Пос

Кыдзи бурджыка ладмӧдны сиреньтӧ сад дизайнӧ? Юалӧм вылӧ вочавидзӧ Окунева Ирина: Сиреньыд дзоридзалӧмысь дугдас да, мичлунсӧ воштӧ, сійӧн бурджык садитны сійӧс мукӧд сикас кустъяс сорӧн. Сійӧ зэв бура лӧсялӧ уна культуракӧд. Этша на, сиренькӧд орччӧн позьӧ и колӧ садитны кыдзи мукӧд кадӧ мичсӧ петкӧдлысь быдмӧгъястӧ, сідзи и ӧттшӧтш сыкӧд дзоридзалысьясӧс. Нӧшта ӧти буртор эм сиреньын, сійӧс позьӧ лӧсьӧдны уна ногӧн ас гаж сертиыд. Ті верманныд быдтыны сійӧс абу ӧтыджда штамба пуӧн, бурмӧдӧм кустӧн, паськыд подула кустӧн да весиг садса бонсай сямаӧн - аслысннога чукыля пучӧра ичӧтик пуӧн. Бӧрйӧй сӧмын сійӧ пертас, коді лӧсялӧджык садныд дизайнӧ.

Каръялаын ылӧга сьӧм вузалӧмысь ёрдӧма Ленинкар обласьтса олысьӧс Кыдзи юӧртӧны республикаса ПУМ-ын, мортыд лёк ногӧн торклӧма оланпастӧ Олонеч да Сегежа районын. Каръялаын кындзи, сійӧ татшӧма жӧ тальлӧма оланпассӧ и канму мукӧд регионын. Торйӧн кӧ, мыждан морт удитӧма нин кольны кок туйсӧ Вӧлӧгда обласьтын, кӧні таво тулыс сійӧс ёрдлӧмаӧсь нин кыкӧн-джынйӧн во кежлӧ. Сёрӧнджык мортыд сувтіс Олонеч районса ёрд водзӧ. А медым помӧдз туявны миян республикаын вӧчӧм лёксӧ, сійӧс этапӧн мӧдӧдӧмаӧсь Сегежаӧ. Туясигдырйи вӧлі подулалӧма сылысь мыжсӧ 2013ʼ гожӧмӧн ылӧга сьӧм ӧткымынысь вузалӧмын. Тавося юнь помын лёк мыж эрдӧдан кабалаяс мыждан помшуӧмнас тшӧтш вӧлі мӧдӧдӧма ёрдӧ. Пекничаӧ, моз т. 29ʼ лунӧ ёрдыс шуис содтыны дзескыдінса кадколастсӧ нёль воӧдз да мед вештас мыжсӧ ӧтувъя режима колонияын. Помшуӧмсӧ оланпас серти абу на пӧртӧма олӧмӧ. Казьтыштам, колян вежон вӧлі мыждӧма ылӧга сьӧмнас нӧшта кык ыжмалысьӧс, кодъяс мынтысьӧмаӧсь татшӧмторнас Петроскойса лавкаясын. Азербайджан канувсаяс волӧмаӧсь Каръялаӧ Питерысь жӧ. Ӧтиыс кутас пукавны вит во, мӧдыс - нёль. Быдӧнлы пуктӧма и 500 сюрс шайта штрап. Помшуӧмсӧ тшӧтш абу на оланпас серти пӧртӧма олӧмӧ.

Кардорын пасйӧма "Дервиш" нима медводдза конвой волӧмсянь 73 во Обласьт юркарын нуӧдӧм митингсӧ вӧлі сиӧма арктикаса медводдза конвойлы. "Дервиш" вайӧма ССРС-ӧ тыш дырйи коланторъяс АӦШ-ысь да Ыджыд Бритмуысь. Кардорын казьтысян митинг котыртӧмаӧсь войвывса конвойсаяслы лоана мыгӧрпас дорӧ, кодлы подув изсӧ вӧлі пуктӧма Соломбалааын, Седов нима вадортуй бердӧ. Нуӧданторйӧ чукӧртчӧмаӧсь Кардорса ветеран котыръясысь йӧз, кадет класса челядь. Медводдзаысь ми чукӧртчылім кызь куим во сайын, кор вӧлі пуктӧма подув из. Но век жӧ талунъя лоӧмторйыс абу гаж, а саридзын вошӧм войтырӧс кодралан лун", - пасйис Войвыв саридз паракодаинысь ветеран чукӧрса юралысь Карпов Борис. Сэсся чукӧртчылӧм йӧз водзын ворсіс карса пӧлялан оркестр, а кадет классъясса велӧдчысьяс козьналісны ветеранъяслы дзоридзьяс да маршируйтісны Рочму флагъяс да Победа дӧрапас кианыс. Митинг помын вӧлі пуктӧма дзоридзьяс подув из дорӧ. Сійӧ конвояс вӧлӧма вит англияса пыж да ӧти голландса транспорт, кытчӧ вӧлі сӧвтӧма стратегия боксянь ёна коланаторъяссӧ (10 000 тонна каучук, 1 500 тонна форма ботіяс, озысь, вурун да уна мукӧд инвентар да уджалан кӧлуй). Таысь кындзи, пыжъяс бортын вӧлі тышын колана техника да кӧлуй - ва пыдӧсӧ вӧйтан 3 000 бомба да магнита мина, разьӧмӧн вайӧм дас вит "Харрикейн" - бырӧдысь лэбӧг. Та дырйи конвойсӧ колльӧдлӧмаӧсь Ыджыд Бритмуса СТВ-лӧн 16 караб, на пӧвстын кык авиануысь. Пыж каравансӧ вӧрӧгыс абу аддзӧма да, сійӧ лючкиа воӧма коланаинӧ - Кардорӧ. Олӧмлы быть колана караван нуӧдан операцияяс дырйи ставнас пуктӧмаӧсь пай 848 караб, на пӧвстысь 126 транспорт да 50 тышвыв пыж бырӧма.

"Амур ар" рамкаясын лоас ас вӧчӧм кинолӧн фестиваль Кӧч тӧлысь 10-12ʼ лунъясӧ Блага карын "Амур ар" рамкаясын лӧсьӧдасны ас вӧчӧм кинолы фестиваль - "КинАмур". Татчӧс кино радейтысьяс вермасны видзӧдны мастер-классъяс да театр-кино фестивальын петкӧданасӧ. Кӧч т. 10ʼ лунӧ "КинАмурӧ" волысьяс пырӧдчасны тӧдчана режиссёръяс мастер-классӧ, адзысьласны енбиа йӧзкӧд да "Дженьыд метра" дырйи видзӧдасны "Морт-бур", "Гӧрдвижӧ мунігтыр", "Арысь-эрд". Кӧч т. 11ʼ лунӧ торйӧн петкӧдласны амурдорса режиссёр Семен Руденколысь "Пӧв улысь би". Кӧч т. 12ʼ лунӧ "КинАмур" фестивальтӧ кыпыда помаласны, сэк вӧчасны кывкӧртӧдъяс да нимтасны фестивальын вермысьясӧс. Ас вӧчӧм кинолы конкурс нуӧдасны ӧткымын номинация серти. Медводдзаысь тшӧтш лоасны и мультфильмъяс: фестиваль понда вӧлі бӧрйӧма 3 серпасалӧм фильм. Ставнас фестивальын лоас 11 автор. Локтан во пырӧдчысьясыс чайтӧны петкӧдчӧны ставрочмувывса тшупӧдын, юӧртӧ карса веськӧдланінлӧн пресс-служба.

Кӧч тӧлысьӧ Куженер районын восьтас ӧдзӧсъяссӧ выль ФАП Бурдӧдчанінсӧ босьтчӧмаӧсь кыпӧдны Токтайбеляк сиктӧ таво апрель пуксигӧн да вӧчӧмаӧсь типӧвӧй бала серти. Уджыслӧн доныс муртса вевтыртӧма 10 миллион шайт. Кыдзи юӧртӧны Марий Элса юралысьлӧн йӧз пӧвст йитӧдъясӧн да юӧрӧн веськӧдланінас, стрӧйбалысь кыпӧдӧмсӧ вӧлі сьӧммӧдӧма республикаса бюджетысь адресӧн инвестируйтан уджтас серти. Бурдӧдчыны да висьмӧмысь видзсьыны вӧчӧм йӧзкеркаыс дзоньнас лоӧ матӧ 230 метра квадрат ыджда. Тані медикъяс кутасны отсасьны кӧкъямыс оланінын олысь йӧзлы: Токтайбеляк сиктсаяслы, Дементьева, Пюнчерюмал, Тунья, Фомичи, Торайбеляк, Шинур да Чашкаял грездсаяслы. Пельшӧра-акушера выль пункт вежас ӧнія ФАП-лысь стрӧйбасӧ, кодӧс вӧлі кыпӧдӧма 1918ʼ воӧ да важӧн нин вои быран выйӧдз, а жыръясыс оз лӧсявны санитария ни гигиеналы. Выль йӧзкеркасӧ восьтасны регыдъя кадӧ.

Инфляциялӧн шойччыссьӧма Казяласны-ӧ рочын олысьяс донъяслысь качӧмсӧ. РФ да Рытыввыв костын воча санкцияысла инфляция Роч муын ӧддзас да оз тӧр чина йӧзӧн туналӧм мындаӧ, эскӧдӧны "ВТБ Капиталысь" аналитикъяс. Экспертъяс чайтӧны, мый антисанкцияяслӧн ньӧжмыд бӧртасъяс кучкасны инфляцияӧн 2015ʼ вося воддза кварталын, гижӧ РБК Daily. Минэкономразвитиялӧн медбӧръя прогноз серти 2014ʼ воын сьӧмыд пыктас сӧмын 6,5-7,5%, а локтан во нӧшта на этшаджык - 6,5%. Та вылӧ видзӧдтӧг, "Коммерсантъ" газет серти, МЭР пӧ тайӧ вежон нин кӧсйӧ пыртны 2017ʼ воӧдз макроэкономика прогнозӧ "неыджыд, но зумыд" коррективаяс. Лэдзаслӧн юӧр серти, кантора вермас чинтыны 2015ʼ вося инфляция пасъяс, тайӧ пӧ оз сет нульӧдны йӧзлысь нажӧтка быдмӧмсӧ. Прогноз вӧчигӧн чайтӧмаӧсь, сёян-юан санкцияяс РФ кутас пӧ видзны во чӧж - 2015ʼ августӧдз. Кыдзи нӧ та дырйи позис виччысьны сы ыджда инфляция? Ӧнія ситуацияын ӧтчыдъя шокыд быть лоас, но сідзсӧ инфляцияыд и водзӧ кутас чинныджык", - шуис газетлы кодкӧ Минфинса. "ВТБ Капиталса" экономистъяс оз воны инфляция кузя ӧти мӧвпӧ веськӧдлысь котырса сьӧм-овмӧс блоккӧд да шуӧны, 2014ʼ воын донъяс пӧ содасны 8% гӧгӧр. Медыджыд эффект сёян-юан потшӧмысь лоас, 2015ʼ воӧ кӧ РФ регионъяс пыртасны вузалӧмвыв вот (ВВ), эскӧны экспертъяс. Медся ёна (9%) сьӧмыд пыктас февральын, сэсся во чӧжъя донъяс быдман ӧд кутас чинны, чайтӧны экспертъяс. Ӧти сайын, колян вежон и Росстат вӧчис инфляция кузя медводдза бӧртасъяс сы бӧрын, кор РФ пыртіс "пелькиник санкцияяс". АиФ.ru юасис эксперт котырын да тӧдмаліс, мый найӧ виччысьӧны инфляция кузя. Деев Артем, AForex ФК-са аналитика юкӧнӧн веськӧдлысь: Донъяс содӧмсӧ казялам нин тӧваръяслӧн медшӧр сегментъяс серти. Таысь на унджык, кор кутісны донсявны йӧзлы тӧдчана прӧдуктаяс, веськӧдлысь котырлы ковмис босьтчыны системнӧйя мониторитны донъяслысь зумыдлунсӧ, медым регыдъя кадӧ донъястӧ подулавтӧг кыптӧмысь нинӧм лёкыс эз ло. Тӧвар мӧдӧдысьяс да ритейлеръяс быд лун нин висьтасьӧны регулируйтан органъяслы, медым юралысьяс стӧча тӧдасны, коді, кор да мыйла босьтчӧ кыпӧдны донъяс. Босьтасян донъяслӧн индекс, войдӧр моз жӧ, медсясӧ быдмӧ сы вӧсна, мый капитал зэв ыджыд ӧдӧн пышйӧ, роч мегарегулятор вывті рефинансируйтӧ банкир сектор, войтырыс вевсьӧн ньӧбӧ суйӧрсайса валюта, а Рочмулы санкция йӧзӧдысь канмуясысь сёян-юан тӧваръястӧ эмбаргоалӧма. Сьӧм пыкӧмыс кӧ коли контроль улын, муртса овны тырман прӧдукта чукӧр эз эськӧ донсяв 12% вылӧ ӧти кварталӧн. Суйӧр сайысь сёян-юан тӧваръяс потшӧмысла пытшкӧсса рынокын вӧзйӧмыс звирк чинӧма, мый гӧгӧрвоана ногӧн вайӧдіс лавкаса донъяс кыптӧмӧдз. Тайӧ кадколастын огӧ на вермӧ вӧчны импорт вежан тырвыйӧ бур механизм ни кыпӧдны роч рыноклысь астырмӧмсӧ пытшкӧсса тӧварлэдзӧм тшӧтш весьтӧ, а сідз кӧ и водзӧ ковмас повны воча санкцияясла сьӧм пыктӧмысь. Содтыны кӧ татчӧ нӧшта и фискальнӧй помкаяс, ӧд миян валютаӧ оз эскыны, а экономика быдман перспективаяс омӧльтчӧмаӧсь, во помланяс инфляцияыд кокниа вермас вужджны 8%-сӧ. Разуваев Ӧльӧксан, "Альпариса" аналитика юкӧнӧн веськӧдлысь. 90-ӧд воясӧ инфляция мукӧддырйи содлӧма тӧлысьнас 20-30% вылӧ, нульӧд воясӧ сійӧ тшӧтш вӧвлывлӧма ӧнія тшупӧдысь вылынджык, но сэки тайӧ компенсируйтчис экономика ӧдйӧ сӧвмӧмӧн. Чайта да, во помас инфляция лоас 8-8,5%. Платон Магута, "Фонд Магута" УК-са активъясӧн веськӧдлысь. Ортсыса факторысь, Роч мулы паныд санкцияяс да мый да, буракодь на дорйысям, но водзӧ кӧ пондасны личкыны ёнджыка, торйӧн кӧ, сьӧм секторас, тайӧ вермас кутшӧмакӧ вайӧдны сьӧкыдлунъясӧдз, йӧзыс кутасны ёнджыка повны инфляцияысь да, кыдз и пыр, пондасны ньӧбны кивыв валюта, медым чӧжӧмторныс эз вош ни чин. Позьӧ чайтны, РФ-са веськӧдлысь котыр, ЦБ да Сьӧм кузя министерство видласны ньӧжмӧдны шайтлысь вочасӧн жебмӧмсӧ и рыноклы лӧсялана ногӧн, и канмусянь регулируйтӧмӧн. Донъясыд векджык содлӧны гожся лӧньӧм бӧрын да, гашкӧ тайӧ арнас тайӧ пондас бурджыка тӧдчыны. Роч муын босьтасян инфляциялы индӧм 7,5%-а тшупӧдыс, колӧкӧ, оз жӧ пӧр, РФ-ад заптӧм сьӧмыс эм на да.

Болгарияса видз-му овмӧс министерство зіля весасьӧма "Мууджалӧм" фондын. "Мууджалӧм" фондса нёль юрнуӧдысь пӧвстысь куимӧс пекничаӧ нин вӧлі вежӧма. Ӧтув босьтӧмӧн, "Мууджалӧм" фондса нёль юрнуӧдыссьыс куимӧс вӧлі вежӧма пекничаӧ нин. Официальнӧя Болгарияса видз-му овмӧс министерство юӧртіс сӧмын директоралысь Атанас Добревӧс вештӧм йылысь. Сы пыдди пуктӧма Лозана Васильеваӧс. Вӧлӧмкӧ, пекничаӧ зык кыптытӧг ӧттшӧтш вежӧмаӧсь фондса директоралысьӧс куим вежысь пӧвстысь кыкӧс. Вештӧма вӧлі директоралысьӧс вежысь Татьяна Ангелова, коді та вотӧдз кывкутіс кан отсӧгысь да САПАРТ уджтасысь, "Труд" газет вылӧ ыстысьӧмӧн юӧртӧ БГНЕСС. Ме эг вӧв фондса веськӧдлысьяс чукӧртчылігӧн, оланпас серти юралысь котырӧ огӧ пырӧ да, но сэсся меным юӧртісны, менӧ пӧ чӧвтӧма уджсьым. Ог вермы висьтавны, мыйла менӧ вештӧм йылысь юӧр абу фонд веб-сайтын. Менам ӧні шойччан кад. Лача кута, выльлунӧ унджык тӧдны понда", - шуис Ангелова газетлы. Сы пыдди кутас уджавны Иванка Багдатова, коді та вотӧдз юрнуӧдӧма Ивестиция кредиталан юкӧнӧн "Мууджалӧмлӧн" Софияса шӧр фондын. Вештӧма уджсьыс и директоралысьӧс вежысь Николай Дачев. Тайӧ здукӧдз сійӧ кывкутіс ЕС-сянь муяс понда веськыда мынтан субсидияясысь. Сы местаӧ пуктасны Живко Живковӧс, коді 2014ʼ тӧвшӧрӧдз юрнуӧдлӧма "Мууджалӧм" фондлӧн Велико-Тырново обласьтувса дирекцияын. Вӧрзьӧдлытӧмӧн коли сӧмын фонд юралысьӧс вежысь Атидже Алиева-Вели. Ӧнія кадӧ сійӧ кывкутӧ Видз-му районъяс сӧвмӧдан уджтасысь. Кантораас став тайӧ вежӧмыслы помкаяссӧ официальнӧя оз юӧртны.

Медыджыд китайса котыръяс ӧтувтчӧмаӧсь Alibaba-лы паныд Китайса котыръяс, на лыдын коммерция мувывтор серти медгырысь китаса девелопер Dalian Wanda Group да интернет-гигантъяс Tencent Holdings (йӧзпӧвст везъяс, мессенджер да мый да) и Baidu (китайса медыджыд корсьысянін), лӧсьӧдӧны компанньӧ, коді мӧдас конкурируйтны онлайн вузасян рынокын Alibaba-кӧд. Но суӧдны китайса ӧтуувез дивӧсӧ, а мӧдыс ордйӧма весиг ассьыс америкаса свӧякъясӧс - eBay и Amazon.com, оз ло кокни. Медыджыдъяслӧн йитӧс Компанньӧяс чайтӧны пуктыны ӧтласа уджаинӧ 5 млрд юань ($ 814 млн), 70% сэні лоӧ Wanda-лӧн, а 15%-ӧн - кыкнан интернет котырлӧн, гижӧма Wanda Group юӧрын. Регистрируйтны фирматӧ кӧсйӧны Гонконгын. ӦУ ӧтувтас Baidu-лысь корсян сервисъяс уналы сьӧлӧм вылӧ воана йӧз пӧвст WeChat платформаӧн (Китайса медпаськыд йӧзпӧвст вез, кӧні вӧдитчысьыс матӧ 438 млн морт), Tencent-ӧн да Wanda инфраструктураӧн. Нималана 40 отель везйысь кындзи Wanda кипод улын Китай пасьтала этша вылӧ коммерция ради кутан 49 мувывтор да 40 вузасян шӧрин. Колян во котыр инвесталӧма 50 млрд юань ($ 8 млрд-ысь унджык) Циньдаоса киностудия да темаяс серти гажӧдан парк лӧсьӧдӧмӧ (карыс пукалӧ Китай асыввылын Виж саридз дорын). Виччысьӧны да, проектыс кутас кыскыны 1 млн волысьӧс быд во да вайны прибыль $ 960 млн гӧгӧр. Таысь кындзи Wanda асалӧ америкаса кинотеатр вез - AMC Entertainment Holdings, и тайӧ вӧчӧ котырсӧ му югыдас кинотеатръяссӧ медыджыд кутысьӧн. 2015ʼ во кежлӧ Wanda кӧсйӧ пуктыны e-commerce сервисъяс ас киподувса став вузасян шӧринӧ, отельӧ да гажӧданінӧ, и таын кутас зільны буретш Alibaba-лы лӧсьӧдана конкурент. Выль компанньӧӧ юралысьӧн пуктана Дун Цэ кывъяс серти, ӧтлаасьӧм бӧрын Wanda вермас содтыны e-commerce-нас вӧдитчысьлысь лыдсӧ ӧнія 40 млн мортсянь 100 млн-ӧдз локтан во кежлӧ нин. Выль эрд лоас пӧ му югыдын online-to-offline сяма медыджыд платформаӧн, пасйӧ Дун Цэ. Online-to-offline (O2O) коммерциялӧн мог - ышӧдны интернетса босьтасьысьӧс ветлыны мувывса офлайн магазинъясӧ либӧ ньӧбны мукӧд традиционнӧй могмӧс. O2O-лы классическӧӥ видлӧгӧн лоӧ Groupon либӧ Vigoda.ru. кодь купон вузалан сервис. "O2O - онлайн коммерцияын медыджыд "пирӧг", - шуис Wanda-са юралысь Ван Цзяньлинь (цитируйтам Bloomberg серти). "Ӧні Китайын збыльвывса 020 эрд абу, и сійӧн шансъяс ставлӧн пӧшти ӧткодьӧсь," - чайтӧ сійӧ. Интернет пыр вузасян китайса рынок - му югыдас медыджыд, McKinsey & Co. донъялӧм серти, сылӧн йӧрышыс быдмас 2015ʼ во кежлӧ 2011ʼ во серти куим пӧв и унджык, $ 395 млрд.-ӧдз. Интернетӧн вӧдитчысь китайсалӧн лыдыс быдмӧма 632 млн-ӧдз, вайӧдӧ Bloomberg официальнӧй статистикалысь мыччӧдъяс: тайӧ унджык му югыдас кӧть кутшӧм канмуын олысь лыд серти, Индияын кындзи. И прогнозъяс серти, 2015ʼ во кежлӧ тайӧ лыдпасыс вермас содны 850 млн мортӧдз. Медозыръяслӧн йитӧс Tencent юралысь Ма Хуатэн ӧнтая кадӧдз вӧлі Китайса медозыр мортӧн, но Bloomberg агентпозйын дасьтӧм миллионер индекс серти Alibaba котыртысь Джек Ма ордйӧма нин сійӧс $ 5,5 млрд вылӧ. Джек Малысь озырлунсӧ донъялӧны $ 21,8 млрд, та лыдысь $ 11 млрд лоӧ сылӧн пас Alibaba-ын. Baidu-са юралысь Робин Ли медодзыр китайса пӧвстас ӧні коймӧд тшупӧдын, а Wanda-са Ван Цзяньлинь - рейтингса нёльӧд визьын. "Тайӧ тыш вылӧ зэв тешкодь видзӧдны: куим медозыр морт ӧтлаӧдӧны вынъяс, медым пӧрӧдны нӧшта на озырджыкӧс", - шуис Bloomberg-лы китайса электрон коммерция туялан Ханчжоуса шӧринын юрнуӧдысь Цао Лэй. Но сійӧ чайтӧ, выль компанньӧ пӧ ӧдвакӧ вермас збыльвылас вермасьны Alibaba-кӧд пыр котыртчӧм бӧрын: "Римтӧ он вермы кыпӧдны ӧти лунӧн". Сы йылысь, мый Alibaba-кӧд абу кокни венласьны не сӧмын выль котыръяслы, а тшӧтш му югыдса ӧтувввез пыр вузасян пыдди пуктаана лидеръяслы, висьталӧ медбӧръя кварталысь Alibabaлысь финанс олӧмсӧ петкӧдлан ӧнтай йӧзӧдӧм отчёт. Alibaba йылысь тшӧкыда шуӧны, тайӧ пӧ мыйкӧ eBay да Amazon.com шӧракостын, но апрельсянь юньӧдз китайса котыр шедтӧма сьӧмсӧ унджык, ӧтлаӧ босьтӧм кыкнан америкаса конкурент сертиыс. Тайӧ кадколастӧ Alibaba-лӧн сӧстӧм прибыль матӧ кык пӧв вевтыртӧ конкурентъясыслысь сэтшӧм жӧ мыччӧдъяс суммируйтӧмӧн - во чӧж арталӧмӧн сійӧ быдмӧма матӧ куим пӧв да воӧма $1,99 млрд-ӧдз. "Alibaba-лӧн век на ыджыд потенциал сьӧмсӧ генерируйтӧм могысь, унджыксӧ аслас мобильнӧй содтӧдъясысла," - комментируйтӧ Bloomberg-лысь юӧр гонконгса Arete Research Service-ысь аналитик. АӦШ-са дона кабалаяс да биржаяс кузя комиссия сайтын Alibaba-лӧн выльмӧдӧм проспект серти, компанньӧ сервисъясӧн новланторъяс пыр зіля вӧдитчысьыс юльын лои 188 млн, а тайӧ ёнакодь вевтыртӧ мартся лыдпасъяс (163 млн морт). Та дырйи Alibaba-са став трансакцияысь 32,8% мунӧма новланаторъяссянь. Alibaba-лы ковмас висьтавны, мый дона сылӧн пайпасъясыс, IPO водзын. 11 аналитикӧс юалӧмысь Bloomberg шӧркодя кывкӧрталӧ, компанньӧ пӧ позьӧ донъявны $187 млрд-ӧн паспасъяс вузалӧм бӧрын. Bloomberg ӧшмӧсъяс серти, Нью-Йоркса фонд биржаын (NYSE) Alibaba-лӧн дебют вермас лоны кӧч т. 16ʼ лунӧ нин. Котырлӧн та водзвывса road-show стартуйтӧ кӧч т. 3ʼ лунӧ. Виччысьӧны, Alibaba-ыд пӧ петас IPO-ӧ рекордӧн NYSE историяын да котырыдлӧн лоас позянлун кыскыны $ 20 млрд. гӧгӧр. Ӧнӧдз АӦШ-са биржаяс пыр кыскӧм сьӧм ыдждаын рекордсӧ кутӧ Visa мынтысян система, коді 2008ʼ воӧ медводз иналӧма сэтчӧ пайпасъяссӧ, таысь $17,9 млрд. шедтігтыр.

Каналан Думаса депутатъяс серти колӧ, медым вузасянінъясын джынсьыс унджык сёян-юаныс вӧлі вӧчӧма Роч муын. Тайӧ тема серти найӧ дасьтісны оланпас бала. Сёрниыс мунӧ "РФ-ын вузасян уджын канмусянь ладмӧдан подувъяс йылысь" ФЗ 8 ст. да Вот кодексӧ вежсьӧмъяс пыртӧм йылысь. Документлӧн медшӧр могыс — Роч муын сёян-юан вӧчысьяс серти доръян мераяс пыртӧм. Зэв тӧдчана стӧчмӧдӧм, оланпас бала серти колӧ, медым вузасянінъясын 50 прӧчентысь эз этшаджыкыс вӧлі аймуын вӧчӧм сёян-юан быд сикас вузӧс серти. Но документын тӧд вылӧ босьтӧма сійӧ, мый эмӧсь вузӧсъяс, кутшӧмъясӧс оз вӧчны Роч муын, шуам, тӧвнас оз быдтыны град выв пуктас да фрукты, та вӧсна налы вӧчасны "скидка" сы могысь, медым ньӧбысь-босьтысьяс вермисны ньӧбасьны. "Известия" газет юӧртӧ, мый такӧд ӧттшӧтш оланпас бала пыртӧ вежсьӧмъяссӧ и РФ вот кодексӧ, мый серти индӧны НДС чинтӧм ставкасӧ Роч муын вӧчӧм став сёян-юан вузӧс вузалігӧн 10%. Моз т. 27ʼ лунӧ парламентса улыс палатаӧ пыртісны "Торйӧн вузасян рынокъяс йылысь" ФЗ-ӧ вежсьӧмъяс пыртӧм йылысь оланпас бала, кӧні вӧзйӧма Роч муын кыпӧдны-сӧвмӧдны фермерскӧй рынокъяс, кӧні ичӧт производительяс вермасны вузавны ассьыныс продукциясӧ.

Каналан Думаса депутатъяс серти колӧ, медым вузасянінъясын джынсьыс унджык сёян-юаныс вӧлі вӧчӧма Роч муын. Тайӧ тема серти найӧ дасьтісны оланпас бала. Сёрниыс мунӧ «РФ-ын вузасян уджын канмусянь ладмӧдан подувъяс йылысь» ФЗ 8 ст. да Вот кодексӧ вежсьӧмъяс пыртӧм йылысь. Документлӧн медшӧр могыс — Роч муын сёян-юан вӧчысьяс серти доръян мераяс пыртӧм. Зэв тӧдчана стӧчмӧдӧм, оланпас бала серти колӧ, медым вузасянінъясын 50 прӧчентысь эз этшаджыкыс вӧлі аймуын вӧчӧм сёян-юан быд сикас вузӧс серти. Но документын тӧд вылӧ босьтӧма сійӧ, мый эмӧсь вузӧсъяс, кутшӧмъясӧс оз вӧчны Роч муын, шуам, тӧвнас оз быдтыны град выв пуктас да фрукты, та вӧсна налы вӧчасны «скидка» сы могысь, медым ньӧбысь-босьтысьяс вермисны ньӧбасьны. «Известия» газет юӧртӧ, мый такӧд ӧттшӧтш оланпас бала пыртӧ вежсьӧмъяссӧ и РФ вот кодексӧ, мый серти индӧны НДС чинтӧм ставкасӧ Россияын вӧчӧм став сёян-юан вузӧс вузалігӧн 10%. Моз тӧлысь 27 лунӧ парламентлӧн улыс жырйӧ пыртісны «Торйӧн вузасян рынокъяс йылысь» ФЗ-ӧ вежсьӧмъяс пыртӧм йылысь оланпас бала, кӧні вӧзйӧма Роч муын кыпӧдны-сӧвмӧдны фермер рынокъяс, кӧні ичӧт производительяс вермасны вузавны ассьыныс прӧдукциясӧ.

РФ-ын выль ног кутасны артавны стрӧитчан объектъяслысь сметасӧ Федеральнӧй антимонопольнӧй служба босьтӧ контроль улӧ стрӧитчан юкӧнын дон артмӧмсӧ, сійӧс ладмӧдӧмсӧ, а сідзжӧ везъяс дорӧ йитан мытшӧдъяссӧ. ФАС бердын лӧсьӧдӧма стрӧитчан юкӧнын конкуренция сӧвмӧдӧм серти экспертнӧй сӧвет. Сылӧн чукӧртчылӧм вылын ФАС-лӧн ОКО, стрӧитчӧм, вӧр-ва озырлун бӧрся видзан веськӧдланінса юралысь Вадим Соловьев юӧртіс, мый «сійӧ, кыдзи талун арталӧны стрӧитан объектъяслысь сметасӧ дзик абу гӧгӧрвоана». ФАС-ын лыддьӧны, мый нормативнӧй база серти дон артмӧмыс абу гӧгӧрвоана да вермас лоны, мый стрӧитчӧмын донъяссӧ оз подулавны. Да вӧзйӧны проектируйтігӧн на канму эмбурӧ пырысь объектъяс стрӧитӧмлысь донсӧ артавны оз талун вӧдитчан смета нормаяс да технологическӧй операцияяс вылӧ ӧти дон серти, а рынок вылын донъяс серти. Тайӧ вӧзйӧмъяссӧ пыртӧма «туй картаӧ» да ӧні сійӧс видлалӧны стрӧитчан министерствоын. «Стрӧитчӧмын традиционнӧй сметнӧй документация серти конструктивнӧй элементъяс арталӧм вылӧ вуджӧдӧм вӧсна чинас коррумпированносьт, - тӧдчӧдіс «РГБ» Вадим Соловьев. Ӧд ӧні сметаын тӧд вылӧ босьтӧны быд болт да гайка, да мукӧддырйи абу позянлуныс прӧверитны ставсӧ. Та вӧсна документацияын вежавидзтӧм стрӧитчысь компанияяс вермасны дзебны «быдса тракторъяс». Стрӧитчан министерствоын ФАС-кӧд воӧны ӧти кывйӧ.

«Заводитӧмаӧсь нин нуӧдны уджсӧ конструктивнӧй элементъяс серти дон арталӧм вылӧ: дасьтӧма подулалӧм помшуӧмъяс вылӧ донъяс арталан методикаяс, лӧсьӧдӧма тайӧ петкӧдласъяс серти сметаяс, - висьталіс «РГБ»-лы кар стрӧитан да архитектура департаментса начальник Елена Жукова.
Выль ногӧн уджсӧ медводдзаӧн заводитасны нуӧдны туйяс стрӧитан юкӧнын. Но экспертъяс лыддьӧны, мый мытшӧдыс зэв ыджыд. Кыдзи висьталіс «РГБ»-лы «Профи-инвест» стрӧитчан компанияса юралысь Анатолий Демьянко, смета серти нормативъясыс важӧн нин важмӧмаӧсь, но бизнеслы мӧд ногӧн уджсӧ нуӧдны эз на вӧзйыны. «Сійӧ, мый йитчӧма конструктивнӧй элементъяс серти вӧзйӧм рӧштшӧтъясӧн, лоӧ сьӧкыд пыртны олӧмӧ, сы вӧсна мый зданиеяс стрӧитігӧн тшӧкыда вӧдитчӧны уна сикас технологияӧн», - лыддьӧ сійӧ. Оз ло гусяторйӧн, мый стрӧитчан рынокыс сӧвмӧ госзаказ отсӧгӧн. «Экспертное сообщество профессионалов госзаказа» НП-лӧн правленньӧса веськӧдлысь Екатерина Лезинаялӧн видзӧдлас серти, талун канму - мед мынтысьны вермысь заказчик. Росатомлӧн капитальнӧя стрӧитчан отраслевӧй шӧринса инжиниринг серти директорӧс вежысь Владимир Малахов тӧдчӧдіс, мый талун рыноксӧ, позьӧ кӧ сідз шуны, юкӧма компанияяс вылӧ, кодъяс вермӧны вӧдитчыны контрактъясӧн, да компанияяс вылӧ, кодъяслӧн эм монопольнӧй компетенцияяс да кодъяс оз лэдзны тайӧ юкӧнӧ конкурентъясӧс.

Сійӧ лыддьӧ, мый лӧсьӧдны восьса рынок позьӧ сӧмын сэк, кор контрактъясӧн вӧдитчӧмсӧ кыдз позьӧ ёнджыка кутасны видзны кодлӧн кӧ веськӧдлӧмысь. Экспертнӧй сӧвет вылын вӧзйисны лӧсьӧдны госзаказ системасӧ сэтшӧм ногӧн, медым ӧти жӧ и сійӧ збыльмӧдысь эз вермы босьтны 1 млрд. шайтысь унджык вылӧ контракт либӧ 1 млрд. шайтысь унджык вылӧ некымын контракт. Стрӧитчан министерствоын лыддьӧны, мый татшӧм ногӧн уджалӧмсӧ колӧ донъявны сы боксянь, мый тайӧ бизнес вылӧ тӧдчӧм, а сідзжӧ стрӧитчӧмӧн бура веськӧдлӧм. Кыдзи гӧгӧрвоӧдіс Елена Жукова, та дырйи колӧ сетны заказчиклы генподрядчиклысь уджсӧ. Та вӧсна содасны заказчиклӧн штат лыдыс да найӧс сьӧмӧн видзӧм вылӧ сьӧмкуд рӧскодыс. Та дырйи заказчиклӧн специалистъяслы комас тӧдны, кыдзи донъявны подряднӧй организацияясӧн вӧчӧм уджъяссӧ, а сідзжӧ налысь безопасносьтсӧ. Тшӧкыда татшӧм ногӧн уджалігӧн ковмас индыны быдсӧн объект вӧсна кывкутысьӧс. Госзакупкаясысь мунасны вылыс квалификацияа участвуйтысьяс сы вӧсна, мый найӧ оз босьтны канму заказъяссӧ уджъяс абу тырвыйӧ нуӧдӧм да контрактлӧн этша сьӧм вӧсна. Закупкаяс институтлӧн экспертно-консультативнӧй шӧринса юралысьӧс вежысь Александр Евсташенков лыддьӧ, мый госзаказ серти уджыс лоис подрядчиклӧн ставсӧ тӧд вылӧ босьтӧм серти делӧвӧй ворсӧмӧн. Да вайӧдіс видлӧг: «участвуйтысьлы заявка гижигӧн быть колӧ индыны «стӧч петкӧдласъяс» «либӧ эквивалент», «колӧ», «мый вӧсна», «унджык», «этшаджык, «аналог», «либӧ», «нога», «сэтшӧм жӧ», «абу этшаджык», «этшаджык», «унджык», «вермӧны», «вермӧ лоны», «позьӧ», «водзджык», «оз водзджык», «абу унджык», «оз позь» да с.в. кывъяс гижтӧг. Татшӧм ногӧн, заказчикъяс тшӧкыда ковтӧг вӧдитчӧны асланыс инӧдӧн урчитны заявкалӧн сюрӧс дорӧ корӧмъяссӧ, кутшӧмъясӧс сетны подряднӧй организацияяс. Евсташенковлӧн видзӧдлас серти, 44-ФЗ-лӧн мӧд мытшӧдӧн лоис сійӧ, мый колӧ донъявны уджыслысь ногтуйсӧ заявка сетігӧн на, кор участвуйтысь гижӧма вӧзйӧмсӧ сӧмын на бумага вылын. Участвуйтысьлысь заявкасӧ видлалігӧн збыльвылас позьӧ сӧмын донъявны подрядчиклысь квалификациясӧ, а оз вӧчтӧм на уджъяслысь ногтуйсӧ, - чайтӧ эксперт. Уджъяслысь ногтуйсӧ позьӧ донъявны сӧмын найӧс примитігӧн. Экспертнӧй сӧвет дырйи вӧзйисны вуджӧдны маржинальнӧй чӧжӧссӧ вылыса эшелонсянь улыс эшелонӧ, медым шӧркостса подрядчикъясыс эз кольны. Экспертнӧй сӧветса веськӧдлысь, статс-секретар, ФАС - са юрнуӧдысьӧс вежысь Андрей Цариковский лыддьӧ, мый тайӧс вӧчны оз ков, сы вӧсна мый заказ вӧсна колӧ кывкутны генподрядчиклы. А мӧд ногӧн кӧ артмас кыдзи Аркадия Райкинлӧн ставлы тӧдса репризаын «Ателье»: «Кизьяс вылӧ норасянныд?»

Приморьеын гымалӧм вӧсна ӧзйис вӧр Гымалӧм вӧсна ӧзйис вӧрыс Приморскӧй крайса Пӧжарскӧй районын Охотничӧй инувса лесничество мутасын. Ӧзйӧмин дорӧ чукӧртӧны вынъяссӧ да кусӧдчанъяссӧ. "Приморскӧй авиабаза" КГСБУ веськӧдлысьяслӧн юӧр серти ӧзйӧмсӧ кусӧдӧм вылӧ колӧ авиациялӧн вын. Василий Медведев, авиабазаса начальникӧс вежысь: Сьӧкыда воӧдчан местаысь 3 гектар пасьтала сотчанінсӧ казяліс Ан-2 патрульнӧй сынӧд пыжсянь лётчик-наблюдатель. Сотчӧны важ сотчанінын вӧр колясъяс. Кусӧдчан уджсӧ ёна торкӧ сійӧ, мый сэтчӧсіныс ёна тырӧма да 45 градусысь ыджыдджык пӧката, абуӧсь десантник-пӧжарнӧйясӧс чеччӧдӧм вылӧ плӧщадкаяс. Колӧ Ми-8 вертолёт. Авиабазалӧн Ми-2 вертолётӧн да Ан-2 самолётӧн вынъяс вуджӧдны вывті сьӧкыд. Ӧзйӧмсӧ казялӧм бӧрын кусӧдчӧм вылӧ зэв ӧдйӧ вӧлі мӧдӧдӧма 4 парашютист-пожарнӧйӧс. Специалистъяслӧн медшӧр могӧн лоӧ сотчанінсӧ кусӧдӧм да содтӧд вынъяс да кусӧдчанъяс вайӧм вылӧ плӧщадка дасьтӧм. Пажын кадӧ Охотничӧй сикт дорӧ вертолётӧн содтӧд мӧдӧдӧма 3 десантник-пожарнӧйӧс. Кыдзи сӧмын сотчанін матын вертолётлы лоӧ дась пуксянін, специалистъясӧс вуджӧдасны кусӧдчӧм вылӧ, юӧртсьӧ Приморскӧй крайса администрациялӧн сайт вылын.

"Челси" полузащитник Марко ван Гинкел локтан сезонсӧ лоас кӧртыма инӧд серти "Миланын", юӧртӧ Milan Channel. 21 арӧса голландец воас Италияӧ матысса часъясӧ медицина боксянь видлалӧм вылӧ. Кольӧм сезонын сійӧ петаліс поле вылӧ лондонскӧй клуб котырын сӧмын куимысь. Казьтыштам, мый "Милан" водзынджык кӧртымӧ босьтліс "Ливерпульысь " нападайтысь Фернандо Торресӧс.

Полузащитник Синдзи Кагава, коді воис "Манчестер Юнайтедысь" дортмундса "Боруссияӧ", пасйис, мый ёна виччысьӧ, кор бара вермас петны поле вылӧ немецкӧй клуб формаын. Сылӧн кывъяс серти, тайӧ трансферыс – карьераын нимкодь лоӧмтор. Дерт, ме зэв рад, мый бара кута ворсны "Боруссия" вӧсна, - Bild вайӧдӧ кывъяссӧ Кагавалысь. Ачымӧс кыла зэв бура. Зэв нимкодь да ёна виччыся, кор бара верма петны эрд вылӧ "Боруссия" паськӧмӧн. Казьтыштам, Кагава вуджӧма "МЮ"-ӧ "Боруссияысь" 2012ʼ гожӧмын 16 миллион евроысь. Но сійӧ сідзи эз и вермы кольччыны англи клуб котырӧ, кык сезонын Англияса чемпионатын сӧмын 38 матч нуӧдӧмӧн, 6 мач сюйӧмӧн да 8 результативнӧй передача сетӧмӧн.

Эм-ӧ сыр эмбарго бӧрын: Медведев вӧзйыштіс аграрийяслы Роч мулӧн Премьер-министр Дмитрий Медведев лыддьӧ, эмбарго дырйи пӧ роч аграрийяслы колӧ пыртны выль технология, медым вӧчны ньӧбысьяслы сьӧлӧм вылас воан сыръяс. Татшӧм вӧзйӧмсӧ сійӧ сетіс "Агрокомплекс" фирмаса "Югптицепром" уджаинӧ волігӧн. Веськӧдлан котырса юралысь сідзжӧ вӧзйис рестораторъяслы босьтны рочмувывса яй, кодлӧн чӧскыдлуныс колана выйын. Сёян-юан бокысь вайӧм вылӧ вося эмбарго Роч муын вӧлі пыртӧма моз т. 7ʼ лунӧ.

Роч сборнӧйын юралысь тренер Валентин Маслаковлы сьӧлӧм вылас воис DecaNation турнир мунӧмыс. Специалистлӧн кывъяс серти, коймӧд места – бур бӧртас сійӧс тӧд вылын кутӧмӧн, мый ордйысьӧмъяс кежлӧ эз вӧв торъя мога дасьтысьӧмыс. Миян спортсменъяс петкӧдлісны асьнысӧ асланыс тшупӧдын, - "Весь спорт" вайӧдӧ Маслаковлысь кывъяссӧ. Коймӧд места – миян командалӧн тырмымӧн вылын тшупӧд. Нимкодь, мый французъяслӧн да весиг американечьяслӧн миян водзын торъялӧмыс ичӧт. Колӧ кутны тӧд вылын, мый ми эг дасьтысьӧй тайӧ ордйысьӧмъяс кежлас. Сезоныс помасис, и ми эг кутӧй быть тшӧктыны пырӧдчыны миянлысь нырщикъясӧс участвуйтны DecaNation матчын. Бӧръя воясӧ ми тайӧ турнирас вӧлімӧ мӧдъясӧн, но тайӧ сезонын миян команда выльмис. Французъяс, мӧдарӧ, петкӧдісны тышкасьны дась команда, кытчӧ пырисны Европаса 13 чемпион. Найӧ эз дзебны, мый кӧсйӧны тайӧ воӧ петны вермысьясӧн, мый йылысь унаысь висьтавлісны уна йӧз водзын. Но весиг ордйысьӧм нуӧдысьяслӧн татшӧм котырыс эз вермы паныд сувтны американечьяслы. Та вӧсна чайта, мый роч спортсменъяс петкӧдлісны тайӧ компанияын асьнысӧ бур тшупӧдын. Но кутшӧмсюрӧ спорт сикасын бӧртасыс вӧлі ёна улынджык сійӧ жӧ "Бриллиантӧвӧй лига" серти. Сезон помасис. Дерт, спортсменъяслы абу нин сэтшӧм тӧдчана бӧртасыс, торйӧн нин команда тшупӧда ордйысьӧмъясын. Медшӧрыс тані вӧлі - места. А бӧртасъяс серти, ме сӧглас, артмывлісны лӧсявтӧмторъяс, кор 1500 м вылын мужичӧйяс сэтчӧдз нуӧдісны котӧртӧмсӧ тактическӧй боксянь мудера, мый налӧн бӧртасыс вӧлі ... нывбабаяслӧн котӧртан шӧркодь тшупӧдысь ичӧтджык.

2012ʼ вося Олимпийскӧй ворсӧмъясса асшодйӧн вермасьӧмын бронза призёр Билял Махов вермас вуджны греко-римскӧй вермасьӧмӧ. Та йылысь висьталіс Дагестанса сборнӧйын асшодйӧн вермасьӧм кузя юралысь тренер Сажид Сажидов. Специалист эз шу, мый спортсмен оз вермы пырӧдчыны мирса чемпионатӧ 2014ʼ вося кӧч тӧлысьын Ташкентын. Ӧні Билял Махов "классикъяс" командалӧн сборъяс вылын, - "Р-Спорт" вайӧдӧ кывъяссӧ Сажид Сажидовлысь. Веськыда кӧ шуны, юниоръяс серти Билял выступайтіс кыкнан ногас. 2005ʼ воын том йӧзлӧн мирса первенство вылын сійӧ лоис асшодйӧн вермасьӧмын вермысьӧн да греко-римскӧй вермасьӧмын коймӧд призёрӧн да та бӧрын ассьыс вынсӧ шуис пуктыны асшодйӧн вермасьӧм вылӧ. Важӧн нин мунісны сёрнияс, мый сьӧкыд сьӧктаын вермасьысь аслас карьераын выль тшупӧд нуӧдас греко-римскӧй вермасьӧмын. Висьтала унджык: Махов вермас нин ордйысьны мирса чемпионатын Ташкентын – вермас кӧ содтӧс. Но бӧръя кывйыс век Гога Когуашвилилӧн юрнуӧдӧм улын тренеръяслӧн штаб сайын.

Роч теннисистка Мария Шарапова, коді US Open нёльӧд кытшса матчын сетчис Каролин Возняцкилы, лыддьӧ, мый сылы оз тырмы зумыдлун. Спортсменкалӧн кывъяс серти, сійӧ бура кӧсйӧ эштӧдны восӧ да петны выль тшупӧд вылӧ, висьталӧ Нью-Йорксянь Василий ОСИПОВ. Кыдзи ті ставнас донъяланныд ассьыныд вермӧмъястӧ таво "Ыджыд шлем" турниръяс вылын? Дерт, ме рад, мый мойвиис меным вермыны "Ролан Гарросын". Сёрнитны кӧ мукӧд куим турнир йылысь, то сэні меным эз тырмы зумыдлун, торйӧн нин ӧткымын матч помланьын. Ӧні, дерт, ме шогӧ уси. Эг вермы весиг воӧдчыны нёльӧдпомӧдз. Кутшӧм могъяс пуктанныд ас водзад сезон помасьтӧдз? Дӧзмӧдана ворссьӧм бӧрын менам ӧні эм ыджыд кӧсйӧм воӧдчыны выль тшупӧдӧдз. Меным эм мый вылын уджавны, да ме кӧсъя вӧчны став позянасӧ, медым бура помавны восӧ. Азияса турниръяслӧн серия заводитчӧ нин вежон кык мысти.

Каналан Думаысь мортӧс ёнмӧдан, спорт да том йӧзлӧн могъяс серти комитетӧ пырысь, мирса вӧвлӧм чемпион Николай Валуев вӧзйис ГТО норма олӧмӧ пӧртӧмысь вузӧ пыригӧн сетны бонусъяс. Сылӧн кывъяс серти, нормативъясыс ставнас лоасны сэтшӧмӧсь жӧ, кыдзи и сӧветскӧй кадӧ, - йӧзлы ковмас сдайтны нормативъяссӧ лэптасьӧм, котралӧм да мукӧд упражнение кузя. Казьтыштам, мый Роч му кутысь 12 субъектын кӧч т. 1 лунсянь кутасны пыртны ГТО нормаяс. Сідзжӧ ме вӧзйылі школаын велӧдчысьяслы, кодъяс сдайтісны ГТО, вузӧ пыригӧн сетны бонусъяс, - пасйис Валуев. Шуам, позьӧ мыйтакӧ балл содтыны ЕГЭ дорӧ. Эмӧсь вӧзйӧмъяс сідзжӧ сетны содтӧд шойччан лун уджаинъясса мырсьысьяслы, кодъяс тыртісны тайӧ спорт нормативъяссӧ.

Экономика сӧвмӧдан министерство кӧсйӧ вузавны унджык электромобиль Тайӧ вежонын Экономика сӧвмӧдан министерство сетас веськӧдлан котырлы Роч муын экология боксянь сӧстӧм транспорт сӧвмӧдан ӧтувъя план, висьталіс министерстволӧн департаментса директорӧс вежысь Олег Плужников гӧгрӧс пызан дырйи, мый нуӧдісны "Ведомосьтъяс" Мӧскуаса 2014-автосалонын. Плансӧ лӧсьӧдӧма веськӧдлан котырлӧн тшӧктӧм серти, уна шӧр мог пиысь ӧти – чинтыны парникӧвӧй биару шыбласъяс. Виччыссьӧ, мый документсӧ лоӧ примитӧма кӧч тӧлысь помын – йирым тӧлысь заводитчигӧн, висьталӧ Плужников, вӧзйӧм мераясыс инмӧны электромобильяслы да гибридъяслы – Роч муын эм нин биарумотора ломтас вылын транспорт сӧвмӧдан план. Плансӧ (копияыс эм "Ведомосьтъяслӧн") арталӧма 2014-2017 вояс вылӧ. Ковмас лӧсьӧдны электро- да гибриднӧй транспорт донъялан муртӧсъяс да видзӧдлыны, кыдзи ышӧдны вӧдитчыны да уджӧдны экология боксянь сӧстӧм транспорт. Веськӧдлан котырлысь докладсӧ, кӧні лоӧ петкӧдлӧма электротранспортлы отсӧг сетан вотса да канкеркаса мераяс, лоӧ дасьтӧма 2014 вося ӧшым тӧлысь кежлӧ; кокньӧд серти кредит сетан да кокньӧд серти лизинг сетан схема лоас 2015 вося косму тӧлысь кежлӧ; а машинаяслысь дон чинтӧм кузя, сервиснӧй инфраструктура лӧсьӧдӧм вылӧ ышӧдӧм кузя вӧзйӧмъяс лоӧ сетӧма 2015 вося йирым тӧлысь кежлӧ. 2014-2015 воясын артавсьӧ пыртны вежсьӧмъяс нормаӧн урчитӧм инӧда актъясӧ, медым кокньӧдны заряднӧй инфраструктура стрӧитӧм вылӧ условиеяс (парковкаяс вылын, автозаправочнӧй станцияясын да с.в.). Таысь кындзи, федеральнӧй чиновникъяс кӧсйӧны 2015 во чӧжӧн лӧсьӧдны дінмуса власьтлы вӧзйӧмъяс, медым найӧ сідзжӧ ышӧдісны вӧдитчыны экология боксянь сӧстӧм транспортӧн – сетны сылы, шуам, бурторъяс мунігӧн да паркуйтчигӧн; а 2016 вося урасьӧм тӧлысь кежлӧ - канмусянь татшӧм транспорт унджык ньӧбӧм йылысь вӧзйӧмъяс. Медбӧрын, Экономика министерство 2014 вося йирым тӧлысь кежлӧ пыртас дінмуса власьт органъяслысь удж донъялан петкӧдласъяс лыддьӧгӧ муртасъяс, кодъяс петкӧдлӧны экология боксянь сӧстӧм транспорт вӧчӧмлы, заряднӧй инфраструктура сӧвмӧдӧмлы отсӧглысь окталунсӧ. Роч муын электромобиль рынок сӧмын на артмӧ – 2013 воын став страна пасьтала вузалӧма 100 электромобиль гӧгӧр. 2014 во заводитчигӧн обнулитӧм лоис импортнӧй пошлина электромобильяс вылӧ, та вӧсна лоӧ вузалӧма 500 гӧгӧр штука, водзвыв висьталӧ Роч муын Mitsubishi Motors олӧмӧ пӧртысь юралысь директор Андрей Панков. Но и вит пӧвста содӧмыс оз вӧч электромобильясӧс кӧть мыйтакӧ тыдаланаӧн: 2013ʼ воӧ Роч муын, Европаса бизнес ассоциациялӧн юӧръяс серти, вузалӧма 2,78 млн лёгкӧвик да кокни коммерческӧй автомобиль. Роч муӧ электромобильяссӧ пока вайӧ сӧмын Mitsubishi Motors. Дасьтысьӧ вайны Renault – компания, коді нырвизьсӧ кутӧ медводз корпоративнӧй клиентъяс вылӧ, висьталӧ Роч муын Renault стратегия планируйтӧм да уджъёртасьӧм кузя директор Николя Ремиз. Электрическӧй транспорт мукӧд вӧчысьыс унджыкыс Роч му серти кутісны водзмӧстчытӧг виччысьны. Электромобиль вӧчӧм кузя разработкаяс эмӧсь и рочмувывса мукӧд вӧчысьлӧн - "", ГАЗ-лӧн, "", но лэдзӧны зэв этша. Шуам, 2014 вося тӧвшӧр тӧлыссянь – сора тӧлысьӧдз, "АСМ-холдинглӧн" юӧръяс серти, "АвтоВАЗ" лэдзис 30 электромобиль. Иналӧмыс этша, сы вӧсна мый электромобильыс дона, висьталӧ "АвтоВАЗса" инжиниринг серти директор Сергей Аманов, канмусянь отсӧгтӧг тайӧ юкӧнын бур вежсьӧмыс оз ло.... Роч муын электромобиль рыноклысь сӧвмӧмсӧ, ыджыд донысь ӧтдор, (сійӧ электромобильясыс, мый вузавсьӧны Роч муын, шӧркодя кык пӧв донаджыкӧсь пытшкӧссянь уджалан двигателя аналогъясысь) кутӧ сӧвмытӧм заряднӧй инфраструктура (заправкаыс – ӧтка лыд), ышлолалӧ "Автостатса" гендиректор Сергей Целиков. Ыджыд дон вӧсна да асдон ньӧжйӧ чинӧм вӧсна матысса 3-4 воясӧ электромобильяс колясны рочмувывса рынокын нишевӧй сегментӧн, водзвыв чайтӧ "Авторевю" юралысь редактор Михаил Подорожанскӧй, Целиков сыкӧд ӧтсӧглас. Автомашина вӧчысьяс, мӧдарӧ, шуӧны, мый ӧткымын электромобильсикас дон серти матынӧсь нин вексяяс дорӧ. Рочмувывса электромобиль рыноклӧн бур аскиа луныс, медшӧрыс – петкӧдлыны ньӧбысьяслы, мый "электромобильносьтыс" зумыд подув вылын; тайӧс кутасны эскӧдны, торйӧн кӧ, пыр выль заряднӧй станцияяс, тӧдчӧдӧ Роч муын BMW котырса президент Вольфганг Шлимме. Татшӧм инфраструктурнӧй балаяссӧ збыльмӧдӧ, шуам, "Россети" канму компания: Мӧскуаын кыпӧдӧма некымын станция, регыд чужас нӧшта 80 гӧгӧр. Заправитчанінъяс стрӧитӧм йылысь сёрнитчӧмъяс нуӧдсьӧны и мукӧд дінмукӧд. "Россети" департаментса директор Владимир Софьинлӧн кывъяс серти, компания эскӧ электромобильяс рынокӧ да дась кыпӧдны заправитчанінъяс ставнас страна пасьтала, но эмӧсь и сьӧкыдлунъяс: электромобильыс странаын этша да абу уна пӧлӧс бренда электромобильяс зарядитӧм вылӧ дзик ӧти стандарт. Таысь кындзи, "Россетилӧн" кыдзи сетевӧй компаниялӧн абу инӧдыс вузасьны электроэнергияӧн, видлавсьӧ татшӧм позянлуныс электромобильяс зарядитӧм кузя. Панков лыддьӧ, мый Роч муын электромобиль рыноклы канмусянь отсӧгыс медся окталунаӧн лоас, лоӧ кӧ обнулитӧма канкеркаса пошлинаяс. Нулевӧй ставка лоас вынаӧн 2014 во помӧдз, видлавсьӧ позянлун сійӧс нюжӧдны, паськӧдны кокньӧда список. Транспорт вылӧ вот экологическӧй вылӧ вежӧм (мӧвпыс видлавсьӧ да инмӧ став сикас машиналы) сідзжӧ отсалас рыноклы, но оз сэтшӧм тӧдчанаӧн, кыдзи канкеркалӧн преференцияяс, лыддьӧ Панков. Роч муын транспорт вылӧ вот абу ыджыд, шуӧ Панков, ӧткодявны кӧ, шуам, Норвегиякӧд, кӧні вот чинтӧм вӧсна ёна содіс электромобиль вузалӧмыс – ӧні на вылӧ воӧ 12% рынокыс. Роч муын колӧны и ышӧдана мераяс автомашина кутысьяслы, шуам, кар шӧрын мынтысьтӧм сувтанінъяс (кыдзи вӧчисны нин Мӧскуаын), эскӧ Панков, либӧ позянлун ветлыны электромобильӧн торйӧдӧм полосаясті, мый Роч муын абу на.

Колорадоын пасьмунӧма асторъя лэбӧг Ӧти мотора лэбӧг, Piper PA-46, усьӧма да пасьмунӧма америкаса Колорадо штатын. Вит лэбӧдӧм мортысь куимӧн кулӧмаӧсь, юӧртӧ ИТАР-ТАСС. Ловйӧн кольӧмаяссӧ вайӧма бурдӧдчанінӧ. Неминуча лоӧма Денвер карса аэропорт лэбзян-пуксянінсянь ӧткымын верст ылнаын. Сэсся туялӧны, мыйла ускӧттьӧыс лои.

Регионын котыртӧма сёян-юан дон кыптӧмлы водзсасян штаб Краснояр крайын лӧсьӧдӧмась штаб, коді, ковмас кӧ, кутас видзны регионса рынокын сёян-юан вылӧ донъяс кыптӧмысь. Тайӧ структура лӧсьӧдӧм йылысь указ кырымалӧма нин. Штабсаяс пӧвстын лоӧмаӧсь крайса веськӧдлысь котырса, олӧмӧ пӧртысь да видлалысь контораясса йӧз. Ӧтвылысь найӧ кутасны синйыны краяс видз-му прӧдуктаяслы пуктӧм донъяс.

Геополитика личкӧмысла шайтыс быгыльтчӧ улӧ Мӧскуаса биржа воссигӧн доллар быдмӧма 3 ур вылӧ 37,15 шайтӧдз, шайтыд жебмӧма бивалюта куд серти геополитика зэлалӧмысла. ЕТС-ын кутісны вузасьны 37,11-37,2 ш./$1 артмӧдчӧмсянь, кык минутӧн курсыс шӧркодя зумыдмӧма 37,16 ш./$1 тшупӧдын, тайӧ 4 урӧн вылынджык ӧнтай пӧдласигӧн серти. Евролӧн курс лои 8,79 ш. 1 евроысь, тайӧ 3 урӧн вылынджык ӧнтай пӧдласигӧн серти. Бивалюта кудлӧн доныс содӧма 3,5 ур вылӧ да лоӧма 42,395 ш. АӦШ-са доллар вузалӧны кан курсысь 23 урӧн донӧнджык, евросӧ кан курсысь 23 урӧн донӧнджык. Роч рынокыс пекничаӧ, моз т. 29ʼ лунӧ войдӧр моз ӧдйӧ быгыльтчӧма улӧ, паника эськӧ тайӧ пӧрйӧ эз тӧдчы-а. Водзӧ донсялӧма и шайт, сійӧ весигсӧ выльмӧдӧма доллар серти историяся максимумсӧ. Ӧні инвесторъяс зільӧны водзвыв нин бӧр бергӧдны геополитикаса гӧгӧртас лёкмӧмысла да Роч мулы паныд гашкӧя выль санкцияысла воштанаторсӧ. Эськӧ талун кежлӧ тайӧ мунӧ помкатӧг кыпӧдӧм истерикалань, кодӧс пӧльтӧмаӧсь масс медиа, торйӧн кӧ рытыввылын. РФ-лы паныд выль санкцияяс пуктыны позянлуныс абу и уна. TeleTrade "Мӧскуаса биржа воссигӧн шайтыд войдӧр моз ёна жебмӧ бивалюта куд серти. Геополитика фон кольӧ медтӧдчана факторӧн. Та вылӧ видзӧдтӧг, огӧ кӧ казялӧ матысса кадӧ выль негатив, сэк и роч индексъяс, и ас валюталӧн позицияяс вермасны корректасьны.

"Оренбургскӧй авиалинияяс" мӧдасны судитчыны "Идеал-туркӧд" "Оренбургскӧй авиалинияяс" сетӧмаӧсь "Идеал-турлы" ӧтув арталӧмӧн 4,7 миллиард шайт дона иск. Сёрниыс мунӧ кык делӧ йылысь, найӧс лэдзасны судӧ йирым тӧлысьын. Делӧяс видлавны кутас оз ӧти суддя. "Интерфакс" юӧртӧм серти, воддза иск вӧлі сетӧма моз т. 14ʼ лунӧ. Сылӧн суммаыс 425 миллион шайтысь муртса унджык. Судитчыны та кузя пондасны йирым 7ʼ лунӧ. Мӧд шыӧдчӧм вӧлі сетӧма моз т. 18ʼ лунӧ. Сылӧн суммаыс 4,24 миллиард шайт. Судитчыны та кузя пондасны йирым 2ʼ лунӧ. Кыдзи юӧртісны журналистъяслы Рочму туриндустрия йитӧсын, делӧяс видлавны индӧма торъя суддяяслы. Юльын масс медиаын паськаліс юӧр, "Идеал-тур" пӧ уджйӧза "Оренбургскӧй авилинияяслы" ставнас 1,5 миллиард шайт. Авиакумпанньӧса гендиректор Зюкин Виктор висьталӧ 1,6 миллиард шайта сумма йылысь. "Аэрофлотса" гендиректор Савельев Виталий вайӧдӧ нӧшта на ыджыдджык сумма - кык миллиард шайт.

Twitter видліс интересуйтны выль юзеръясӧс Микроблогъяса Twitter сервис вежис юзерӧ пасйысян арт, медым ӧдйӧджык ышӧдны выль мортӧс зіля ноксьыны платформа вылын. Тайӧ пӧ отсалас вӧчны сідз, медым ассьыс микроблог эновтысьыс лоис этшаджык. Сэсся Twitter-са выль юзер регистрируйтчигӧн сы син водзыс сервис петкӧдас унджык аккаунт, медым первойсянь жӧ мортыс лӧсьӧдас лыддьысян кытшсӧ. Вӧзъянторсӧ лӧсьӧдігӧн инӧ босьтӧма мортлысь пасйысигӧн индӧм интересъяс. Та дырйи Twitter ачыс пукталӧ галкаяс, автоматӧн бӧрйӧм став аккаунт вылӧ гижӧдігмоз. Сідзкӧ юзерыслы ковмас ас киӧн чышкыны галкаяс, медым не лыддьыны йӧзлысь, код дорӧ сылӧн мог абу. Войдӧр кӧ микроблог сервисӧн вӧдитчысьяс аддзисны сӧмын вӧзяна юзеръяслысь аватарка, сэсся Twitter петкӧдлӧ блоггерлысь ӧти лыддянаджык твит, медым кокниджык позис гӧгӧрвоны, мыйся морт сійӧ. Тайӧ пӧрйӧ Twitter-ыд вежӧма пасйысян бансӧ бӧръя куим во чӧж серти медся ёна. Бӧръя кадӧ Twitter зільӧмӧн зільӧ выльмӧдны сервиссӧ. Тадзи сійӧ мырсьӧ медводз сы вӧсна, медым войдӧр моз вӧчны сервиссӧ убыткатӧмӧн. 2014ʼ воӧ микроблог сервисас юзер лыдыс пондӧма быдмыны ньӧжмыдджыка да, сійӧс абуджык зіля кутӧмаӧсь лыддьыны. Котырыыс ӧнія дырий ёна корсьӧ ресурслы унаысь-уна ёртӧс, коді эськӧ ӧтчыд пырас да коляс сэсся дыр кежлӧ. Сӧмын тадзи пӧ позьӧ зумыдмӧдны рекламасьыс локтан сьӧм визув.

Тӧдӧмлы сиӧм лун лоас Мӧскуаын ыркыд да зэра. Кӧч тӧлысь пансигӧн Мӧскуаладорын лунтыр пӧ лоас ыркыд да зэра, юӧртӧны метеорологъяс. Сынӧдыс Мӧскуаын шоналас 16-18 градусӧдз, а Мӧскуа гӧгӧрын - 13-18 градусӧдз. Сэзьдыштлан кымӧра поводдя дырйи кытсюрӧ зэрыштлас, тӧлыс кутас пӧльтны асыввывсянь и жебиника - сӧмын 3-8 метра секундӧ.

Автомашина иналан уджтас бара заводитіс уджавны кӧч т. 1 лунсянь Кӧч т. 1 лунсянь Роч муын бара заводитіс уджавны автомашина иналан уджтас. 2014ʼ ӧшым 31ʼ лунӧдз тайӧ шӧр могъяс вылӧ лоӧ видзӧма 10 миллиард шайт. Кыдзи висьталіс РФ промышленносьт да вузасян министерствоса юралысь Денис Мантуров, сьӧмыс воӧ лимитъясысь, мый вайӧдӧма РФ промышленносьт да вузасян министерстволы отсӧг сетан мукӧд туйвизьысь выльысь юклӧмӧн. Уджтасыс инмӧ став автомашиналы, кодъяслы квайт воысь унджык. Компенсацияыс легкӧвӧй автомашинаысь 40 сюрс шайтсянь да грузӧвӧй автомашинаысь 350 сюрс шайтӧдз. Водзынджык Роч муын уджаліс нин автомашина иналан татшӧмсяма уджтас. Тайӧ балаыслӧн медшӧр торъялӧмыс, кыдзи юӧртіс министр, сыын, мый артавсьӧ оз сӧмын инавны важ машинасӧ водзӧ вылӧ скидка босьтӧм могысь, но и сетсьӧ позянлун, машиналы кӧ квайт воысь унджык, ньӧбны дилерлысь выльӧс скидкаӧн "трейд-инӧ" важсӧ сдайтігӧн, юӧртӧ "Интерфакс". Воддза федеральнӧй иналан уджтас вылӧ, коді вӧлі вына 2010ʼ тӧвшӧр 1ʼ лунсянь 2011ʼ ӧшым 31ʼ лунӧдз, вӧлі видзӧма 16 миллиардысь унджык шайт. Сы отсӧгӧн 2010ʼ воын вӧлі вӧчӧма 1,2 миллион легкӧвӧй автомашина (2009ʼ во серти тайӧ 101,4%).

Мӧскуаын вермасны лоны мынтысяна пыранінъяс Мӧскуаса веськӧдлан котыр видлалӧ, кыдзи позьӧ пыртны мынтысяна пыранінъяс, медым кыдзи и мирса мукӧд гырысь карын чинтыны шӧр туйяс вылын уна транспортсӧ, висьталӧ М24.ru Мӧскуаса мэрӧс транспорт кузя вежысь Максим Ликсутов вылӧ ыстысьӧмӧн. Уна вариантысь ӧтиӧн, коді бура нин петкӧдліс асьсӧ, лоӧ мынтысяна пыранінъяс вӧчӧм. Татшӧм кывкӧртӧд вӧчисны экспертъяс, ми сійӧс видлалам, видзӧдлам, мый таысь лоӧ бурыс, а мый оз во сьӧлӧм вылӧ. Шуны, мый та кузя примитӧма нин кутшӧмкӧ кывкӧртӧд, та йылысь водз на", - висьталіс Ликсутов. Мэрӧс вежысь тӧдчӧдіс, мый юркарса власьтлы колӧ тӧдмасьны азиатскӧй каръяслӧн опытӧн, кодъяс тэчас да транспорт лыд серти ёна ӧткодьӧсь Мӧскуакӧд. Тайӧ странаясысь босьтӧм помшуӧмъясысь ӧтиӧн лоӧ кытшола шӧр автомашина туй стрӧитӧм, содтіс Ликсутов. Кытшола шӧр автомашина туй стрӧитны неважӧн заводитӧм – тайӧ пример сылы, мый абу быть ставнас трафиксӧ нуӧдны Мӧскуа пыр. Вӧлі кӧ кар кытшолын тырмана инфраструктура, эз эськӧ ков Мӧскуаын транзитнӧй трафик", - пасйис мэрӧс вежысь. Сідзжӧ Максим Ликсутов юӧртіс, мый мынтысяна сувтанінъяс пыртӧмыс тӧдчымӧн прӧстмӧдіс юркарса уличаяс. Сылӧн кывъяс серти, юркарса власьтъяс оз сувтны шедӧдӧмтор вылас. Казьтыштам, моз т. 26ʼ лунӧ роч юркарса мэр Сергей Собянин участвуйтіс Мӧскуаса Кытшола шӧр автомашина туй (КШАТ) стрӧитан медводдза эштӧдан комплекс заводитан церемонияын.

iPhone лоас кошелёкӧн Кӧч тӧлысь 9ʼ лун водзвылын, кор Apple кутас петкӧдлыны ассьыс выль лӧсьӧдӧмторъяссӧ, прессаын петкӧдчӧны юӧръяс, мый позьӧ виччысьны презентацияысь. Юӧръяс вылӧ ыстысьӧмӧн америкаса СМИ юӧртӧны, мый iPhone квайтӧд поколение лоас мобильнӧй кошелёк функцияа Apple-лӧн да Visa, MasterCard да American Express мынтысян системаяслӧн ӧтувъя бала отсӧгӧн. Bloomberg-лӧн да Re/code торъя ӧтуввез-ресурслӧн юӧртӧм серти, кӧч т. 9ʼ лунӧ выль прӧдуктъяс петкӧдлігӧн Apple мукӧдторкӧд тшӧтш вермас висьтавны Visa-кӧд, MasterCard-кӧд да American Express-кӧ ӧтувъя бала йылысь, мый вӧсна iPhone 6 выль смартфонын вермас лоны мобильнӧй кошелёк. Асьныс компанияяс та кузя оз сетны некутшӧм гӧгӧрвоӧдӧм. Тайӧ функцияыс сетас позянлун мынтысьны вузасянінса кассаын смартфон отсӧгӧн. Мынтысьӧмсӧ эскӧдны вӧдитчысь кутас чунь сер серти Touch ID функция отсӧгӧн. Юӧртсьӧ, мый iPhone-ӧ медводдзаысь лоӧ пыртӧма NFC технология (near field communication), коді сетас позянлун йитчытӧг мынтысьны смартфон отсӧгӧн да касса вылын лӧсялана арталан устройствотӧг. NFC технологияыс лоӧ позяна NXP голландскӧй вылын технологичнӧй компаниялӧн (вӧвлӧм Philips Semiconductors) торъя микропроцессорсянь. NFC функция медводдзаысь вӧлі петкӧдлӧма 2004 воын нин Sony, Nokia, Philips Semiconductors компанияяскӧд да мукӧд сё компаниякӧд ёртасигӧн, кодъяс пырисны сідз шусяна NFC Forum – тайӧ технологиясӧ пыртӧм кузя ютырӧ. NFC-кӧд медводдза телефон Nokia компания лэдзис 2006 воын. NFC функцияӧн Android вылын медводдза смартфон- Samsung Nexus S – вӧлі лэдзӧма 2010 воын. 2011ʼ вося ода-кора тӧлысьын Google петкӧдліс Google Wallet система, коді сетіс позянлун вӧдитчысьяслы пыртны банковскӧй картаяссӧ Google-ын асланыс учёт гижӧдӧ да мынтысявны Android вылын смартфон отсӧгӧн. Но америкаса экспертъяс пасйӧны, мый, кӧть и вылын технологичнӧй компанияяслӧн гырысь инвестицияясыс NFC технология пыртӧм вылӧ, америкаса ритейлеръяс ӧнӧдз зэв видзчысьӧмпырысь примитӧны выльторсӧ да оз окотапырысь видзны сьӧмсӧ ассьыныс вузасянінъяссӧ татшӧм системаясӧн оборудуйтӧм вылӧ. Та вӧсна видзӧдысьяс кутӧны надея, мый Apple-лӧн тайӧ рынокӧ воӧмыс век жӧ тшӧктас ритейлеръясӧс ӧдйӧджык да сюсьджыка пыртны тайӧ технологиясӧ асланын вузасянінъясын.

Израильса юрнуӧдысьяс кӧсйӧны босьтны ас кипод улӧ палестинса автономиялысь 400 га пасьта му Израильса юрнуӧдысьяс шуисны босьтны ас кипод улӧ Йӧрдан ю рытыввыв вадорысь 400 гектар му, коді ӧні палестинса автономиялӧн. "Би-би-си" висьталӧ да, Лунвыв Енгорт мусӧ асалӧмӧн найӧ пӧ кӧсйӧны бергӧдны водзӧс таво юньын пышйӧдӧм да виӧм куим израильса детина понда. Мутассӧ асулалӧм йылысь Израиль дорйысь министерство юӧртіс вежалунӧ, тыш вынъяслы тшӧктӧма нин лӧсьӧдны рытыввыв вадорас юралӧм-веськӧдлӧмсӧ. Газа сектор нимсянь сёрнитысь Саиб Арикат серти кӧ, му югыд пасьтала бур йӧзлы колӧ пӧ ӧтув кыскыны Израильсӧ кывкутӧмӧ "Йӧрдан рытыввыв вадор да Асыввыв Ерусалим зіля овмӧдавны дугдытӧмысь".

Казялӧма пасьтӧм нималысь йӧзлысь фотографияяс гусявны вермана ног Нималысь йӧзлысь аккаунтъяс вермисны жугӧдны Find My Phone содтӧдӧ пырӧмӧн. Татшӧм ногӧн вермана лоӧмторсӧ петкӧдліс The Next Web ресурс. Github ресурсын вӧлі йӧзӧдӧма Python кыв вылын скрипт, коді сетіс позянлун корсявны парольяссӧ Apple компаниялӧн Find My Phone сервис дорӧ. Тайӧ сервисыс сетӧ позянлун аддзыны iPhone. Сы дорӧ пырӧны Apple ID логинлӧн да парольлӧн татшӧм жӧ связкаӧн, кутшӧмӧн пырӧны Apple iCloud облако дорӧ, кытысь вӧлі гусялӧма нималана йӧзлысь фотографияяс. Скрипт сетіс позянлун Find My Phone парольсӧ тӧдмавны бӧрйӧмӧн. Татшӧм метод серти ӧта-мӧд бӧрся пырталӧны символъяслысь став сикас тэчасъяссӧ, медся тшӧкыда вӧдитчан парольяссянь заводитӧмӧн. Скриптса автор эскӧдӧ, мый Find My Phone сервисын уна сикас пароль вариантыс помасьлытӧм. Видзчысян система колана ногӧн котыртігӧн некымынысь неправильнӧй пароль пыртӧмысь аккаунтлы колӧ пӧдласьны да юӧртны вӧдитчысьлы жугӧдны кӧсйӧм йылысь. Пыран позянлун вӧсна вӧдитчысьяслы эз воны юӧръяс, мый налӧн аккаунтӧ зільӧны аддзыны пароль. Хакеръяс тӧдмалісны Apple ID парольсӧ да сы отсӧгӧн пырисны iCloud. Twitter-ын Hackapp вӧдитчысьлӧн юӧртӧм серти пыран позянлун йылысь тӧдмалӧма кык лун сайын, субӧтаӧ, да сы дорӧ гижӧма парольяс тӧдмалан скриптӧвӧй уджтас. Ӧні кежлӧ пыран позянлунсӧ тупкӧма: витысь видлӧм бӧрын сервис дорӧ пырӧмыс пӧдлассьӧ. Ресурсыс йитчыліс Hackapp вӧдитчыськӧд да сійӧ пасйис, мый вылынджык пасйӧм пыран позянлуныс эм уна мукӧд сервислӧн, но тӧдчӧдіс, мый абу эскӧдӧмыс, мый буретш тайӧ пыран позянлуннас вӧдитчисны "кодзувъяслӧн" аккаунтӧ пырӧм могысь. Тайӧ абу ме, plz RT Премьер-министрлӧн Twitter-ын бара лоисны бокӧвӧй гижӧдъяс Кӧть и абуӧсь чорыд эскӧдӧмъяс, мый фотографияяс гусялігӧн вӧдитчисны Find My Phone-ын пыран позянлуннас, водзынджык вӧлі нин вӧчӧма лёксӧ тайӧ сервисӧн вӧдитчигӧн. Хакеръяс босьтлісны ас киас устройствоӧн веськӧдлӧмсӧ да кутысьяссянь корлісны выкуп. Та дырйи Apple висьталіс СМИ-лы, мый та дырйи облаколысь видзчысянлунсӧ абу торкӧма, но абу видлалӧма, кыдзи вӧдитчысьяс воштісны ассьыныс аккаунтъяссӧ. Роч муын водзынджык вӧлі жугӧдӧма РФ премьер-министр Дмитрий Медведевлысь твиттерсӧ. Жугӧдчысьяс кӧ пырисны iCloud-ӧ водзынджык индӧм ногӧн, то сэні вермас лоны микроблогинглӧн сервисын веськӧдлан котырса юралысьлӧн аккаунт дорӧ парольыс. The Next Web ресурслы эз удайтчы босьтны Apple-лысь Find My Phone-ын пыран позянлун кузя гӧгӧрвоӧдӧмсӧ.

РТК дугдіс видлавны Внуковоын Ту-204-кӧд лоӧм неминуча Роч муысь туясян комитет (РТК) дугдӧмма видлавны Red Wings авиакомпаниялысь Внуковоын Ту-204-кӧд лоӧм неминуча. Та йылысь висьталӧ кантораса пресс-служба. Кывкӧртӧдсӧ лои вӧчӧма сынӧд пыжса командир да бортинженер кувсьӧмкӧд йитӧдын. Ёрд экспертиза петкӧдліс, неминучалӧн помкаӧн пӧ лоӧма пуксигӧн вывті ыджыд ӧд, пуксигӧн экипажӧн стандартнӧй процедураяс олӧмӧ пӧрттӧм, а сідзжӧ веськыд тягалӧн ыджыд оборотъяс вылӧ двигательяслӧн тӧдлытӧг петӧм. Red Wings авиакомпаниялӧн Ту-204 самолёт, коді воис Прага – Мӧскуа рейсӧн, усис пуксигас Внуково московскӧй аэропортын 2012ʼ ӧшым 29ʼ лунӧ. Сынӧд пыж тюрӧдӧма лэбзян полосаысь да ӧзйис. Неминучаын кулӧмаӧсь сынӧд пыжса командир, мӧд пилот да бортинженер. Кык бортпроводникӧс нуисны бурдӧдчан учреждениеясӧ, кӧні найӧ доймӧмъясысь кувсисны. Нӧшта куим бортпроводникӧс нуисны ёна доймӧмъясӧн, налы ковмис дыр бурдӧдчыны. Таысь кындзи, ёна доймис автомашинаса шофёр, коді неминуча дырйи буретш муніс Киевскӧй туйті. Сынӧд пыжын ветлысь-мунысьыс эз вӧв. Неминуча лоӧм бӧрын транспортнӧй прокуратура видлаліс Red Wings-сӧ, кӧні вӧлі казялӧма зэв уна тырмытӧмтор. 2013ʼ вося йирым тӧлысьын вӧлі сувтӧдӧма авиакомпаниялӧн лицензиялысь вынсӧ. Компания выльысь заводитіс уджсӧ 2013ʼ гожӧмын.

Ӧльӧксан Емельяненко СИЗО-ын заводитіс тренируйтчыны Сорас нога косьын тӧдса роч вермасьысь 33 арӧса Ӧльӧксан Емельяненко, кодӧс пуксьӧдӧма СИЗО-ӧ керка пелькӧдысьӧс сексуальнӧй сяма мырдӧналӧмын мыжалӧмысь, тырвыйӧ бурдіс доймалӧмысь да заводитіс тренируйтчыны. Та йылысь юӧртӧ "Чемпионат". Таво ода-кора тӧлысьын Роч туясян комитет мыжаліс Ӧльӧксан Емельяненкоӧс мырдӧналӧмын. Мыжалан мортӧс пыртісны корсян йӧз лыдӧ, ода-кора 9ʼ лунӧ сійӧс кутісны Тамбовын туй вылын неминуча вӧчигӧн, кӧні сылӧн чегис лядьвей лы. Ичӧт Емельяненкоӧс арестуйтӧмаӧсь моз т. 31ʼ лунӧдз, кӧч т. 1ʼ лун вылӧ сылы лоӧ сетӧма ёрдлысь кывкӧртӧд. Но ёрдсӧ вӧлі вуджӧдӧма, да следствие нюжӧдӧма сылысь стража улын олӧмсӧ кӧч т. 30ʼ лунӧдз. Спортсменлысь кӧ мыжсӧ лоӧ петкӧдлӧма, сылы ковмас пукавны дзескыдінын квайт воӧдз. Мыйын выныс, вокӧ? "Лента.ру" казьтывлӧ Ӧльӧксан Емельяненколӧн олӧмын медся гора лоӧмторъяс Ассьыс бӧръя вермасьӧмсӧ Емельяненко нуӧдіс тавося тӧвшӧр тӧлысьын, техническӧй нокаутӧн вермис сійӧс асланым жӧ спортсмен Дмитрий Сосновскӧй. Ӧльӧксан – ёна тӧдсаджык вермасьысь Фёдор Емельяненколӧн ичӧтджык вок. Ыджыдджык вокыс – сорас нога кось кужӧм серти мирса нёльысь чемпион, косясян самбо серти мирса нёльысь чемпион да Роч муын сизимысь чемпион.

Скӧралӧмыс вӧлӧмкӧ мортлӧн быдлаӧ лӧсялан да уджалан ыззьӧм Скӧр чужӧм лоӧ став йӧзлы биология боксянь универсальнӧйӧн, сылӧн артмӧмын быд орган да яйчигъяс абу виччысьтӧмӧсь, сійӧ лоӧ ёнлун да грӧз петкӧдлан содтӧд средствоӧн, тӧдмалісны Австралияса да АӦШ-са учёнӧйяс. Асланыс восьтӧмтор йылысь найӧ висьталісны Evolution and Human Behavior журналын, а на йылысь дженьыдика позьӧ лыддьыны Санта-Барбараын Калифорнийскӧй университетса пресс-релизын. Скӧр чужӧм – матыстӧм да улӧ лэдзӧм синкым, векньыдик визя вомдоръяс, паськӧдӧм ныр розьяс – ӧткодьӧсь став культураын, да тадзи жӧ вӧчӧны чужӧмсянь синтӧм челядь, некор татшӧмторсӧ аддзывтӧг, пасйӧ туялӧмсӧ нуӧдысь Аарон Селл. Скӧралӧмлы сиӧм ыджыд туялан бала нуӧдігӧн учёнӧйяс тӧдмалісны, мый тайӧ ыззьӧмыс чужис сы могысь, медым бура нуӧдны ёсьлун дырйи вен. Кымын ыджыд физическӧй ускӧттьӧ вӧчас ӧти мортыс мӧдлы, сымын унджык сылӧн позянлуныс пуктыны мӧд морт водзӧ условиеяс, а вӧчӧ сійӧ тайӧс скӧрлун отсӧгӧн. Туялысьяс татшӧм эскӧдӧмъяссӧ аддзисны и асланыс мӧд гипотезалы: физическӧй боксянь ён йӧз тшӧкыдджыка скӧралӧны да лэптӧны ки, лыддьӧны, мый налы позьӧ пуктыны мукӧд водзӧ сӧмын аслыныс лӧсялана условиеяс, а сідзжӧ ёсьлун решайтігӧн мирнӧй методъяс пыдди бурджыкӧн лыддьӧны ёнлун петкӧдлан методъяс. Сійӧс тӧд вылын кутӧмӧн, мый ыззьӧмыс сійӧ медводз "донъясян эмоция", учёнӧйяс шуисны, мый сизим сикас яйчигысь быдӧнлӧн вӧрӧмыс, мый вӧчӧ мортлысь чужӧмсӧ скӧрӧн, петкӧдлӧ скӧралысьӧс мӧд морт водзын ёна вынаджыкӧн да ӧпаснӧйӧн – да тайӧн мортсӧ тшӧктӧ кыдз позьӧ ӧдйӧджык воны сыкӧд ӧтсӧгласӧ сылӧн условиеяс серти, медым лӧньӧдны ёсьлунсӧ. Тайӧ гипотеза прӧверитӧм могысь туялысьяс лӧсьӧдісны компьютер вылын чужӧмъяс, кӧні вӧлі либӧ эз вӧв скӧр чужӧмлӧн сизим элемент пиысь ӧти, да петкӧдлісны туялысьяслӧн юалӧмъяс вылӧ вочавидзысьяслы. Кӧть и лэдзӧм синкымъяс либӧ водзӧ мунӧм тшӧка быдӧн торйӧн эз вӧчны чужӧмсӧ скӧрӧн, но татшӧмӧн серпасалӧм мортӧс туялӧмӧ пырӧдчысьяс ставныс ӧтмоз шуисны физическӧй боксянь ёнджыкӧн. Мортлӧн скӧралӧмыс, кыдзи и пемӧсъяслӧн, петкӧдлӧ ыршасьӧм: ас вын содталӧмӧн петкӧдлӧм, мый тшӧктӧ воны ӧтсӧгласӧ да унӧрӧвитчыны. Морт паськӧдӧ ныр розьяс да юмыртӧ вомдор сійӧ жӧ могӧн, кыдзи и лягуша, коді пӧльтчӧ, либӧ бабуин, коді петкӧдлӧ ассьыс урпиньяссӧ. "Скӧралӧмыс "заводитчӧ" сэк, кор мӧд сёрнитысь оз кӧсйы примитны лоӧм серпассӧ, да чужӧмыс пыр жӧ лоӧ сэтшӧм формаа, мый петкӧдлӧ мӧд сёрнитысьлы серпас примиттӧмлысь лоӧмторсӧ. Но медся чуймӧданаыс сійӧ, мый скӧр чужӧмлӧн ни ӧти компонент оз ло ас гажысь вӧчӧмӧн, ставныс найӧ петкӧдлӧны ӧти и сійӧс жӧ", - пасйис антрополог Джон Туби.

Туялысьяс тӧдмалісны, кыдзи позьӧ аддзыны рӧдвужа кодзувъяс Санта-Крузын Калифорнияса университетысь астрофизикъяс туялісны турбулентнӧя гудралӧм да сылысь тӧдчӧмсӧ химическӧй ӧтсяматоръяс вылӧ кодзув чукӧръясын. Виччыссьӧ, мый специалистъяслӧн восьтӧмторйыс сетас позянлун корсьны кодзувъяс пиын рӧдвужаӧс, мӧд ногӧн кӧ, ӧти кластерысь чужӧмаясӧс. Туялӧм нуӧдысьяс асланыс восьтӧмторлысь бӧртасъяссӧ йӧзӧдісны Nature журналын, а дженьыдика тайӧн позьӧ тӧдмасьны университет сайтын. Матысса кодзувъяслӧн ӧткодь химическӧй тэчаслӧн помкаӧн лоӧ гӧвкъялан биару пытшкын турбулентнӧй вежласьӧм, мый вӧлі кодзувъяс артмӧм водзын. Весиг чужӧм кодзув кӧ сэсся петӧ кодзув кластерысь, то сылӧн химическӧй тэчас серти позьӧ тӧдмавны сылысь чужанінсӧ да рӧдвужа кодзувъяс артманінсӧ. Водзвыв туялысьяс эз стӧча тӧдны, кыдзи кластерысь бокын кодзувлӧн вермасны чужны сылӧн химическӧй тэчасын торъялӧмъяс кластерын сылӧн рӧдвуж серти. Астрофизикъясӧн нуӧдӧм моделированньӧ бӧртасъяс петкӧдлӧны, мый татшӧм торъялӧмъяс оз вермыны чужны. Асланыс туялӧмын специалистъяс суперкомпьютер отсӧгӧн лӧсьӧдісны кодзув кост биарулысь кык поток, кодъяс артмӧдісны гӧвкъялӧмсӧ. Тайӧ объектыс некымын миллион во чӧжӧн аслас гравитация улын вуджӧ кластерӧ, кӧні заводитӧны артмыны протокодзувъяс. Туялысьяс содталісны медводдза биару потокӧ рӧм пасъяс да тӧдмалісны, мый турбулентнӧя ӧдйӧ вежсьӧм вӧсна гӧвкъялӧмын артмӧны зэв ӧткодь химическӧй ӧтсяматоръяс. Кыдзи лыддьӧны астрофизикъяс, налӧн туялӧмыс эскӧдӧ, мый позьӧ корсьны рӧдвужа кодзувъяссӧ химическӧй тэчас серти, а сідзжӧ тӧдмавны татшӧм объектъяс артманінъяс.

Роч муысь ТКФА нуӧдас кывкӧрталан Экспертнӧй сессия Туялысь котыръяслӧн федеральнӧй агентство (Роч муысь ТКФА) РНА-кӧд ӧтвылысь нуӧдас "Научнӧй организацияяслӧн уджын окталун донъялӧм" коймӧд Экспертнӧй сессия. Чукӧртчӧмыс лоӧ кывкӧрталана сійӧ аддзысьлӧмъясын, кутшӧмъясӧс нуӧдіс агентство во чӧжӧн, юӧртсьӧ "Лента.Ру" редакцияӧ воӧм пресс-релизын. Коймӧд чукӧртчӧм вылын артавсьӧ вӧчны кывкӧртӧд Экспертнӧй сессиялӧн во чӧжся уджлы да артмӧдны туялысь котыръяслысь бӧртас донъялӧм могысь петкӧдласъяслысь лыддьӧг. Нуӧданторйӧ пырӧдчысьяс торйӧн кӧсйӧны видлавны эксперт котыръяс, кодъяс кывкутӧны туялысь котыръяслысь удж донъялӧм вӧсна, артмӧдан правилӧяс да донъялӧмсӧ нуӧдан муртӧсъяс. Коймӧд экспертнӧй сессия лоас кывкӧрталана нуӧданторйӧн став лоӧмтор серти, медым артмӧдны туялысь котыръяслысь уджын бӧртас донъялан методика дорӧ ставнас куим академиялысь дзик ӧти нога матыстчӧм. Бӧръя вит тӧлысьӧн миянлы тайӧ мойвиис, да норматив кабалаяслӧн бӧръя вӧзйӧмсӧ сетӧма сӧгласуйтӧм вылӧ. Матысса сессия вылын миянлы колӧ эштӧдны наукометрическӧй да экспертнӧй анализлысь мунӧмсӧ артмӧдӧм, сёрнитчыны донъялӧм нуӧдан кадколастъяс да кад йылысь", - висьталіс Роч му ТКФА-ысь экспертиза-аналитикаӧн веськӧдланінса юрнуӧдысь Елена Аксёнова. Нуӧданторйӧ пырӧдчасны йӧз Роч мувывса сёысь унджык туялан институтысь. Бӧръя помын виччыссьӧ, мый примитасны резолюция. Чукӧртчӧмыс заводитчас мӧскуаса кад серти 10 час асылын 2014ʼ кӧч т. 16ʼ лунӧ инпас серти: Мӧскуа кар, Солянка туй, 14ʼ керка.