|
|
| Строка 1: |
Строка 1: |
| − | ==Михайлова З. В. Килля-лыска пуяса чужанін. Сыктывкар, 2010. 112 лб.==
| |
| | | | |
| − | Зоя Михайлова
| |
| − |
| |
| − | Килля-лыска пуяса
| |
| − | чужанін
| |
| − | Кывбуръяс
| |
| − |
| |
| − | Сыктывкар, 2010
| |
| − |
| |
| − | <>
| |
| − |
| |
| − | Килля-лыска пуяса чужанінӧс радейтны велӧдіс менӧ ыджыд батьӧй. Ичӧтысянь сыкӧд ми кыкӧн ветлывлім вӧрӧ. Сійӧ бура тӧдмӧдіс менӧ вӧр-ваыскӧд, и вӧр-валысь коланлунсӧ гӧгӧрвоӧмыс, сылысь мичсӧ казявны кужӧмыс чужтісны менам сьӧлӧмын олӧмсӧ пӧся радейтӧм.
| |
| − | Зоя Михайлова.
| |
| − |
| |
| − |
| |
| − | Чужан кыв
| |
| − |
| |
| − | Чужан кывйӧй меным вежа.
| |
| − | Кыдз нӧ мӧд кыв вылӧ вежа?
| |
| − | Эг на вошты ассьым вежӧр
| |
| − | Чужан кывлы корсьны вежӧр.
| |
| − | Аслас кывйӧн мортыд вына,
| |
| − | Чужан кывйыд сыла-вына.
| |
| − | Нимкодь — озырмӧдны-вежны,
| |
| − | Яндзим вузавны да вежны.
| |
| − | Роч кыв донъяла зэв вылӧ,
| |
| − |
| |
| − | Ог жӧ веж ме нинӧм вылӧ.
| |
| − | Кывъяс оз позь лотны - видзны,
| |
| − | Колӧ дӧзьӧритны - видзны.
| |
| − |
| |
| − | * Вежӧр - йир, вабергач.
| |
| − |
| |
| − | <>
| |
| − |
| |
| − | Менам сиктӧй
| |
| − |
| |
| − | Садьмӧ-чеччӧ асъя кыа,
| |
| − | Шонді мыччӧ чужӧмбан.
| |
| − | Сиктлысь шудсӧ асьным кыам -
| |
| − | Тані чужлім, олам тан.
| |
| − | Шойнатыӧй - чужанінӧй!
| |
| − | Мортыд, кӧні кӧть оз ов,
| |
| − | Сӧмын тані сьӧлӧм инӧ,
| |
| − | Сӧмын тані югзьӧ лов.
| |
| − | Шонді шлывгӧ Эжва весьтті,
| |
| − | Меным югӧр койигмоз,
| |
| − | Мортлы нинӧм абу веськодь -
| |
| − | Олӧм ладмас либӧ оз.
| |
| − | Мелі синсӧ шонді сиптӧ,
| |
| − | Вӧр-ва лӧньӧ, пуксьӧ вой;
| |
| − | Шойнатыӧй - менам сиктӧй -
| |
| − | Менам олӧм, сьӧлӧм дой.
| |
| − |
| |
| − | <>
| |
| − |
| |
| − | Радейта тэнӧ
| |
| − |
| |
| − | Чужан сикт быдӧнлы муса да дона,
| |
| − | Радейта сійӧс ме ёнасьыс-ёна.
| |
| − | Радейта сиктӧс лӧз тувсовъя кадӧ,
| |
| − | Эжваті пуръясла катер кор катӧ.
| |
| − | Радейта сійӧс, кор пуксяс жар гожӧм,
| |
| − | Некор тэ мустӧмӧн, сиктӧй, он ло жӧ.
| |
| − | Радейта шойнатыдоръясса видзьяс,
| |
| − | Арнас кор кольӧны турунлӧн идзьяс.
| |
| − | Радейта сиктӧс, кор уджыслӧн горыс
| |
| − | Кылӧ и тыдалӧ пыдысь кӧть дорысь.
| |
| − | Радейта, сиктӧй, ме тэнӧ бур йӧзысь,
| |
| − | Кодъяслӧн киясыс зарни да эзысь.
| |
| − | Радейта тэнӧ ме арнас и тӧвнас,
| |
| − | Шуа ме тайӧс тэд уна сё пӧв на.
| |
| − | Кӧрткерос районса му
| |
| − | Кӧрткерӧсса видзьяс, муяс,
| |
| − | Килля-лыска пашкыр пуяс,
| |
| − | Варов-визув ёльяс, юяс,
| |
| − | Чукля-веськыд ордым-туйяс -
| |
| − | Тайӧ миян чужан му.
| |
| − | Осипов да Виктор Савин-
| |
| − | Кодзувъяс, ми тӧдам ставӧн.
| |
| − | Аддзис унаӧс бур слава.
| |
| − | Казьтылӧны сійӧс явӧ,
| |
| − | Нимӧдӧ код чужан му.
| |
| − | Зіля уджалӧй, ныв-пиян,
| |
| − | Шудсӧ тэчӧй кужан киӧн,
| |
| − | Сьӧлӧмныд мед ӧзйӧ биӧн...
| |
| − | Кӧрткерӧс - юрсиктным миян,
| |
| − | Коми муным - чужан му.
| |
| − | Шойнаты сиктса шӧр школа
| |
| − | Школаын велӧдчан вояс,
| |
| − | Вежӧрын оланныд дыр.
| |
| − | Радейтчан тувсовъя войяс,
| |
| − | Сьӧлӧмын колянныд пыр.
| |
| − | Шойнаты сиктса шӧр школа,
| |
| − | Некор тэ менам он вун.
| |
| − | Кӧні кӧть уджала, ола,
| |
| − | Кытчӧ кӧть сиктысь ог мун.
| |
| − | Тані ме ёртъясӧс аддзи,
| |
| − | Радейтан зон менам эм,
| |
| − | Зонмыс тшӧтш радейтӧ менӧ.
| |
| − | Радейтӧм оз кус, дерт, нэм.
| |
| − | Шойнаты сиктса шӧр школа,
| |
| − | Менам и томлун, и шуд.
| |
| − | Тӧда, мый уналы колан,
| |
| − | Тайӧс ме дзебны ог кут
| |
| − | Школаын велӧдчи овны,
| |
| − | Шедӧдны тӧдӧмлун вуж,
| |
| − | Сьӧкыдлун венны не повны -
| |
| − | Лёк вылӧ мортыд он чуж.
| |
| − | Шойнаты сиктса шӧр школа,
| |
| − | Мам кодьӧн лоан тэ век.
| |
| − | Видлыны тэнӧ пыр вола,
| |
| − | Казьтывны томлунӧс сэк.
| |
| − | Кӧрт яг, Кӧрт Айка
| |
| − | Эжва юлӧн керӧсӧ
| |
| − | Кыпӧдчӧмыд тэ,
| |
| − | Валӧн югыд веркӧсыс -
| |
| − | Видзӧдчыныд эм.
| |
| − | Кӧрт Яг, Кӧрт-Айка -
| |
| − | Кӧрткерӧс!
| |
| − | Кӧрт Ты, Кӧрт Виям -
| |
| − | Кӧрткерӧс!
| |
| − | Олӧмыд тэнад,
| |
| − | Кӧрткерӧс,
| |
| − | Сьӧлӧмшӧр менам,
| |
| − | Кӧрткерӧс!
| |
| − | Мелі нюмӧн вашъялан,
| |
| − | Менам дона сикт.
| |
| − | Эжва юкӧд вашкӧдчан
| |
| − | Рӧмыдӧдзыс дзик.
| |
| − | Дзоридз моз тэ паськалан,
| |
| − | Менам чужанін.
| |
| − | Нималан тэ паськыда.
| |
| − | Тӧдан ассьыд ин!
| |
| − | Ой, олӧм, кӧть кутшӧм ТЭ, ОЛӦМ...
| |
| − | Ой, олӧм, кӧть кутшӧм тэ, олӧм,
| |
| − | Пыр меным ёна жӧ муса,
| |
| − | Кор асывнас гӧрд бана шонді
| |
| − | Чуксалӧ-садьмӧдӧ мусӧ.
| |
| − | Кор жар луныс пӧжӧмӧн шонтӧ
| |
| − | Став ловсӧ, вӧрсӧ и юсӧ,
| |
| − | Кор сӧдз рытӧ алӧйгӧрд кыа,
| |
| − | Мичаа пӧртмасиг, кусӧ.
| |
| − | Кор шондіыс саялӧ лӧня,
| |
| − | Шымыртӧ войыс вӧр-пусӧ.
| |
| − | Ой, олӧм, кӧть кутшӧм тэ, олӧм,
| |
| − | Меным тэ дона да муса.
| |
| − | Батьястӧг
| |
| − | Батьясӧс, батьясӧс тыш вылӧ нуӧны...
| |
| − | Сюрс лыда сёясӧс шог лунъяс суӧны.
| |
| − | Пузчужӧм кагаӧн, мамъяслӧн кынӧмын,
| |
| − | Батьяслӧн мунігӧн кольӧны кымынӧн...
| |
| − | Кось муніс сьӧкыда, вир киссян дойясӧн,
| |
| − | Му вылыс тшӧкыда тырлывліс шойясӧн.
| |
| − | Весьт кузя кагаяс кольлісны батьтӧгныс,
| |
| − | Бӧрдлісны дӧваяс, усьлісны садьтӧгныс.
| |
| − | Олӧмыс оліс пыр, быдмисны быдмысьяс,
| |
| − | Сӧмын тай батьястӧг няньыд на кыдйӧссис.
| |
| − | Батьястӧг ёна жӧ тшыглунтӧ пыкисны,
| |
| − | Гырк пытшъяс челядьлӧн нэм кежлӧ тшыкисны.
| |
| − | Этш петмӧн сьӧд уджсӧ челядь ӧд мыркисны...
| |
| − | Войнаыслысь йӧласӧ кутам на дыр кывны.
| |
| − | Кымын во нин он пет меным воча
| |
| − | Эн лок, менам батьӧй, война вылысь бӧр тэ:
| |
| − | Ас чужан му вӧсна том ловтӧ водз сетін.
| |
| − | Эн тӧдмавны удит ни быдтысян кӧрсӧ,
| |
| − | Ни кутшӧмджык мортӧн ме йӧз пӧвстӧ петі.
| |
| − | А кадыд оз кынмы, пыр восьлалӧ водзӧ,
| |
| − | Бать отсӧгтӧг ачым ме олӧмӧс вӧча.
| |
| − | Ог помнит ме, батьӧй, кыдз пуксьӧдлін водзад,
| |
| − | Ӧд кымынӧд во нин он пет меным воча.
| |
| − | Тэ куйлан кӧть ӧні зэв ылысса муын,
| |
| − | Век сьылӧны медым тэд гудорса бадьяс,
| |
| − | Да шӧпкӧны гыяс сяльӧдчысь юлӧн:
| |
| − | «Ой, узьӧй жӧ лӧня ті, дорйысьысь батьяс!»
| |
| − | Дӧва-мам
| |
| − | Дӧва ки помысь
| |
| − | Быдтысин тэ:
| |
| − | Колим ӧтнадлы
| |
| − | Ӧтторъя нёльӧн.
| |
| − | Уна сьӧкыдлун
| |
| − | Вичмыліс тэд:
| |
| − | Зэв на томӧн ӧд
| |
| − | Дӧваӧн колин.
| |
| − | Тэ эн новлывлы
| |
| − | Кокни, бур кӧм,
| |
| − | Тэ эн пасьтавлы
| |
| − | Зэв дона платтьӧ,
| |
| − | Тэ пыр судзсьӧдін
| |
| − | Ставнымлы сьӧм.
| |
| − | Аттьӧ, муса мам,
| |
| − | Ставсьыс тэд аттьӧ.
| |
| − |
| |
| − | Ӧдйӧ пӧрысьмин,
| |
| − | Донаӧй, тэ.
| |
| − | Частӧ висьвлывлан,
| |
| − | Мамукӧй, ӧні,
| |
| − | Но дзик некор,
| |
| − | Он норасьлы тэ...
| |
| − | Но-а шудлуныд
| |
| − | Аслад нӧ кӧні?
| |
| − | Быдмӧм ныв-пиыд -
| |
| − | Шудлуныд, дерт,
| |
| − | Найӧс кок йылӧ
| |
| − | Сувтӧдны вермин.
| |
| − | Лоас нэм помыд
| |
| − | Шудаджык мед,
| |
| − | Ставсӧ вӧчам сы могысь,
| |
| − | Мый вермам.
| |
| − | Ожманлӧн дӧваяс
| |
| − | Кызь ӧти арӧса мамук,
| |
| − | Потанын арджынъя ныв
| |
| − | Мам вылӧ видзӧдӧ рама,
| |
| − | Бӧрдӧм шы сылӧн оз кыв.
| |
| − | Мамукыс нёньӧдіс-вердіс,
| |
| − | Водтӧдіс узьны нин со.
| |
| − | Воюйтӧ радейтан верӧс,
| |
| − | Окыштны татчӧ оз во.
| |
| − | * Ожман - война.
| |
| − | Верӧслӧн медбӧръя кывъяс:
| |
| − | «Велӧдчӧм нывнымлы сет».
| |
| − | Кагуксӧ дзигӧдіг сывъяс,
| |
| − | Мӧвпавліс батьыс дзик век.
| |
| − | Быдтіс мам, велӧдіс нывсӧ,
| |
| − | Отсаліс бӧрйыны туй.
| |
| − | Мусалысь эз вунӧд кывсӧ,
| |
| − | Йи кудйӧ сійӧс эз сюй.
| |
| − | Мамукъяс, донаяс, мамъяс,
| |
| − | Ожманлӧн дӧваяс ті,
| |
| − | Быдлаӧ тырмывліс сямныд.
| |
| − | Копыртлам юрнымӧс ми.
| |
| − | Пасьмунӧм муслун
| |
| − | Сюрс ӧкмыссё нелямын ӧти,
| |
| − | Июньыслӧн кызь кыкӧд лун,
| |
| − | Дерт, нэм джынйысъ унджык
| |
| − | нин кӧть и,
| |
| − | Но ловъялӧн некор оз вун.
| |
| − | Батьӧйлы сё арӧс тырис -
| |
| − | Нэм чӧжыс мича да том,
| |
| − |
| |
| − | Ён тышын олӧмыс бырис,
| |
| − | Корсюрӧ олӧмыд - ком.
| |
| − | Мамуклӧн дзормӧма юрыс,
| |
| − | Тырис ӧд ӧкмысдас ар.
| |
| − | Сюрліс ӧд лёкыс и бурыс,
| |
| − | Тӧдліс ӧд кӧдзыд и жар.
| |
| − | Кымынлӧн пасьмуніс муслун,
| |
| − | Батьястӧм кымын ныв-пи...
| |
| − | Сьӧлӧмын некор оз куслы
| |
| − | Бать-мамӧс казьтылан би.
| |
| − | * Ком - здук
| |
| − | ***
| |
| − | Спас да Пречистая,
| |
| − | Вайӧй жӧ миянлы
| |
| − | Сы мында шудсӧ,
| |
| − | Мында эм кодзулыс
| |
| − | Енкола енэжас,
| |
| − | Сы мында вайӧй
| |
| − | Дзоньвидзалунсӧ да,
| |
| − | Мында эм дзоридзыс
| |
| − | Туруна видз вылас.
| |
| − | Асъя дай петан,
| |
| − | Югыд шондіӧй,
| |
| − | Отсав жӧ миянлы
| |
| − | Коллявны лунсӧ.
| |
| − | Отсав жӧ аслад
| |
| − | Дитяясыдлы!
| |
| − | Эжва дай Матушка,
| |
| − | Сет Коми муыслы
| |
| − | Вынсӧ да эбӧссӧ,
| |
| − | Шлывгӧдлы-новлӧдлы
| |
| − | Пыжӧн и поскӧн.
| |
| − | Чӧсмӧдлы-верд тэ
| |
| − | Быдсяма чериӧн.
| |
| − | Вӧрӧй да батюшко,
| |
| − | Сет коми йӧзыслы
| |
| − | Тшаксӧ да вотӧссӧ.
| |
| − | * * * Ломзьысь пач водзын
| |
| − | Радейта пукавны:
| |
| − | Би кыв паськалӧ,
| |
| − | Трачкӧдчӧ пес.
| |
| − | Курыд тшыныслысь
| |
| − | Кӧрсӧ ме дукала,
| |
| − | Синмӧн колльӧда
| |
| − | Шлывгысь сьӧд вез.
| |
| − | Юрын олӧмӧй
| |
| − | Тшын моз жӧ бергалӧ.
| |
| − | Аддза сылысь ме
| |
| − | Нюжӧдчӧм визь.
| |
| − | Эськӧ унатор косӧді,
| |
| − | Верми кӧ,
| |
| − | Эськӧ унатор
| |
| − | Вӧчи не сідз.
| |
| − | Арыд оз юав
| |
| − | Арыд оз юав,
| |
| − | Тӧдлытӧг воас,
| |
| − | Сы бӧрти тӧлыд,
| |
| − | Еджыдыд лоас.
| |
| − | Во лыдыд, тӧдан,
| |
| − | • •
| |
| − | Одйӧ зэв содӧ,
| |
| − | Дзор юрси унджык
| |
| − | Лунысь-лун водӧ.
| |
| − | Думыштныд он куж:
| |
| − | Пӧрысьлун суас,
| |
| − | Томдырся мичлунтӧ
| |
| − | Аскӧдыс нуас.
| |
| − | Арлыдыд, сійӧ,
| |
| − |
| |
| − | Ӧдйӧ зэв содӧ.
| |
| − | ***
| |
| − | Киссьӧм ватӧ он курав,-
| |
| − | Татшӧм йӧзкостса шусьӧг.
| |
| − |
| |
| − | Ӧтка олӧмыд курыд -
| |
| − | Ставыс ас вылад усьӧ.
| |
| − | Нинӧм бӧртӧ он бергӧд,
| |
| − | Тадзи ковмас нин овны.
| |
| − |
| |
| − | Ӧтнад быдтор он вермы,
| |
| − | Кӧть и унатор ковлӧ.
| |
| − | Пелысь да жов пу
| |
| − | Пелысь бердӧ топӧдчӧма жов пу,
| |
| − | Быттьӧ сылӧн муса дзоля чой:
| |
| − | Ӧтлаынтӧ кокньыдджыка овсьӧ,
| |
| − | Вильыш тӧв ныр озджык найӧс дойд.
| |
| − | Сӧстӧм дзоридз козьнавлывлӧ тулыс
| |
| − | Сымда-мында, лыддьыныд он куж.
| |
| − | Едждӧдланныд вылісяньныд улӧдз,
| |
| − | Жальысла оз кынты весиг пуж.
| |
| − | Би гӧрд мольяс ӧшалӧны арнас,
| |
| − |
| |
| − | Ӧзйысь розйӧн тырӧма быд вож.
| |
| − | Ывла кӧть оз ышмӧд пӧсьнас-жарнас,
| |
| − | Кӧдзыдысла мичлунныд оз вош.
| |
| − | Еджыд шальяс плавганныд ті тӧвнас,
| |
| − | Дзебыштанныд лым улӧ тыр роз.
| |
| − | Пемыдгӧрдӧдз тусьныд кисьмис-сӧвмис,
| |
| − | Вежны рӧмсӧ вын оз судзсьы, оз.
| |
| − | Тулыс-арнас, гожӧмнас и тӧвнас,
| |
| − | Кыпӧданныд усьӧм-доймӧм лов.
| |
| − | Шудыс, шогыс - быдторйыс нин вӧвлі,
| |
| − | Натӧгыд тай олӧмтӧ он ов.
| |
| − | Лов личӧдан кад
| |
| − | Тувсов кадӧ ойдӧм пуяс.
| |
| − | Ваыс кокчӧрӧдзныс туис.
| |
| − | Юлӧн рӧмпӧштан кодь веркӧс -
| |
| − | Чуймӧдана мича серпас.
| |
| − | Рытнас, шонді лэччандорыс,
| |
| − | Сявкйӧ зарниӧн вӧр дорыс.
| |
| − | Вӧр-ва ланьтӧ узьны лӧня,
| |
| − | Кусӧ кыа чим гӧрд вӧньӧн.
| |
| − | Сьӧлӧм вылын кокньыд, лӧсьыд,
| |
| − | Лунсӧ казьтыла ме пӧся.
| |
| − | Войвыв мулӧн авъя мичысь
| |
| − | Менам лолӧй лоӧ личыд.
| |
| − | Гожся серпас
| |
| − | Рӧмпӧштан-тыясӧй,
| |
| − | Кузь ласта видзьясӧй...
| |
| − | Гожӧмнад видз вылыд -
| |
| − | Мичлунсьыс-мич.
| |
| − | Гожӧмӧй-майбырӧй,
| |
| − | Веж коръя пуясӧн,
| |
| − | Сук йӧла турунӧн
| |
| − | Тырлывлан видз.
| |
| − | Югыдлӧз ю пытшкын
| |
| − | Шондіыс купайтчӧ,
| |
| − | Пуясыс быттьӧкӧ
| |
| − | Ваынӧсь тшӧтш.
| |
| − | Енэжсянь вашъялӧ
| |
| − | Вӧр-вакӧд шондіыс,
| |
| − | Зарниа югӧрнас
| |
| − | Югзьӧдӧ кӧдж.
| |
| − | Пыдӧстӧм енэжыс
| |
| − | Кельыдлӧз чышъяна,
| |
| − | Видзӧдлан вывланьӧ -
| |
| − | Кыпалӧ лов.
| |
| − | Сё пӧлӧс дзоридзӧн
| |
| − | Видз вылыс пӧртмасьӧ...
| |
| − | Гожӧмӧй-вердысьӧй,
| |
| − | Кузьджыка ов.
| |
| − | Нывбаба гожӧм
| |
| − | Нывбаба гожӧм, нывбаба гожӧм -
| |
| − | Сьӧлӧмтӧ вӧрзьӧдан мич,
| |
| − | Тырӧма важӧн пӧртмасьысь гажӧн
| |
| − | Висер юпӧлӧнса видз.
| |
| − | Видзвывса кыдзьяс, сё муса кыдзьяс,
| |
| − | Зарниӧн вӧччӧмныд ті,
| |
| − | Сявкйӧмӧн кыдзкӧ, сявкйӧмӧн кыдзкӧ
| |
| − | Югзьӧдад пасьтала ді.
| |
| − | Сё сикас рӧмӧн, быд сикас рӧмӧн
| |
| − | Пӧртмасьӧ Гыбадса вӧр,
| |
| − | Апав да-й сӧмын, апав да-й сӧмын
| |
| − | Вӧрыслысь тшак дука кӧр.
| |
| − | Арся скуп шонді, ваймӧдчысь шонді,
| |
| − | Жалиттӧг югӧртӧ кой:
| |
| − | Водз пӧра пондас, тӧдлытӧг пондас
| |
| − | Му-васӧ шымыртны вой.
| |
| − |
| |
| − | Арся рӧмъяс
| |
| − | Вижыс да гӧрдыс
| |
| − | Ньӧжйӧник мырддьӧ
| |
| − | Вӧрыслысь вежсӧ.
| |
| − | Ӧзйӧны би моз
| |
| − | Льӧм пу да пипу,
| |
| − | Сэтӧркӧд пелысь.
| |
| − | Вӧр-ваыс бара
| |
| − | Еджыд тӧв кежлӧ
| |
| − | Лӧсьӧдчӧ-вежсьӧ.
| |
| − | Кымӧръяс пӧвстті
| |
| − | Скуп арся шонді,
| |
| − | Кыйкъяліг келӧ.
| |
| − | * * *
| |
| − | Лэбӧны, лэбӧны коръяс,
| |
| − | Кӧдзӧдӧ лов шысӧ ар.
| |
| − | Килля пу, код тэнӧ доръяс,
| |
| − | Ывлаыд - Енмыс и Сар.
| |
| − | Зарниа кышӧдтӧ тэнсьыд
| |
| − | Пӧрччӧдас вильышмӧм тӧв,
| |
| − | Юасьны мӧдас-ӧ менсьым,
| |
| − | Ме сылӧн абу ӧд пӧв.
| |
| − | Швичкана тӧлыдлысь сямсӧ
| |
| − | Ме моз жӧ тӧдан тэ, пу.
| |
| − | Этшсӧ вед сылысь он яммӧд,
| |
| − | Мый сэсся сылы кӧть шу.
| |
| − | Арыслӧн быгыдмӧм мичыс
| |
| − | Сьӧлӧмӧс нюкыртмӧн жаль.
| |
| − | Ачымӧс такӧда: видзас
| |
| − | Кыдз пусӧ Войпельлӧн шаль.
| |
| − | * * * Кӧть ывлавылын
| |
| − | Ыджыдалӧ ӧшым,
| |
| − | Но таво гыӧр
| |
| − | Эз на вевттьыв ӧшинь.
| |
| − | Оз шебрӧд-поньтав
| |
| − | Мусӧ лымъя эшкын,
| |
| − | А Эжва йисӧ бӧр нин
| |
| − | Йӧткис-вештіс.
| |
| − | А лун тӧв быд лун
| |
| − | Небыдика пӧльтӧ,
| |
| − | Но виччысям ми
| |
| − |
| |
| − | Тӧвтӧ-пӧльтӧ.
| |
| − | Дерт, локтас,
| |
| − | Сійӧ, кӧнкӧ, туйын:
| |
| − | Лымйӧн, турӧбӧн
| |
| − | Да пашлякъясӧн уйӧ.
| |
| − | 1996 вося ӧшым 3 лун.
| |
| − | Тӧвся кыдзьяс
| |
| − | Войтӧв эзысьтіс вугралысь кыдзьясӧс,
| |
| − | Вӧчис пуяссӧ чуймӧдан мичаӧн.
| |
| − | Шензя, вермасяд тӧлыскӧд кыдзи нӧ,
| |
| − | Йиа кӧдзыдыс дыркодь оз личав ӧд.
| |
| − | Еджыд чӧв-лӧньын кыдзьясыс узьӧны,
| |
| − | Найӧс гартӧма прӧшвиа гыӧрӧн.
| |
| − | Тӧлыд войвылад нюжалас кузя на:
| |
| − | Кыдзьяс лым сырйысь кӧсаяс кыӧны.
| |
| − | Венеч улӧ ті лӧсьӧдчад быттьӧкӧ,
| |
| − | Ковмас, ӧні жӧ вичкоӧ мунанныд.
| |
| − | Кыдзьяс, гажӧдад менсьым ті жытник дор,
| |
| − | Дивӧ-мичлунсӧ некор не вунӧдны.
| |
| − | Майбыръяс
| |
| − | Лымйӧн тырӧм ыджыд сиктын,
| |
| − | Нимсӧ сылысь огӧ ликтӧй,
| |
| − | Воймӧм керка, южмӧм ордым,
| |
| − | Туйыс пыртӧ Петыр ордӧ.
| |
| − | Асывводзнас мужикулов,
| |
| − | Коді пӧкмелляысь кулӧ,
| |
| − | Петыръясӧ мисьтӧм думӧн
| |
| − | Локтіс корсьны сьӧмтор юмӧн.
| |
| − | Коляс картупельсӧ гусьӧн,
| |
| − | Петыр гӧтырысь на сюсьӧсь,
| |
| − | Вузалісны лавка дорын:
| |
| − | Горшныс кӧтӧдыштны корӧ.
| |
| − | Курыдторйыд ӧні уна,
| |
| − | Весиг кыдзи шусьӧ вунӧ.
| |
| − | Юыштісны Петыр ёрткӧд:
| |
| − | Лӧсялӧны шань, бур морткӧд.
| |
| − | Лун шӧр гӧгӧр котыр надзӧн,
| |
| − | Некод некодӧс оз аддзы,
| |
| − | Мир туй вылӧ люзьгӧ-петӧ,
| |
| − | Матьыс налӧн кылӧ сэтӧн.
| |
| − | «Майбыръяслы» лӧсьыд овны,
| |
| − | Некӧн уджавны оз ков ни.
| |
| − | * * * Асьным ог бӧрйӧй,
| |
| − | Миянӧс бӧръяд.
| |
| − | Мыйлакӧ бӧрвылас
| |
| − | Крапнитад: «Бӧръя!»
| |
| − | Юанныд быд лун,
| |
| − | Лёклунныд быдмӧ.
| |
| − | Янӧдад быдлаын
| |
| − | Видчанныд быд ног.
| |
| − | Садьмас-ӧ бурлун?
| |
| − | Ставыс-ӧ бурмас?
| |
| − | Сяммас-ӧ бур ногӧн
| |
| − | Сьӧлӧм дой бурдны?
| |
| − |
| |
| − | Ӧктӧмъяс
| |
| − | * * *
| |
| − | Олӧмӧ могтӧ
| |
| − | Шуасьтӧг пӧрт:
| |
| − | Енмыслысь шуӧм
| |
| − | Водзвыв он тӧд.
| |
| − | * * *Мортыдлӧн колӧмыс
| |
| − | Помтӧм ни дортӧм.
| |
| − | Колӧмыд полӧмсӧ
| |
| − | Вермас на коркӧ.
| |
| − | * * *Скӧрмытӧдзыд лыддьы сёӧдз,
| |
| − | Кучкытӧдзыд - даса сёӧдз.
| |
| − | * * *Морттӧ кӧ радейтан ёна,
| |
| − | Муслуныд другӧн оз кус.
| |
| − | Ыдждӧ да содӧ быд во на,
| |
| − | Ылавны сьӧлӧм оз куж.
| |
| − | * * *Авъя лэбач аслыс позтӧ
| |
| − | Оз на быд пу вылӧ вӧч,
| |
| − | Бӧръяс кыдзтӧ либӧ козтӧ,
| |
| − | Кодыс колӧ, тӧдӧ стӧч.
| |
| − |
| |
| − | * * *Ёсь кывйыд - енби,
| |
| − | Кузь кывйыд - веськыда мат.
| |
| − | * * *
| |
| − | Мортлы асьсӧ тӧдны колӧ,
| |
| − | Кутшӧм ӧбича да сям.
| |
| − | Сэки лоас ладӧн олӧм,
| |
| − | Сэки йӧзкӧд лоан рам.
| |
| − | * * *
| |
| − | Кӧсъян тӧдмавны кӧ морттӧ,
| |
| − | Унджык сёрни сыкӧд пан.
| |
| − | Ачыд ланьтӧдышт кыв-вортӧ:
| |
| − | Вомъёртыдлӧн вӧля тан.
| |
| − | * * * Лӧглунтӧ дзебны, дерт,
| |
| − | Абу зэв сьӧкыд.
| |
| − | Муслунтӧ, сійӧс, тэ
| |
| − | Некыдз он дзеб.
| |
| − | Йӧз дорӧ веськодьлун
| |
| − | Дзебны медсьӧкыд,
| |
| − | Мортыдлӧн та вылӧ
| |
| − | Выныс зэв жеб..
| |
| − | * * *
| |
| − | Енмыд матыстчӧ, дерт, сылань,
| |
| − | Гылыд серам кӧні кылӧ.
| |
| − | * * *
| |
| − | Инаас кӧ яндысьтӧм,
| |
| − | Ылӧдлас жӧ яндысьтӧг.
| |
| − | Тима Веньлы
| |
| − | Эжвайывса колипӧн
| |
| − | Ыдждӧдлӧны ӧні...
| |
| − | Тӧдны эськӧ, донаӧй,
| |
| − | Гуыд тэнад кӧні.
| |
| − | Вайны видз выв дзоридзьяс,
| |
| − | Копыртлыны юрӧс.
| |
| − | Гутӧ тӧдысь-индысьяс
| |
| − | Мыйла нӧ оз сюрны?
| |
| − | Эжвайывса сьылысьӧй,
| |
| − | Сьӧлӧмъясын олан,
| |
| − | Мича кывбур-висьтъяснад
| |
| − | Век на йӧзлы колан.
| |
| − | Тэнад кывъяс - вир тусьяс -
| |
| − | Помтӧм сьӧлӧм дойяс,
| |
| − | Тырӧмаӧсь муслунӧн,
| |
| − | Ставныс быттьӧ ловъя-сь.
| |
| − | Помӧсдінса пожӧмъяс
| |
| − | Радейтлін тэ ёна.
| |
| − | Кыдз нӧ эськӧ, колипӧй,
| |
| − | На улӧ тэд водны?
| |
| − | Виктор Савинлы
| |
| − | Коми мулӧн югыд кодзув,
| |
| − | Нёбдінсалӧн зарни пи,
| |
| − | Ылӧдз нималан пыр водзӧ,
| |
| − | Сявкъян гижӧдъяслысь би.
| |
| − | Вӧлі енбиыд зэв ыджыд,
| |
| − | Сӧмын лӧг кутӧмыд эм,
| |
| − | Бырӧдісны мыжтӧм мыжысь,
| |
| − | Вынӧн дженьдӧдісны нэм.
| |
| − | Куйлан кӧнкӧ ылі муын,
| |
| − | Гортад бӧрсӧ эн и во.
| |
| − | Тӧдмавтӧм на, кӧні гуыд:
| |
| − | Сус пу дорад он тай вод.
| |
| − | Сьылысь-гижысь Виктор Савин,
| |
| − | Помтӧг сьӧлӧмъясын ов.
| |
| − | Прӧстит, ошкам ӧні ставӧн,
| |
| − | Казьтылам кор Тэнсьыд лов!
| |
| − | Поэт Ананий Размысловлы
| |
| − | Усьысь кодзув моз дзирыштіс олӧм,
| |
| − | Дугдіс тіпкыны сьӧлӧм зэв водз.
| |
| − | Кӧть и унатор вӧчны на колӧ,
| |
| − | Инмысь пулякӧд нинӧм он вӧч.
| |
| − | Чужан му вӧсна сетін тэ ставсӧ:
| |
| − | Ассьыд томлун, и вежӧр, и мич.
| |
| − | Бӧръя кывбурын казьтылін мамтӧ,
| |
| − | Гажа Осьникысь туруна видз.
| |
| − |
| |
| − | Ӧні куйлан тэ гортсьыд зэв ылын.
| |
| − | Украинаыд - бокӧвӧй му.
| |
| − | Ассьыд олӧмтӧ сетін тэ сылы,
| |
| − | Сэтчӧс шойнаӧ кодйисны гу.
| |
| − | Ми ог вунӧдӧй тэнӧ дзик некор,
| |
| − | Тэнад сьыланъяс юргасны пыр.
| |
| − | Ас йӧз памятьын куслытӧг век ов,
| |
| − | Ӧзйысь кодзув моз, югъяв тэ дыр.
| |
| − | Коми композитор
| |
| − | Александр Осиповлы
| |
| − | Петін Шойнаты сиктысь
| |
| − | Ыджыд олӧмас тэ.
| |
| − | Югыд бикиня сямлун
| |
| − | Тэныд сетлӧма ен.
| |
| − | Мича сьыланъяс шыӧн
| |
| − | Ылӧдз нималан пыр,
| |
| − | Век на юргӧны найӧ,
| |
| − | Йӧзсӧ гажӧдігтыр.
| |
| − | Гожся лунъясӧ тырас
| |
| − | Катшасинъясӧн видз,
| |
| − | Тэнад медмуса дзоридз -
| |
| − | Миян войвывлӧн мич.
| |
| − | Кылӧ клуб шӧрын сьылӧм,
| |
| − | Тэнсьыд казьтылӧ ним,
| |
| − | «Катшасинъяслӧн» юргӧм
| |
| − | Пыр на содӧ, оз чин.
| |
| − | Зёльгысь шор кодь жӧ небыд
| |
| − | Мыла шыяслӧн гор:
| |
| − | Тэнад сьыланлӧн олӧм,
| |
| − | Эска, некор оз ор.
| |
| − | Коми композитор
| |
| − | Алсксандр Осиповлы
| |
| − |
| |
| − | Ӧльӧксан Осипов -
| |
| − | Нималысь мортӧй,
| |
| − | Бара на гӧстьясӧс
| |
| − | Чукӧртін гортад...
| |
| − | Колипӧн юралӧ
| |
| − | Шыладыд тэнад,
| |
| − | Лэбачлысь тувсовъя
| |
| − | Сьылӧмсӧ веніг.
| |
| − | Быттьӧкӧ скрипканад
| |
| − | Тані тшӧтш сьылан,
| |
| − | Небыдик шыясыс
| |
| − | Лэбӧны вылӧ.
| |
| − | Ас мулысь рӧмъяссӧ
| |
| − | Ясыда кыліг,
| |
| − | Сьӧлӧмсянь сьыланкыв
| |
| − | Тэнсьыд ми сьылам.
| |
| − | Кымын нэм сулалас
| |
| − | Таладор олӧм,
| |
| − | Сы дыра-й шыладыд
| |
| − | Тэнад пыр олас.
| |
| − | Мыла да, мича да,
| |
| − | Босьт, мыйта колӧ,
| |
| − | Мамлӧн кодь мелілун
| |
| − | Йиджтысяс лолад.
| |
| − | Каракчиева Нина Фёдоровналы
| |
| − | Челядь сьӧлӧмын чужтад
| |
| − | Коми му дінӧ муслун,
| |
| − | Кывны велӧдад найӧс
| |
| − | Ай-мам кыв-ворлысь мичсӧ.
| |
| − | Тіян велӧдан морттуй
| |
| − | Ӧзйӧ яра да кустӧг -
| |
| − | Оз на быдӧн тай сяммы
| |
| − | Вӧчны-артмӧдны сідзсӧ.
| |
| − | Сиктныд ланьтӧма, узьӧ.
| |
| − | Тіян ӧшиньныд биа.
| |
| − | Уджныд век на эз помась,
| |
| − | Сійӧ водзӧ на мунӧ.
| |
| − | Гашкӧ, кывбуръяс чукӧр
| |
| − | Восьсӧн кутанныд киад.
| |
| − | Гашкӧ, челядьлысь уджсӧ
| |
| − | Колӧ лыддьыны уна.
| |
| − | Школа помалӧм ныв-зон,
| |
| − | Накӧд йитӧдыд топыд.
| |
| − | Пыр на, велӧдысь, найӧс
| |
| − | Мелі шаньлуннад кыскад...
| |
| − | Ыджыд аттьӧ дзик ставсьыс
| |
| − | Да и муӧдзыс копыр!
| |
| − | Бур, мый Тіян кодь мортыс
| |
| − | Чужӧ Му вылас кыськӧ.
| |
| − | * * * Муслунтӧ он пӧдты,
| |
| − | Муслунтӧ он ви.
| |
| − |
| |
| − | Ёнджыка на ӧддзӧ,
| |
| − | Кыдзи пестӧм би.
| |
| − | * * * Муслуныд - зэв мича шудлун,
| |
| − | Муслуныд - сьӧлӧмлӧн дой.
| |
| − | Шуда, кор топыда кутлӧ,
| |
| − | Радейтысь пӧлыд быд вой.
| |
| − | Медводдза муслун
| |
| − | Тувсовъя тӧвруыс льӧм корӧн ӧвтӧ -
| |
| − | Ывлаын ловзьӧдан-томмӧдан кад.
| |
| − | Шоналӧм сынӧдсӧ лов тырӧн кӧвта,
| |
| − | Гӧрддзасьӧм муслунысь меным зэв рад:
| |
| − | Медводдза кутчысьлӧм,
| |
| − | Медводдза окасьӧм,
| |
| − | Медводдза муслун
| |
| − | Сьӧлӧмын кута ме,
| |
| − | Олас ме бокын мед,
| |
| − |
| |
| − | Ӧзъялас куслытӧг.
| |
| − | Медводдза муслун -
| |
| − | Медмича муслун.
| |
| − | Льӧм вылысь гылалӧм еджыдик дзоридз
| |
| − | Висьталіс: помасис велӧдчан во.
| |
| − | Сулалім тэкӧд кор ми потшӧс дорын,
| |
| − | Ньӧжйӧник шӧпкӧдіс тэд менам вом:
| |
| − | Медводдза кутчысьлӧм,
| |
| − | Медводдза окасьӧм,
| |
| − | Медводдза муслун
| |
| − | Сьӧлӧмын кута ме,
| |
| − | Олас ме бокын мед,
| |
| − |
| |
| − | Ӧзъялас куслытӧг.
| |
| − | Медводдза муслун -
| |
| − | Медмича муслун.
| |
| − | Льӧм пуыс вӧччӧма, мича да пашкыр,
| |
| − | Вӧрзьытӧг чӧв олӧ вежӧдӧм кор.
| |
| − | Мусалы быттьӧкӧ гусятор вашка,
| |
| − | Сьӧлӧмлы сӧмын тай талун зэв нор:
| |
| − | Медводдза кутчысьлӧм,
| |
| − | Медводдза окасьӧм,
| |
| − | Медводдза муслун
| |
| − | Сьӧлӧмын кута ме,
| |
| − | Олас ме бокын мед,
| |
| − |
| |
| − | Ӧзъялас куслытӧг.
| |
| − | Медводдза муслун -
| |
| − | Медмича муслун.
| |
| − | * * *
| |
| − | Мортыд шуда,
| |
| − | Кор радейтӧ мӧдӧс.
| |
| − | Кык пӧв шуда,
| |
| − | Кор кодлыкӧ муса.
| |
| − | Сетан вороп - и
| |
| − | Бергӧдас мусӧ.
| |
| − | Шуда сьӧлӧмыд
| |
| − | Кылӧ и тӧдӧ.
| |
| − | Шуда муслун
| |
| − | Вӧлі кӧдзыдӧн да няйтӧн
| |
| − | Тэкӧд паныдасян ар.
| |
| − | Асьным весиг эг и чайтӧй,
| |
| − | Муслун лоас кутшӧм жар.
| |
| − |
| |
| − | Ӧта-мӧдлӧн висьмис сьӧлӧм,
| |
| − | Сӧмын тайӧ мича дой,
| |
| − | Кодӧс тэ ни ме эг ӧлӧд,
| |
| − | Тӧдӧ мусукасян вой.
| |
| − | Кутшӧм югыд рӧма муслун,
| |
| − | Кутшӧм долыд рӧма шуд!
| |
| − | Муслун биным ӧзйӧ кустӧг:
| |
| − | Сэтшӧм сылы уси пуд.
| |
| − | Муслун - сійӧ ыджыд шудлун,
| |
| − | Муслун - сійӧ сьӧлӧм дой.
| |
| − | Шудлун - сійӧ кыклӧн муслун,
| |
| − | Шудлун - шогыс абу войт.
| |
| − | * * * Эжва юлӧн нӧрысын
| |
| − | Аддзысьлывлам ми,
| |
| − | Шоныд югыд тулысын
| |
| − | Ӧзйис муслун би.
| |
| − | Эжва юӧй, тулысӧй,
| |
| − | Берегдорса бадь,
| |
| − | Радейта ме сэтшӧма,
| |
| − | Муртса оз быр садь.
| |
| − | Ваыс туӧ, паськалӧ
| |
| − | Эжва юлӧн от.
| |
| − | Муслун биным ломалӧ,
| |
| − | Пола, мед оз сот.
| |
| − | Эжва юлӧн гыясӧн
| |
| − | Ворсӧ тувсов тӧв.
| |
| − | Мелі сывъяд кутӧмӧн
| |
| − | Окалан сё пӧв.
| |
| − | Кутшӧм тэкӧд шуда ме,
| |
| − | Тӧдӧ Эжва ю.
| |
| − | Муслуннымӧс ёнмӧдӧ
| |
| − | Ловзьӧм тувсов му.
| |
| − | * * *
| |
| − | Лышкыда дзордзалысь
| |
| − | Лым еджыд льӧмйыс
| |
| − | Тыртӧма сынӧдсӧ
| |
| − | Кольмӧдан кӧрӧн,
| |
| − | Олӧмным быттьӧкӧ
| |
| − | Луныслӧн сьӧмӧс,
| |
| − | Видзӧдлан меліа -
| |
| − | Сьӧлӧмӧй вӧрзьӧ.
| |
| − | Кудринад ворсӧдчӧ,
| |
| − | Мусаӧй, тӧлыс,
| |
| − | Вуджӧма синъясад
| |
| − | Лӧз енэж рӧмыс.
| |
| − | Томӧсь да долыдӧсь
| |
| − | Тэкӧд ми вӧлім
| |
| − | Кыкнанным кызь арӧс
| |
| − | Тыртім на сӧмын.
| |
| − | * * * Волывлывла тэкӧд
| |
| − | Эжва кыркӧтш йылӧ,
| |
| − | Шӧпкӧдлывлан пӧся
| |
| − | Аслад муслун йылысь.
| |
| − |
| |
| − | Ёна окалӧмсьыд
| |
| − | Сьӧлӧм чеччӧ-бытшкӧ -
| |
| − | Гӧрдов рытъя кыа
| |
| − | Ворсӧ Эжва пытшкын.
| |
| − | Кутчысьлӧмӧн войыс
| |
| − | Кольӧ, ог и тӧдлӧй.
| |
| − | Мыйта мелілунсӧ
| |
| − | Сетам ӧта-мӧдлы.
| |
| − | Эжва, дона Эжва -
| |
| − | Паськыд ӧта юӧй.
| |
| − | Кокни руа гыяс,
| |
| − | Шуднымӧс эн нуӧй.
| |
| − | Югыд войяс
| |
| − | Югыд войяс - гожся войяс,
| |
| − | Муслун войяс - кыа-чойяс,
| |
| − | Войбыд кыа дзирдсӧ кояс,
| |
| − | Тӧдлас менсьым сьӧлӧм дойӧс.
| |
| − | Сьӧкыд узьны татшӧм войӧ,
| |
| − | Висьӧ сьӧлӧм муслун дойӧн,
| |
| − | Коллям войсӧ зонкӧд кыкӧн,
| |
| − | Шонді петтӧдз лоа сыкӧд.
| |
| − | Югыд войяс - шуда войяс,
| |
| − | Лӧньӧданныд сьӧлӧм дойӧс,
| |
| − | Муса зонлӧн шоныд сывъяс
| |
| − | Кывза медся мелі кывъяс.
| |
| − | Югыд войяс - кыпыд войяс,
| |
| − | Сьылі гӧгӧр небыд сойяс,
| |
| − | Окалан тэ менӧ пӧся,
| |
| − | Радейтчӧмнад овны лӧсьыд.
| |
| − | ***
| |
| − | Сьӧлӧм морӧсын
| |
| − | Тіркъялӧ-чеччӧ,
| |
| − | Быттьӧ лэбач моз
| |
| − | Шедӧма лэчкӧ.
| |
| − | Юрын вежӧрӧй
| |
| − | Вошлыны кутӧ,
| |
| − | Кор тэ сывъясад
| |
| − | Дзигӧдан-кутлан.
| |
| − | Кор тэ окалан,
| |
| − | Сулаліг воча,
| |
| − | Тагъя сурсӧ эг юӧй,
| |
| − | А коддза.
| |
| − | Муслун
| |
| − | Лэччӧ шонді вӧр-пу сайӧ,
| |
| − | Локтӧ небыд гожся вой.
| |
| − | Ыбъясланьӧ зонкӧд каям,
| |
| − | Менам коскын сылӧн сой.
| |
| − | Водзӧ нуӧ мелі сёрни.
| |
| − | Енэж шӧрын тӧлысь джын.
| |
| − | Кадыс кӧть и бура сёр нин,
| |
| − | Бергӧдчыны абу вын.
| |
| − | Асыввылын зарни шонді
| |
| − | Мыччис ассьыс югыд бан,
| |
| − | Мулы выль лун вайны пондіг,
| |
| − | Кымынысь нин суліс тан.
| |
| − | Талун, асъя шонді петіг,
| |
| − | Воссис муслунӧйлӧн сыв.
| |
| − | Зонмӧй ассьыс сьӧлӧм сетіс,
| |
| − | Шуис медся колан кыв.
| |
| − | * * *
| |
| − | Радейтӧмӧн сьӧлӧмъясным ойдӧма
| |
| − | Морӧс кудным мелілунӧн тыр.
| |
| − | Кыкнаннымӧс ӧти дой тай дойдӧма:
| |
| − | Кыдз нӧ гажыд лунтырнад оз быр?
| |
| − | Топӧдӧмыд ас бердад тэ сэтшӧма,
| |
| − | Ыджыдджыка лолыштны он сет.
| |
| − | Рытыс-войыс, аддза, тэныд этша на,
| |
| − | Кыдз нӧ сэсся тэ сайӧ он пет?
| |
| − | * * * Узьсяс ӧмӧй татшӧм войӧ -
| |
| − | Туӧ сьӧлӧм муслун дойӧн.
| |
| − | Войсӧ дженьдӧдам ми кыкӧн,
| |
| − | Кодлы дела, овлам кытӧн...
| |
| − | Югыд войяс, шуда войяс,
| |
| − | Бурдӧданныд сьӧлӧм дойяс.
| |
| − | Муса зонлӧн шоныд сывъяс
| |
| − | Кывза медся мелі кывъяс.
| |
| − | * * *
| |
| − | Менам муслунӧй
| |
| − | Истӧгӧн чиркнитіс,
| |
| − | Сэсся паськаліс
| |
| − | Ыпъялысь бипурӧн.
| |
| − | Югыд кодзув моз
| |
| − | Нэмыс нин дзирдалӧ,
| |
| − | Капля вын абу
| |
| − | Чинтыны-сиптыны.
| |
| − | Сиктӧ локтӧм зонмыс
| |
| − | Кельдӧдӧма, лӧзӧдӧма
| |
| − | Мӧдлапӧвса вӧрыс.
| |
| − | Вылӧ-вылӧ качӧдчӧма
| |
| − | Енэжыслӧн шӧрыс.
| |
| − | Вом тырнас дзик вашъялӧ нин
| |
| − | Тувсовъя пӧсь шонді,
| |
| − | Лышкыдджыка югӧръяссӧ
| |
| − | Меным койны пондіс.
| |
| − | Сьӧлӧм вылӧ воис меным
| |
| − | Сиктӧ локтӧм зонмыс.
| |
| − | Ойдӧм ю моз пытшкын менам
| |
| − | Муслун туӧ-ёнмӧ.
| |
| − | Зёльӧдчигтыр паськалӧ пыр
| |
| − | Тулысыслӧн горыс,
| |
| − | Радейтӧмӧй ӧзйӧ биӧн,
| |
| − | Шудӧн тырӧ морӧс.
| |
| − | Вежӧдӧма, вижӧдӧма
| |
| − | Мӧдлапӧвса вӧрыс.
| |
| − | Сынӧд тырыс разалӧма
| |
| − | Дзоридзьяслӧн кӧрыс...
| |
| − | Бӧр нин ӧтнас шогсьӧ чӧла
| |
| − | Пелысьяса керӧс.
| |
| − | Сиктӧ локтӧм муса зонмыс
| |
| − | Ӧні менам верӧс.
| |
| − | Козьнав меным
| |
| − | Козьнав меным асывсӧ
| |
| − | Би гӧрд югыд кыаӧн,
| |
| − | Енкайыслӧн сьылӧмыс
| |
| − | Тшӧтш мед матын шыалӧ.
| |
| − | Козьнав меным лунсӧ тэ,
| |
| − | Шоныдӧс да мичаӧс,
| |
| − | Лышкыд шонді югӧрыс
| |
| − | Муслуннымӧс видзас мед.
| |
| − | Козьнав меным рытсӧ тэ
| |
| − | Лӧня кусысь кыаӧн,
| |
| − | Шудсӧ небыд сывбордйын
| |
| − | Кыкӧн тэкӧд кыам ми.
| |
| − | Козьнав меным войсӧ тэ,
| |
| − | Пемыдӧс да юмолӧс,
| |
| − | Мелілунсӧ позяс мед
| |
| − | Ыджыд кӧшӧн гумовтны.
| |
| − | Аттьӧ
| |
| − | Лунся тӧждсьыд
| |
| − | Ыджыд аттьӧ.
| |
| − | Войся мелілунсыд
| |
| − | Аттьӧ.
| |
| − | Быд во содтӧд
| |
| − | Арлыд каттьӧ -
| |
| − | Кустӧм радейтӧмсьыд
| |
| − | Аттьӧ.
| |
| − | Муслунӧс оз вермы кынтыны
| |
| − | Пуяссӧ гартлісны
| |
| − | Гыӧръяс-прӧшвияс,
| |
| − | Эзысь кодь лым сыръяс
| |
| − | Чукӧрӧн ӧшйисны.
| |
| − | Алӧйгӧрд гӧгыльӧн
| |
| − | Шондіыс кыптыліс,
| |
| − | Йи кӧдзыд югӧрӧн
| |
| − | Ру пырыс ыпмунліс.
| |
| − | Йӧв еджыд ывлаыс,
| |
| − | Сук руа кӧдзыдсьыс,
| |
| − | Лун шӧрнас сӧмын тай
| |
| − | Здук кежлӧ сӧдзтысьлас.
| |
| − | Сьӧлӧмӧс йизьӧдны
| |
| − | Ывлаыс вынтӧм на,
| |
| − | Кӧдзыдыс муслунӧс
| |
| − | Оз вермы кынтыны.
| |
| − | * * * Яръюгыд шондіӧй,
| |
| − | Пӧся и шонтан тэ.
| |
| − | Дзирдалысь кодзулӧй,
| |
| − | Пыр мунан водзвылын.
| |
| − | Алӧйгӧрд кыаӧй,
| |
| − | Шуд тэкӧд кыам ми.
| |
| − | Сё муса верӧсӧй,
| |
| − | Видзысьӧй-вердысьӧй,
| |
| − | Муслунным бердлытӧм
| |
| − | Ӧта-мӧд берданым.
| |
| − | Акростих
| |
| − | Жов пу вылын ӧшалӧны тусьясыс,
| |
| − | Ичӧт мольяс вашкӧдчӧны гусьӧник.
| |
| − | Жытник дорӧй ӧзйӧ арся мичлунӧн,
| |
| − | Енэжыслы лӧзӧв чышъян вичмӧма.
| |
| − | Вывсянь, майбыр, ставыс сылы тыдалӧ.
| |
| − | Кымӧртӧгыд видзӧдлас дзик быдлаӧ.
| |
| − | Истӧг тувъяс оз ков луннад ӧзтыны,
| |
| − | Мольяс жовлӧн куслытӧг на ӧзйӧны.
| |
| − | ***
| |
| − | Зарниӧн коялӧм вӧр,
| |
| − | Быдсяма мӧвп юрын чужтан.
| |
| − | Мичлунныд сывйӧ оз тӧр -
| |
| − | Овны вот пужтӧг он куж тэ.
| |
| − | Пужйыдлӧн ыджыдкодь вын,
| |
| − | Дойдалас, кынтӧмӧн сотас,
| |
| − | Сыысь ӧд бурӧн он мын:
| |
| − | Бырӧдас вӧрсьыд тшак-вотӧс.
| |
| − | Олӧмыд татшӧм жӧ тшук,
| |
| − | Козьналас яръюгыд шудӧн.
| |
| − | Югъялас, кажитчӧ, здук,
| |
| − | Кватитчан - лоӧма рудӧн.
| |
| − | * * * Мыйла мен югъявны тэтӧг?
| |
| − | Дзирдыс ӧд аслым оз ков.
| |
| − | Кодлы нӧ югыдсӧ сета,
| |
| − | Мусаӧй, тэ кӧ он ов?
| |
| − | Тэтӧг мен овны зэв сьӧкыд.
| |
| − | Помасьтӧм овлывлӧ вой.
| |
| − | Кажитчӧ, шондіыс луннас
| |
| − | Югӧрсӧ меным оз кой.
| |
| − | Кодзув моз югъявны долыд,
| |
| − | Муса морт дінад кор эм.
| |
| − | Кыпавлӧ вылӧ зэв лолыд,
| |
| − | Окота дзирдавны нэм.
| |
| − | * * *
| |
| − | Истӧг тув моз ӧзйылі,
| |
| − | Шомӧдз сотчи, кусі.
| |
| − | Кӧть и сьӧлӧм вӧзъян тэ,
| |
| − | Мен тэ абу муса.
| |
| − | Сьӧлӧмшӧрӧс вунӧдны
| |
| − | Некыдзи ог вермы.
| |
| − | Вояс водзӧ мунӧны,
| |
| − | Ог тӧд, мый и керны.
| |
| − | Радейтчан лунӧн
| |
| − | Асъя кыаӧн лоа -
| |
| − | Ӧзта муслунлысь би.
| |
| − | Небыд тӧвруӧн воа
| |
| − | Тэнсьыд малыштны ки.
| |
| − | Югыд шондіӧ пӧра,
| |
| − | Тэнӧ окыштны мед.
| |
| − | Менам сьӧлӧмлӧн шӧрын
| |
| − | Олан, мусаӧй, тэ.
| |
| − | Чужан лунӧн
| |
| − | Чолӧмалам чужан лунӧн,
| |
| − | Сиам шудсӧ уна-уна,
| |
| − | Дзоньвидзаӧн медым вӧлін,
| |
| − | Долыда мед тіпкис сьӧлӧм;
| |
| − | Радейтісны медым пӧся,
| |
| − | Тӧдсаяскӧд бура лӧсяв.
| |
| − | Дзоридз кодь тэ ачыд мича,
| |
| − | Мед жӧ Енмыс тэнӧ видзас.
| |
| − | * * * Гожся йӧзыс небыдӧсь да шаньӧсь -
| |
| − | Тырмӧ тэын тайӧ, дона аньӧй.
| |
| − | Чужан луннад чолӧмалам тэнӧ,
| |
| − | Кӧсъям, медым висьӧмъястӧ венін.
| |
| − | Мича дзоридз сетӧ тэныд ывла,
| |
| − | Лэбач сьылӧ мыла сьыланкывъяс.
| |
| − | Сиам тэныд лӧнь да шуда олӧм,
| |
| − | Ставыс медым лоӧ сідз, кыдз колӧ.
| |
| − | Чужан лунӧн
| |
| − | Сиа шонділысь югӧрсӧ
| |
| − | Тэныд асывсянь рытӧдзыс,
| |
| − | Медым дзирыда югзьӧдӧ
| |
| − | Сэті, олан тэ кытӧні.
| |
| − | Сиа тӧлыслысь пӧльтӧмсӧ
| |
| − | Шоныд лунвывсянь сӧмын тэд,
| |
| − | Небыд юрситӧ пӧлявны
| |
| − | Медым вермӧ сук рӧмыдӧдз.
| |
| − | Сиа овны сьӧд кымӧртӧг,
| |
| − | Медым лоны тыр шудаӧн,
| |
| − | Сэки чардыслы-гымыслы
| |
| − | Сӧстӧм ловтӧ не рудӧдны.
| |
| − | * * *
| |
| − | Лӧсьыдик статя,
| |
| − | Варов да мича,
| |
| − | Шуӧны йӧзыс
| |
| − | Пыр нимӧн да вичӧн.
| |
| − | Чужан лун пасъян
| |
| − | Ӧшымлӧн помын,
| |
| − | Му-ва кор узьӧ
| |
| − | Лым-йилӧн домын.
| |
| − | Сьӧлӧмсянь сиам
| |
| − | Дзоридзлысь мичсӧ,
| |
| − | Гажӧдӧ коді
| |
| − | Гожӧмнас видзсӧ.
| |
| − | Сины тшӧтш кӧсъям
| |
| − | Мелі пӧсь муслун,
| |
| − | Сэтшӧмӧс, медым
| |
| − | Некор оз куслы.
| |
| − | Олӧмыд медым
| |
| − | Шудаӧн вӧлі,
| |
| − | Пӧлыдкӧд пасйӧй
| |
| − | Уна выль кӧлысь.
| |
| − | Юбилейӧн
| |
| − | Еджыд бисерӧн мичаммӧ юрыд,
| |
| − | Арся зарниӧн восьлалӧ кад,
| |
| − | Сійӧ овлывлӧ юмов и курыд,
| |
| − | Сійӧ абу нин дзордзалысь сад.
| |
| − | Сӧмын сьӧлӧмыд пыр кольӧ томӧн,
| |
| − | Некыдз пӧрысьлун сійӧс оз босьт.
| |
| − | Овны - абу вуджны ю вомӧн,
| |
| − | Паныд сувтлывлӧ изъяса косьт.
| |
| − | Сиа коллявны нэмтӧ шань лунӧн,
| |
| − | Медым лёкыслы эз коль и войт.
| |
| − | Медым олӧмыд шыльыда муніс;
| |
| − | Некод нинӧмӧн некор эз дойд.
| |
| − | Эзысь кӧлысьӧн
| |
| − | Медся мусаӧй, медся мичаӧй,
| |
| − | Сьӧкыд уджысь тэ менӧ видзан век.
| |
| − | Менам сьӧлӧмшӧр, менам олӧмӧй,
| |
| − | Ӧтнад нэм помӧдз меным колан тэ.
| |
| − | Эзысь кӧлысьӧн ӧтув олӧмын!
| |
| − | Уна кӧлысь на миян волас мед!
| |
| − | Сиа став бурсӧ тэныд, донаӧй,
| |
| − | Кута радейтны водзӧ ёна на.
| |
| − | Зарни кӧлысьӧн
| |
| − | Пӧлудь рӧма синъясад
| |
| − | Вашъялӧ сӧдз нюм,
| |
| − | Мелі, мича видзӧдлас
| |
| − | Пальӧдлывлӧ ун.
| |
| − | Мусаӧй да донаӧй,
| |
| − | Менам сьӧлӧмшӧр,
| |
| − | Тӧда тэкӧд олігӧн
| |
| − | Мелілунлысь кӧр.
| |
| − | Олам тэкӧд ӧтлаын
| |
| − | Ми нин нэмлысь джын.
| |
| − | Аттьӧ сыысь: тӧдмалі
| |
| − | Муслуныслысь вын.
| |
| − | Мусаӧй да донаӧй,
| |
| − | Менам сьӧлӧмшӧр,
| |
| − | Муслун ӧдсӧ донӧдін,
| |
| − | Путшкин шудлысь шӧрт.
| |
| − | 45 вося кӧлысь
| |
| − | Александритовӧй кӧлысь -
| |
| − | Ӧтув нелямын вит во.
| |
| − | Муслун оз пов жарысь, тӧлысь,
| |
| − | Ӧдыс содӧ воысь-во.
| |
| − | Муса мамук, дона батьӧй,
| |
| − | Гижсиганыд вӧлі тӧв.
| |
| − | Кад эз кынты авъя садьтӧ,
| |
| − | Пыдди пуктід ассьыд пӧв.
| |
| − | Сиам водзӧ овны тадзи,
| |
| − | Водзӧ кыны долыд шуд.
| |
| − | Шуда сьӧлӧм ставсӧ аддзӧ,
| |
| − | Югзьӧдыштас, кыті руд.
| |
| − | Аканьлы сьыланкыв
| |
| − | Маша аслас кагалы,
| |
| − | Веж юрсиа аканьлы,
| |
| − | Веж юрсиа аканьлы,
| |
| − | Сьыліс сьыланкыв -
| |
| − | Узь жӧ, менам кагаӧй,
| |
| − | Сьӧд сикыма аканьӧй,
| |
| − | Сьӧд синкыма аканьӧй,
| |
| − | Унмовсь, ичӧт ныв.
| |
| − | Узьӧ нин со каньпиӧй,
| |
| − | Вод жӧ, дона аканьӧй,
| |
| − | Вод жӧ, дона аканьӧй,
| |
| − | Матыстчӧ сьӧд вой.
| |
| − | Лэччис югыд шондіыс,
| |
| − | Дугдіс сійӧ шонтыны,
| |
| − | Дугдіс сійӧ шонтыны,
| |
| − | Югӧрсӧ 03 кой.
| |
| − | Узь жӧ, менам кагаӧй,
| |
| − | Лӧз синъяса аканьӧй,
| |
| − | Лӧз синъяса аканьӧй,
| |
| − | Баюшки — бай-бай.
| |
| − | Понпи ланьтіс-унмовсис,
| |
| − | Менӧ сідзжӧ ун босьтіс,
| |
| − | Менӧ сідзжӧ ун босьтіс,
| |
| − | Унмовсь зіля вай.
| |
| − |
| |
| − | /-V •• •• •• V
| |
| − | Овво, овво
| |
| − | Лэччӧ шонді вӧртас сайӧ,
| |
| − | Мича вӧтъяс войыс вайӧ.
| |
| − | Чачаяслӧн локтӧ унмыс.
| |
| − | Дона пиук миян, унмовсь.
| |
| − | Ӧввӧ, ӧввӧ,
| |
| − | Пиук узь.
| |
| − | Муса шӧвктуг,
| |
| − | Зарни тусь.
| |
| − | Кодзувъяслӧн садьмӧм бӧрын
| |
| − | Петіс тӧлысь енэж шӧрӧ.
| |
| − | Локтіс шоныд гожся войыс,
| |
| − | Шонді югӧрсӧ оз кояв.
| |
| − | Ӧввӧ, ӧввӧ,
| |
| − | Пиук узь.
| |
| − | Гожся войыд
| |
| − | Абу кузь.
| |
| − | Небыд ошпи важӧн узьӧ,
| |
| − | Каньпи нюжӧдчӧма кузя.
| |
| − | Синсӧ кунис мудзӧм акань,
| |
| − | Дзолюк миян, узь тшӧтш накӧд.
| |
| − | Ӧввӧ, ӧввӧ,
| |
| − | Синтӧ кунь.
| |
| − | Шондіыскӧд
| |
| − | Муніс лун.
| |
| − | Сӧдз мич
| |
| − | Тӧлыс пышйис-лэбыштіс,
| |
| − | Гӧгӧр тувсов кӧр.
| |
| − | Саридз сайысь лэбачьяс
| |
| − | Тэрмасьӧны бӧр.
| |
| − | Ставыс тырис гажлунӧн:
| |
| − | Вӧр и ва, и ю.
| |
| − | Тӧвнас дзикӧдз лажмыліс,
| |
| − | Шойччис-узис му.
| |
| − | Лышкыд тулыс, аттьӧ тэд,
| |
| − | Ловзьӧдін кын му.
| |
| − | Нюдзвиж рӧма платтьӧӧн
| |
| − | Пасьтӧдін быд пу.
| |
| − | Сырчик бара воӧма -
| |
| − | Чегъялӧ кыз йи.
| |
| − | Кӧч бӧж кузя гожӧмлы
| |
| − | Тулыс мыччӧ ки.
| |
| − | Менсьым лолӧс кыпӧдӧ
| |
| − | Тулыслӧн сӧдз мич.
| |
| − | Веж турунӧн кыпӧдчӧ
| |
| − | Эжвасайса видз.
| |
| − | Войвыв гожӧм
| |
| − | Войвыв гожӧм, кутшӧм тэ!
| |
| − | Пӧлӧзнича юркытша,
| |
| − | Баситнытӧ кужӧмыд
| |
| − | Орӧсіник юрситӧ.
| |
| − | Оз тусь вомнад висьталан:
| |
| − | «Гажа миян быдманін!»
| |
| − | Шоныд зэрнад киськалан,
| |
| − | Быдтор зіля быдмас мед.
| |
| − | Воййыв рӧма ковтаыд,
| |
| − | Лежнӧг тусьяс сикӧтшад.
| |
| − | Тэрмасян тай ковтӧгыс,
| |
| − | Олышт, олышт сиктсакӧд.
| |
| − | Чӧдлач синмыд нюмӧн тыр,
| |
| − | Кӧса помад - маръямоль,
| |
| − | Кокад нинкӧм - сюмӧдысь,
| |
| − | Котӧрт, сӧмын жарсӧ коль.
| |
| − | Кыддзӧй, кыддзӧй
| |
| − | Кыддза раскӧ волывлам
| |
| − | Ветлӧдлыштны ми,
| |
| − | Муса кыдзлы мыччывла
| |
| − | Ассьым дзоля ки.
| |
| − | Кыддзӧй, кыддзӧй, копыртлы
| |
| − | Пашкыр коръя юр.
| |
| − | Тӧда, тэысь мичаджык
| |
| − | Пуыс тан оз сюр.
| |
| − | Сӧстӧммӧдан сынӧдсӧ,
| |
| − | Таысь долыд мен.
| |
| − | Тэ бердын ми шойччыштам:
| |
| − | Лӧсьыд жӧ нин сэн.
| |
| − | Пучертӧ ме малышта,
| |
| − | Садйӧ мӧдам кор;
| |
| − | Вом дорӧ ме матыстла
| |
| − | Тэнсьыд небыд кор.
| |
| − | Кыддзӧй, кыддзӧй, копыртлы,
| |
| − | Пашкыр коръя юр.
| |
| − | Волам бара, виччысьлы,
| |
| − | Тӧлыскӧд эн дур.
| |
| − | * * * Сизим рӧма ӧшкамӧшка
| |
| − | Мӧдлапӧлӧ вуджӧма.
| |
| − | Мырпом кӧра паськыд нюрӧ
| |
| − | Улыс помсӧ сутшкӧма.
| |
| − | • •
| |
| − | Ӧшкамӧшка, ӧшкамӧшка,
| |
| − | Кунӧрыскӧд ветлан тэ.
| |
| − | • •
| |
| − | Ӧшкамӧшка, ӧшкамӧшка,
| |
| − | Колян шонді али зэр?
| |
| − | Сизим рӧма ӧшкамӧшка -
| |
| − | Визьӧб мусянь енэжӧдз
| |
| − | Уна пӧлӧс мичлун вылад
| |
| − | Видзӧдыштны менӧ лэдз.
| |
| − | Тӧда, тӧда, ӧшкамӧшка,
| |
| − | Рытнас петкӧдчан кӧ тэ,
| |
| − | Колян татчӧ югыд шонді,
| |
| − | Нуан мӧдлаӧ кузь зэр.
| |
| − | • •
| |
| − | Ӧшкамӧшка, ӧшкамӧшка,
| |
| − | Сулалышт на, эн кӧ мудз.
| |
| − | • •
| |
| − | Ӧшкамӧшка, ӧшкамӧшка.
| |
| − | Мыйла тэӧдз ме ог судз?
| |
| − | Сизим рӧма ӧшкамӧшка,
| |
| − | Тӧдлытӧг и вошин тэ.
| |
| − | Колӧ вӧлі, ӧшкамӧшка,
| |
| − | Кывзыштны на ошкӧмӧс.
| |
| − | • •
| |
| − | Ӧшкамӧшка, ӧшкамӧшка,
| |
| − | Бара, чайта, волан на.
| |
| − | • •
| |
| − | Ӧшкамӧшка, ӧшкамӧшка,
| |
| − | Юам юсьыс небыд ва.
| |
| − | Льӧм пу да пелысь
| |
| − | Льӧм пулы вашкӧдӧ пелысь,
| |
| − | Гӧлӧсыс небыд да мелі:
| |
| − | «Мыйла нӧ дзоридзтӧ восьтан,
| |
| − | Кӧдзыдыс мичлунтӧ босьтас»,
| |
| − | Льӧм пуыс шӧпкӧдӧ воча:
| |
| − | «Шоныдыс овлӧ зэв шоча,
| |
| − | Окота гажӧдны мусӧ,
| |
| − | Сьӧлӧмлы коді зэв муса»,
| |
| − | Пелысьыс льӧм пулы шуис:
| |
| − | «Меным ӧд дона жӧ муыс,
| |
| − | Аръявыв кыкнанным вӧзъям
| |
| − | Козинъяс - тусьяс бур йӧзлы».
| |
| − | РУ
| |
| − |
| |
| − | Ӧшинь дорын тӧрыт рыт
| |
| − | Чойкӧд пукалім час кык.
| |
| − | Ылӧдз тыдаліс шор сай.
| |
| − | Ставсӧ казьтыштлам ми вай:
| |
| − | Дас кык керка, дас вит пу,
| |
| − | Кӧдзӧм туруна веж му.
| |
| − | Талун чеччим асывводз,
| |
| − | Весиг шондісьыс на водз:
| |
| − | "Мый нӧ тайӧ? Кӧні му?
| |
| − | Кӧні керка? Кӧні пу?
| |
| − | Эз жӧ найӧс войыс ну?" -
| |
| − | Ставсӧ дзебӧма сук ру.
| |
| − | Кӧрткерӧс
| |
| − | Эжва юлӧн керӧсӧ
| |
| − | Кыпӧдчӧмыд тэ,
| |
| − | Валӧн югыд веркӧсыс -
| |
| − | Видзӧдчыныд эм.
| |
| − | Кӧрт Айкаӧс казьтылан,
| |
| − | Вунӧдныд он куж.
| |
| − | Лебедев, дерт, разьліс нин
| |
| − | Айка рӧдлысь вуж.
| |
| − | Паськыд юлӧн вомӧныс
| |
| − | Нюжӧдчӧма пос.
| |
| − | Коркӧ Айка домавліс,
| |
| − |
| |
| − | Ӧні вудж, эн кос.
| |
| − | Шогсьысь мамлы казьтӧдыс
| |
| − | Берег йылас тшук.
| |
| − | Ожман синтӧ вазьӧдӧ,
| |
| − | Сулыштан кӧть здук.
| |
| − | * Казьтӧд - памятник;
| |
| − | * Ожман - война.
| |
| − | Шусьӧг
| |
| − | «Коді нянь уджалӧ, сылӧн нэм нюжалӧ»
| |
| − | Мый эм вынаджык на няньысь?
| |
| − | Нинӧм абу ни оз ло.
| |
| − | Нянь быдтысьяс абу ваньӧсь -
| |
| − | Няня овлӧ оз быд во.
| |
| − | Няньлы колӧ югыд шонді,
| |
| − | Няньлы колӧ шоныд зэр.
| |
| − | Няньтӧ вундыны кор пондан,
| |
| − | Ньӧти мед эськӧ эз зэр.
| |
| − | * * * Пач под вылӧ ид нянь тэча,
| |
| − | Листын - картупеля сӧчӧн.
| |
| − | - Пачӧй уджсӧ тӧдӧ-вӧчӧ,-
| |
| − | Шуӧ меным Ӧксинь пӧчӧй,-
| |
| − | Пачӧй тӧдӧ менӧ, пӧчӧс.
| |
| − | * * * «Ас пӧсьӧн перйӧм нянь
| |
| − | Медся на чӧскыд», -
| |
| − | Шулісны важӧн нин
| |
| − | Нянь быдтысь йӧзыс.
| |
| − | «Ас косьтӧм сукарыд
| |
| − | Медся на рӧшкыд», -
| |
| − | Шулывлӧ ыджыд мам,
| |
| − | Сукарсӧ вӧзйиг.
| |
| − | * * * Ворсӧ югӧръяснас шонді,
| |
| − | Лымйыс зіля сывны пондіс.
| |
| − | Садьмис вӧр-ва тӧвся унмысь,
| |
| − | Воас тулыс гоз-мӧд лун мысьт.
| |
| − | * * *
| |
| − | Сӧстӧм дзоридз - катшасин,
| |
| − | Енэжланьӧ катан син.
| |
| − | Дзорган вывлань, шонділань,
| |
| − | Кадсӧ вештан шоныдлань.
| |
| − | * * *
| |
| − | Арыс таво зэв нин мисьтӧм,
| |
| − | Быд пельӧсын няйтсьыс-няйт.
| |
| − | Лун-лун сьӧд зэр шлявгӧ-кисьтӧ,
| |
| − | Мичаммӧмсӧ он и чайт.
| |
| − | * * * Лымйыс посни тусьясӧн
| |
| − | Усьӧ кын му вылӧ.
| |
| − | Важ нин кӧлысь юсьяслӧн
| |
| − | Лэбӧма зэв ылӧ.
| |
| − | * * *
| |
| − | Талун Владлы тырис арӧс,
| |
| − | Олӧ бать-мамыскӧд карын.
| |
| − | Плюшысь понпи ньӧбис бабыс,
| |
| − | Чача-телепонсӧ - папыс.
| |
| − | Чӧвтіс понсӧ Владик джоджӧ,
| |
| − | Батьлысь козин сэтчӧ тожӧ..
| |
| − | Мырддьӧ мамлысь телепонсӧ:
| |
| − | Пиук тӧдӧ тӧлксӧ-донсӧ.
| |
| − | Дурпоп
| |
| − | Дженыд кок пӧв йылас
| |
| − | Бергалас да сьылас.
| |
| − | Мудзас, усяс шнёп
| |
| − | Владиклӧн дурпоп.
| |
| − | Часіяс
| |
| − | Пӧрысь баблӧн стенмас
| |
| − | Точкӧ кӧка часі.
| |
| − |
| |
| − | Ёна-ӧ на венас,
| |
| − | Тӧдмала ме аски.
| |
| − | Кори батьлысь сотик:
| |
| − | Кадсӧ индӧ стӧча.
| |
| − | Лыдпасъяныс ӧтик!
| |
| − | Мый нӧ сэсся вӧча?!
| |
| − | Капитанӧн кӧсъя лоны
| |
| − | Шондікӧд ме ӧттшӧтш чечча,
| |
| − | Мысся, пасьтася и лэчча
| |
| − | Чери кыйны Эжва дорӧ,
| |
| − | Лӧня пукавны рытсёрӧдз.
| |
| − | Кӧнкӧ, кылӧ, истан горзӧ,
| |
| − | Ыджыд каля чери корсьӧ,
| |
| − | Шлывгӧ Эжва Сыктыв дорӧдз,
| |
| − | Аскӧд увлань кывтны корӧ.
| |
| − | Ва моз визувтасны вояс,
| |
| − | Кад и уджавны мем воас.
| |
| − | Капитанӧн кӧсъя лоны,
| |
| − | Школа помавтӧдз дас во на.
| |
| − | Мӧвпала ме саридз йылысь
| |
| − | Тэрыб крейсер нуны ылӧдз.
| |
| − | Тӧлӧй, нинӧм тэ он кер
| |
| − | Лымйыс дугдӧма нин усьны,
| |
| − | Мыччасьӧ со тэрыб зэр.
| |
| − | Войыс дженьдӧ, луныс кузь нин.
| |
| − | Тӧлӧй, нинӧм тэ он кер.
| |
| − | Регыд-регыд юлань пышъяс
| |
| − | Эзысь ванас варов шор.
| |
| − | Лэдза кабалаысь пыжъяс,
| |
| − | Чукӧстас кор шорлӧн гор.
| |
| − | Чоя-вока
| |
| − | Яша кӧть и ичӧт мортыс,
| |
| − | Сылы гудӧк - медбур ёртыс.
| |
| − | Яша ворсӧ, чойыс сьылӧ,
| |
| − | Сьыланкывйыс юргӧ ылӧдз.
| |
| − | «Шань жӧ челядь», — йӧзыс шуӧ.
| |
| − | Таысь шуда чужан муӧй.
| |
| − | Валя да баля
| |
| − | Борйысь турун нетшкӧ Валя,
| |
| − | Вайӧ гортӧ дзик быдлун.
| |
| − | Небыд турун сёйӧ баля,
| |
| − | Быдмӧ сійӧ лунысь-лун.
| |
| − | Мамкӧд-батькӧд тшӧтш и Валя
| |
| − | Заптӧ турун — веж да кос.
| |
| − | Нигӧн вурун сетас баля,
| |
| − | Артмас уна кепысь гоз.
| |
| − | Васька кань
| |
| − | Налим сера, еджыд кыса,
| |
| − | Войнас кыйӧ шыр да крыса.
| |
| − | Луннас узьӧ диван вылын,
| |
| − | Кӧні медся лӧсьыд сылы.
| |
| − | Маша нывлы Васька каньыс —
| |
| − | Медся мусаыс да шаньыс.
| |
| − | Урок
| |
| − | Школабердса варов шорыс
| |
| − | Сьылӧ тувсов сьыланкыв.
| |
| − | Дыр нин классысь петны корис,
| |
| − | Да ӧд урок — коми кыв.
| |
| − | Эзысь шорлӧн гажа сьылӧм
| |
| − | Тувсов енэж кодьыс сӧдз.
| |
| − | Сӧмын классын водзӧ кылӧ:
| |
| − | «Тулыслань» да «тулысӧдз».
| |
| − | Мам
| |
| − | Мамыд — сійӧ шонді,
| |
| − | Пӧсь сьӧлӧмнас шонтӧ.
| |
| − | Мамыд — югыд кодзув,
| |
| − | Туйтӧ индӧ водзӧ.
| |
| − | Мамлысь мелі кывсӧ,
| |
| − | Ныв-пи, шаня кывзӧй.
| |
| − | Вуграсьӧм
| |
| − | Вугыр шатин менам кузь,
| |
| − | Чӧвта юӧ да ог узь.
| |
| − | Табйӧй вӧйӧ, оз коль здук -
| |
| − | Тайӧ йӧршыд босьтіс тшук.
| |
| − | Яша-шофёр
| |
| − | Ыджыд батьыс Яшалы
| |
| − | Ньӧбис мича «МАЗ».
| |
| − | Ворсӧ, оз и янсӧдчыв,
| |
| − | Вомнас содтӧ газ.
| |
| − | Кузолас со чачаяс
| |
| − | Сӧвтӧма дзик тыр.
| |
| − | Ывлаӧ кӧ петалас,
| |
| − | Бурӧн оз и пыр.
| |
| − | Ыджыд бать моз Яшаыд
| |
| − | Лоас жӧ шофёр,
| |
| − | Сылысь сідзжӧ кывзысьны
| |
| − | Кутас ён мотор.
| |
| − | Ворсӧм
| |
| − | Ичӧтик ручпилӧн
| |
| − | Пыктӧма горш.
| |
| − | Бурдӧдны висьӧмысь
| |
| − | Локтӧма ош.
| |
| − | Урпикӧд ӧтвылысь
| |
| − | Кузь пеля кӧч
| |
| − | Видлыны ручписӧ
| |
| − | Пырӧма тшӧтш.
| |
| − | Видлаліс гӧгӧрбок
| |
| − | Ручпиӧс ош,
| |
| − | Ма юны велӧдіс,
| |
| − | Бурдас мед горш.
| |
| − | Ручпиыс бурдӧма,
| |
| − | Некыт оз вись...
| |
| − | Маша да Яша
| |
| − | Ворсісны сідз.
| |
| − | Шонді да Машук
| |
| − | - Машук, Машенька, шань нылӧй, -
| |
| − | Гӧлӧс шондіыслӧн кылӧ, -
| |
| − | Перкаль синъястӧ тэ восьт нин,
| |
| − | Небыд шебрастӧ тэ босьт нин,
| |
| − | Татчӧ видзӧдлы тэ мелань,
| |
| − | Кутшӧм шоныд ме да мелі.
| |
| − | Лӧзов енэжсянь со, кылӧ,
| |
| − | Шонді садьмӧдӧ шань нылӧс.
| |
| − | Курӧгпиян
| |
| − | Кольквиж рӧма курӧгпиян
| |
| − | Талун чужисны со миян.
| |
| − | Мамыс тшӧктӧ Машӧс, шаньӧс,
| |
| − | Видзны найӧс наян каньысь.
| |
| − | Ӧшинь улын чипанпиян,
| |
| − | Пушыд ёкмыльясыд миян,
| |
| − | Радейтам ми ёна найӧс,
| |
| − | Видзам лунтыр варыш-кайысь.
| |
| − | Чикыш
| |
| − | Менам муса сьылысь,
| |
| − | Чикыш - вожа бӧж,
| |
| − | Виччыси ме тэнӧ
| |
| − | Уна лун-вой чӧж.
| |
| − | Жбыръялан со, сьылан
| |
| − | Гажа сьыланкыв:
| |
| − | «Гожӧм регыд воас,
| |
| − | Кылан, дзоля ныв!»
| |
| − | Дадь
| |
| − | Джуджыд лымъя тӧлын
| |
| − | Медбур ёртӧй - дадь.
| |
| − | Выль во кежлӧ сійӧс
| |
| − | Меным вӧчис бать.
| |
| − | Дадьлы паськыд нырас
| |
| − | Кӧрталӧма кӧв.
| |
| − | Дадь пыдӧсас батьӧ
| |
| − | Пуктӧма кык пӧв.
| |
| − | Гылыд чойсянь даддьӧн
| |
| − | Ислалам ми дыр.
| |
| − | Кӧть и чизыр вой тӧв
| |
| − | Кынтӧ пель и ныр.
| |
| − | Турипув
| |
| − | Гыбад нюрӧд собалім,
| |
| − |
| |
| − | Ӧктім турипув.
| |
| − | Гортын тшӧктам мамӧлы:
| |
| − | «Шома кисель пу».
| |
| − | Нюрысь петім радлігтыр,
| |
| − | Енэж — мича лӧз.
| |
| − | Мыйла тадзи вотӧссӧ
| |
| − | Шулӧмаӧсь йӧз?
| |
| − | Сьӧлаоз
| |
| − | Яша да Маша
| |
| − | Ёльдорса вӧрысь
| |
| − | Вотісны чуман тыр
| |
| − | Гӧрд сьӧлаоз.
| |
| − | Чӧскыдысь-чӧскыд
| |
| − | Вотӧслӧн кӧрыс,
| |
| − | Мыйла тадз шусьӧ:
| |
| − | «Сьӧла да оз»?
| |
| − | Мырпом
| |
| − | Кисьмӧм мырпом
| |
| − | Кольквиж юра
| |
| − | Лыдтӧм сюсьвидзӧ
| |
| − | Со нюрас.
| |
| − | Ыджыд мамкӧд
| |
| − | Лунтыр ӧктам,
| |
| − | Юмов вотӧс дозйӧ лӧдам.
| |
| − | Сӧмын мыйла
| |
| − | «Мырпом» нимыс
| |
| − | Тайӧ вотӧсыслы вичмис?
| |
| − | Кор тайӧ овлӧ?
| |
| − | Лӧзӧдӧма гӧгӧрбок,
| |
| − | Енэжыс и шор.
| |
| − | Мыччысьӧма нӧрыс бок,
| |
| − | Чепӧсйӧ веж кор.
| |
| − | Шонді пӧся вашъялӧ
| |
| − | Енэж шӧрын дыр.
| |
| − | Лэбач сьылӧм шыясӧн
| |
| − | Чужан муӧй тыр.
| |
| − | Уна рӧма биясӧн
| |
| − | Ӧзйӧма ю сай.
| |
| − | Муяс вылысь сиктса йӧз
| |
| − | Босьтам урожай.
| |
| − | Ыбъяс бара еджыдӧсь,
| |
| − | Кыз йи улын ю.
| |
| − | Вӧрӧ менӧ кежӧдӧ
| |
| − | Тола вомӧн туй.
| |
| − |
| |
| − | Мазі
| |
| − | «Зі - зі», -
| |
| − | Радлӧ мазі.
| |
| − | Чӧскыд ма
| |
| − | Ӧктӧма.
| |
| − | Чирк
| |
| − | Турунвиж турункӧд
| |
| − | Ӧткодь со дзик,
| |
| − | Гажаа сьылігтыр,
| |
| − | Чеччалӧ чирк.
| |
| − | Иван Тороповлӧн «Шуриклы шыд» небӧг
| |
| − | Лыддьысьӧ зонка, оз кыпӧд юр,
| |
| − | Небӧгыс сылы сюрӧма бур.
| |
| − | Быттьӧкӧ аслас висьмӧма вок,
| |
| − | Тувсовъя вӧрӧ катӧдӧ кок.
| |
| − | Полыштӧ кыйсьысь, ружье кӧть эм,
| |
| − | Кажитчӧ, вӧрыс сулалӧ тшем.
| |
| − | Лыддьысьысь кылӧ: букӧстіс сюзь,
| |
| − | Повзьӧма зонка, муртса эз усь.
| |
| − | Тірзьӧдіс сійӧс тривксьӧдысь кӧч,
| |
| − | Кыйны эз вермы, нинӧм он вӧч.
| |
| − | Зонкалысь сьӧлӧмсӧ шымыртӧ тӧжд,
| |
| − | Кажитчӧ, вокыс сылӧн жӧ тшӧтш.
| |
| − | Радлунсӧ вайис аскиа лун,
| |
| − | Шыд пуанторйыд сыысь эз мун.
| |
| − | Пӧткаыд шедіс, сьӧкта пуд джын,
| |
| − | Шуриклы шыдыд сетас бӧр вын.
| |
| − | Нӧдкывъяс
| |
| − | * * *Тӧвся унмӧм вугыртӧма
| |
| − | Раскын лымъя рӧч,
| |
| − | Ляк бадь гӧгӧр тапъялӧма
| |
| − | Еджыд гӧна (кӧч).
| |
| − | * * *Гидӧ пыравлӧма трустыд,
| |
| − | Нем эг кывлы: труч ни трач.
| |
| − | Бур, мый гидӧй вӧлі пуста,
| |
| − | Куштіс эськӧ (руч) - гӧрд гач.
| |
| − | * * *Татшӧм сюсь зверсӧ
| |
| − | Аддзан тэ кысь?
| |
| − | Небыдик кок шыӧн
| |
| − | Ветлӧдлӧ (рысь).
| |
| − | * * *Вельмӧма нин дзикӧдз,
| |
| − | Чайтӧ, вӧрса пан.
| |
| − | Капканысь кӧть лэчкысь
| |
| − | Кыйдӧс сёяс (сан).
| |
| − | ***
| |
| − | Мырсьӧ-уджалӧ лун-вой,
| |
| − | Юсӧ потшӧ кыйны чери.
| |
| − | Ставсӧ ачыс вӧчӧ-керӧ
| |
| − | Лопта бӧжа уджач (мой).
| |
| − | * * *Пуӧ оз кавшась,
| |
| − | Муын туй визь,
| |
| − | Абу ӧд тулан,
| |
| − | Тайӧ жӧ (низь).
| |
| − | * * *Чӧскыдӧн кажитчӧ
| |
| − | Ялалӧн кӧр,
| |
| − | Чӧсмасьӧ тундраын
| |
| − | Ялаӧн (кӧр).
| |
| − | * * *
| |
| − | Ковмас кӧ, сайӧдас
| |
| − | Сук лаптыс пулӧн,
| |
| − | Гырысь коз увъясті
| |
| − | Ветлӧдлӧ (тулан).
| |
| − | * * *
| |
| − | Кутан тэ тӧдны,
| |
| − | Нырад кӧ тшупан,
| |
| − | Куръяын уялӧ
| |
| − | Гӧрд ныра (тупан).
| |
| − | * * *Ном чукӧрыс
| |
| − | Зыньгӧ: «Зы-нь-нь».
| |
| − | Дӧзмӧ зыньгӧм
| |
| − | Шыысь (кынь).
| |
| − | * * *Войбыд кыйсьӧ,
| |
| − | Оз и узь,
| |
| − | Горзӧ-буксӧ
| |
| − | Нюр выв (сюзь).
| |
| − | * * *Он на кушты кыйтӧг-вайтӧг:
| |
| − | Лэбалӧ на еджыд (байдӧг).
| |
| − | * * *Эськӧ шедіс кӧ
| |
| − | Татшӧмыс гоз-мӧд!
| |
| − | Кыйсьысьлӧн киас
| |
| − | Вӧлі сьӧд (дозмӧр).
| |
| − | * * *Вӧрса ю нӧрысын
| |
| − | Пелькиник банька.
| |
| − | Вӧралысь кульӧ сэн
| |
| − | Сук гӧна (анча).
| |
| − | * * *Рӧч саяс нӧ мыйся сьӧдӧб?
| |
| − | Чургӧдӧма бӧжсӧ (сьӧдбӧж).
| |
| − | * * *
| |
| − | Небыд лымйӧй,
| |
| − | Сапкы-усь,
| |
| − | Саридз сайӧ
| |
| − | Вуджӧ (юсь).
| |
| − | * * *Ачыс сёйӧма и пӧт,
| |
| − | Пиян йывсьыс нем оз тӧд.
| |
| − | Гашкӧ, шуд, а, гашкӧ, рӧк,
| |
| − | Тадзи олӧ позтӧм (кӧк).
| |
| − | * * *
| |
| − | Муӧ инмӧдчыліс сутш -
| |
| − | Кыйдӧс кыпӧдӧ нин (кутш).
| |
| − | * * *Нырнас пуӧ
| |
| − | - Дізь да дізь.
| |
| − | Пожӧм пуӧ
| |
| − | Сизьдӧ (сизь).
| |
| − | * * *Жов пу вылын:
| |
| − | - Жонь-жонь-жонь.
| |
| − | Вотӧ жовсӧ
| |
| − | Мича (жонь).
| |
| − | * * *Видзьяс весьтті
| |
| − | Вӧчас кытш,
| |
| − | Кыр бок розьӧ
| |
| − | Пырас (джыдж).
| |
| − | * * *Поводдяыс вежсяс, дерт,
| |
| − | Керчйӧдлӧ кӧ талун (перк).
| |
| − | * * *Татысь мунліс важӧн нин
| |
| − | Шляка зэрнас ар.
| |
| − | Ӧні шоныд репасын
| |
| − | Узьлӧ сера (тар).
| |
| − | * * *Пуӧ каяс шарк и шурк
| |
| − | Паськыд бӧжа шурыд (ур).
| |
| − | * * *Ветлӧ-тапикасьӧ вӧрӧд,
| |
| − | Пемыд пармаын оз вош.
| |
| − | Он кӧ дзерӧд, оз и вӧрӧд,
| |
| − | Кӧть и зверыс тайӧ —...(ош).
| |
| − | * * *Мортлы сьӧкыд овмӧс нуны,
| |
| − | Тайӧ пемӧс кӧ эз вӧв.
| |
| − | Гӧрны-кӧдзны, мыйкӧ нуны
| |
| − | Йӧзлы отсалӧ пыр ... (вӧв).
| |
| − | * * *
| |
| − | Абу ю ни абу му,
| |
| − | Таті пыжыд оз жӧ ну.
| |
| − | Кокнад сувтан, ваыс — тюр.
| |
| − | Мый нӧ тайӧ лоӧ? ... (Нюр).
| |
| − | Омонимъяс
| |
| − | Ваня талун воштіс кыв,
| |
| − | Талун сійӧ нем оз кыв.
| |
| − | Ваня ньӧбис вугыр шайт,
| |
| − | Сетіс ёртлы кызь вит шайт.
| |
| − | Тырас таво ар
| |
| − | Ванялы дас ар.
| |
| − | Кыліс горӧдӧмыс: «Ай!»
| |
| − | Чуньсӧ вундӧма тай ай.
| |
| − | Шондісӧ кыпӧдӧ асыв,
| |
| − | Медым пуксяс югыд асыв.
| |
| − | Мыйла сідзи овлӧ бара?
| |
| − | Нюдзвеж тулыс воӧ бара.
| |
| − | Мачӧ киӧн вачки швач,
| |
| − | Муӧ мачыд уси швач.
| |
| − |
| |
| − | Ӧзим нюдза вежӧдӧ,
| |
| − | Нюдза локтӧ ар,
| |
| − | Быттьӧ кодкӧ вежӧдӧ
| |
| − | Мичсӧ дзик быд ар.
| |
| − | Сизь ме, ён да чорыд ныра,
| |
| − | Вӧрын быд лун сьӧд удж ныра.
| |
| − | Сирпи овмӧдчӧма йирӧ.
| |
| − | Шырпи сыр тор зіля йирӧ.
| |
| − | Мый нӧ тіран, ӧтка кор,
| |
| − | Кор нӧ муас усян, кор?
| |
| − |
| |
| − | Ӧвтӧ нырад яла кӧр,
| |
| − | Йирӧ сійӧс тэрыб кӧр.
| |
| − | Луйки-лайки небыд потан:
| |
| − | -Вокӧй! Эн бӧрд, семдан-потан.
| |
| − | Бырӧма нин коса дор,
| |
| − | -Кузнеч, выль коса мен дор.
| |
| − | Чӧскыд вотӧс
| |
| − | Сетіс меным
| |
| − | Кисьмӧм тусьяса
| |
| − | Льӧм пу.
| |
| − | Локті гортӧ,
| |
| − | Кори мамӧс:
| |
| − | «Льӧмъя лязтӧ,
| |
| − | Мамук, пу».
| |
