжӧді киӧс...»................................6
| |
| − | «Тэ дорӧ муслунӧн лолала-ола...»........................7
| |
| − | «Кор шмонитан, а коркӧ шулан стрӧга...».................8
| |
| − | «Юкся тэкӧд радлунӧн...»................................9
| |
| − | «Эн скӧрав ме вылӧ, эн скӧрав...»......................10
| |
| − | «Тэкӧд орччӧн...»......................................11
| |
| − | Мӧвпалӧм...............................................12
| |
| − | «Карандашъяс киын кута ме...»..........................13
| |
| − | «Ме Енмыссянь уна ог виччысь...».......................14
| |
| − | «Ме чужи сэн...»...................................... 15
| |
| − | «Быдӧнлӧн эм аслас чужанін...».........................16
| |
| − | «Кутшӧм паськыд Коми му...»............................17
| |
| − | «Важӧн туй эз вӧв...»..................................18
| |
| − | «Тэ эм...»............................................ 19
| |
| − | «Эськӧ позьӧ кӧ вӧлі...»...............................20
| |
| − | «Пӧри сов дозным...»...................................21
| |
| − | «Быдӧн аслысног сёрнитӧ Енкӧд...»......................22
| |
| − | «Синъясӧй — саридз кодь пыдӧстӧм...»...................23
| |
| − | «Медся мича да муса...»................................24
| |
| − | Гортын.................................................25
| |
| − | «Юа тэнсьыд синватӧ...»................................26
| |
| − | «Пузчужӧм кагасянь...».................................27
| |
| − | «Уна тэ аддзылін, донаӧй, бурсӧ...» ...................28
| |
| − | Медводдза велӧдысь.....................................29
| |
| − | «Шоныд тувсовъя лунӧ тэ чужин...»......................30
| |
| − |
| |
| − | <Kodko @ Анастасия Бушенева : биогр. пасйӧд // Анастасия Бушенева. Уна рӧма шуд. Сыктывкар, 2013. Лб. 30.>
| |
| − |
| |
| − | Анастасия Бушенева
| |
| − |
| |
| − | «Чужи 1984-ӧд вося тулысын Пыисдін сиктын, быдми Мозын да Пыис юяс бокын, муса бать-мам да шань пӧль-пӧч ордын.
| |
| − | Искусство гимназия помалӧм бӧрын велӧдчи Сыктывкарса канму университетысь финн-йӧгра факультетын. Гожся каникул дырйи помалі том гижысьяслысь да вуджӧдчысьяслысь курсъяс. Кык воысь дырджык велӧді Усогорскса шӧр школаын коми кыв. Ӧні уджала Удора районса администрацияын.»
| |
