Пос

ԌЫЛАНКЫВЈАС КОМІ ГОСУԀАРСТВЕННӦЈ ІЗԀАТЕԈСТВО СЫКТЫВКАР 1938

<>

ІНТЕРНАЦІОНАЛ

1.

Сувт јорӧм олӧм вылӧ ԍіјӧм Щыг јӧзлӧн, рабјаслӧн став мір! Скӧрлунӧн вежӧр пуӧ міјан I ԍмертнӧј коԍӧ ԁаԍӧԍ пыр. Став нарԏітана мірсӧ паԍјам, Вужвыјӧн бертам, меԁ оз пет. Мі ас, мі выԉ мір течам аԍным: Коԁ вӧлі ԋінӧм — лоас став.

Пріпев: Тајӧ кыпӧԁчӧм міјан Меԁјон, меԁбӧрја коԍ, Інтернаціоналӧн Став мірсӧ збоја боԍт!

2.

Ԇік ԋекоԁ міјанӧс оз мезԁы: Ԋі јен, ні цар і ԋі герој. Ас вылыԍ нарԏітана везсӧ Чашвартас асланым-жӧ сој. Меԁ чегны нарԏітӧмсӧ ԇікӧԇ, Ас ембур коԍӧн боԍтны бӧр, Вај пӧԉтӧј горна, ԁорӧј збоја, Кор гӧрԁӧԇ ԁоналӧма кӧрт.

Пріпев:

Тајӧ кыпӧԁчӧм міјан Меԁјон, меԁбӧрја коԍ, Інтернаціоналӧн Став мірсӧ збоја боԍт!

3.

Мі сӧмын мупаԍтаԍыс ставӧн, Мі мырԍыԍ уҗалыԍ став јӧз Влаԃејтны мірнас кутам права, А параԅітјас — некор оз. Кор ԅвермӧм палачјаслыԍ чукӧр Чарԁ біӧн кучкас чорыԁ гым, Јарјугыԁ шонԁілӧн бі југӧр Мі веԍтын ԍавкјас — ԍетас вын.

Пріпев:

Тајӧ кыпӧԁчӧм міјан Меԁјон, меԁбӧрја коԍ. Інтернаціоналӧн Став мірсӧ збоја боԍт!

<>

М. Рылскіј

СТАԈІН ЈЫЛЫԌ СЫЛАНКЫВ

1.

Җуҗыԁ гӧра сајыԍ, ылыԍ Јон ор'ол пыр кыптіс выв... Ԋем оз сувтӧԁ лебԅӧм сылыԍ, Ԋем оз чегјав паԍкыԁ сыв! 2-ыс

2.

Ставным лебам гӧра јылӧ, Шуԁӧн міјан морӧс тыр... Вожԃлӧн лебԅӧмыс орԉінӧј, Сіјӧ інԁӧ тујсӧ пыр. 2-ыс

3.

Тајӧ горԁӧј, југыԁ каԁӧ Ԍыв ԁа ԇорԇав, муӧј, те... Кывјыс Стаԉінлӧн пыр мікӧԁ, Сылӧн вӧԉа міын век! 2-ыс

4.

Пӧкӧрітім мујас, вајас, Паныԁ копраԍӧ вӧрпу, Ӧтув јургӧны завоԁјас, — Гӧгӧр выԉмӧ міјан му. 2-ыс

5.

Мунӧ ӧтув јітчӧм стројӧн Боԉшевістскӧј вына раԏ. Нуӧ стаԉінскӧја, збоја Став нароԁӧс муԁрӧј вожԃ. 2-ыс

6.

Міча југӧрјаса біӧн Олӧм міјан ӧні тыр. Вӧԉа Стаԉінлӧн пыр міын, Сылӧн кывјыс мікӧԁ пыр! 2-ыс

Коміӧԁіс Јван Ваԍ.

<>

В. Лебеԃев-Кумач

РӦԂІНА ЈЫЛЫԌ ԌЫЛАНКЫВ

1.

Москва карԍаԋ быԁлаӧԇ, быԁ помӧԇ, Жар лунвывԍаԋ јіјас пӧвсӧԇ пыр Мортыс ыҗыԁ рӧԃіпаті мунӧ, Кыԇ кӧԅаін, сіјӧ шуԁӧн тыр. Вӧԉнӧј, тырбур олӧм міјан шывгӧ, Быԏԏӧ Волга, паԍкыԁ сылӧн от. Тујыс восса быԁлаӧ том јӧзлы. Пӧрыԍ јӧзлы быԁлаын почот.

Пріпев: Менам рӧԃінаӧј јона паԍкыԁ, Уна вӧрыс, јуыс, му і луԁ! Мӧԁ странаӧс сещӧмӧс ог аԇԇы, Кӧні мортлӧн тащӧм ыҗыԁ шуԁ.

2.

Мујас, віԇјас ԍінмӧн те он сывјышт, Став кар ԋімсӧ татыԍ оз кут јур, Міјан горԁӧј кывным ем „тӧварыш" — Став кыв пыщкыԍ меԁԍа ԁона, бур. Тајӧ кывнас быԁлаын мі гортын, Ӧткоԃ ставыс — ԍӧԁ кӧԏ цветнӧј морт, Тајӧ тӧԁса кывјӧн карын, ԍіктын Рӧԁнӧј јӧзӧс аԇԇам кӧԏ меԁ кор.

Пріпев: Менам рӧԃінаӧј јона паԍкыԁ, Уна вӧрыс, јуыс, му і луԁ! Мӧԁ странаӧс сещӧмӧс ог аԇԇы, Кӧні мортлӧн тащӧм ыҗыԁ шуԁ.

3.

Пызан сајын ԋекоԁ абу ԉішнӧј, Ставлӧн ем заслуга ԍерԏі ԁон. Аԍным зарԋі шыпасјасӧн гіжам Вԍенароԁнӧј Стаԉінскӧј закон. Тајӧ вына кывјаслӧн јон слава Помтӧг олас — ԋекоԁыр оз быр: Мортлӧн выјім велӧԁчыны право, Шојччӧм вылӧ, уҗ вылӧ ԇік пыр.

Пріпев: Менам рӧԃінаӧј јона паԍкыԁ, Уна вӧрыс, јуыс, му і луԁ! Мӧԁ странаӧс сещӧмӧс ог аԇԇы, Кӧні мортлӧн тащӧм ыҗыԁ шуԁ.

4.

Тувсов тӧлӧн ӧвтӧ страна веԍтын, Раԁ і ԁолыԁ овны луныԍ-лун, Ԋекоԁ оз куж ԍеравны таԇ ԍветын, Ԋекӧн мі ног раԃејтӧм оз мун. Но став скӧрлун асԍыным мі леԇам, Враг-кӧ воас боԍтны шуԁа му, Кыԇ бур мамӧс, рӧԃінаӧс віԇам, Сіјӧ муса, кыԇі гӧтырпу.

Пріпев: Менам рӧԃінаӧј јона паԍкыԁ, Уна вӧрыс, јуыс, му і луԁ! Мӧԁ странаӧс сещӧмӧс ог аԇԇы, Кӧні мортлӧн тащӧм ыҗыԁ шуԁ.

Коміӧԁіс Ваԍ Міԏ

<>

В. Лебеԃев-Кумач

ГАЖА ТОМ ЈӦЗЛӦН МАРШ

1.

Збој, гажа ԍылӧмыԍ ыпјалӧ ԍӧлӧм, I сіјӧ шогԍыны ԋекор оз ԍет. Быԁ кар ԇік раԃејтӧ гажаа ԍылӧм, І ԍыланкывјастӧ раԃејтӧ быԁ грезԁ. Збој ԍылӧм отсалӧ уҗавны, овны, I јорт моз нуӧ ԁа чуксалӧ пыр. Оз вермы ԋекӧн і ԋекоԁыр вошны, Коԁ аслас олӧмті мунӧ ԍылігтыр!

2.

Вај воԍлав воԇлаԋӧ, комсомол пԉемја, Пыр ԍыв ԁа шуԏіт, меԁ ԋумјаліс бан! Пом-ԋі-ԁор сынӧԁ і пӧра мі венам, Мі — мулӧн шуԁа том кӧԅаінјас тан. Збој ԍылӧм отсалӧ раԃејтны, овны, I јорт моз нуӧ ԁа чуксалӧ пыр. Оз вермы ԋекӧн і ԋекоԁыр вошны, Коԁ аслас олӧмті мунӧ ԍылігтыр!

3.

Мі ставсӧ перјам, і аԇԇам, і воԍтам — Јі пӧвсса поԉус і лӧз јенеж своԁ. I кор страна щӧктас лоны геројӧн, — Геројӧн лоас сек міјан ԉубӧј морт. Збој ԍылӧм отсалӧ уҗавны, овны, I јорт моз нуӧ ԁа чуксалӧ пыр. Оз вермы ԋекӧн і ԋекоԁыр вошны, Коԁ аслас олӧмті мунӧ ԍылігтыр!

4.

Мі ԍывны, ԍеравны чеԉаԃ моз кужам Збој уҗын, тышын і нӧшта кӧԏ кӧн, — Ӧԁ мі-ԋін сещӧмӧн ԍвет вылас чужлім, Мыј ԋекоԁ ԋекӧн і ԋекоԁыр оз вен. Збој ԍылӧм отсалӧ раԃејтны, овны, I јорт моз нуӧ ԁа чуксалӧ пыр. Оз вермы ԋекӧн і ԋекоԁыр вошны, Коԁ аслас олӧмті мунӧ ԍылігтыр!

5.

I ԋімкоԃ шуԁнымӧс міјанлыԍ врагјас Јон тышын мырԁԃыны кӧсјасны кор, — Мі секі ԍыланкыв горӧԁам збојӧс I сувтам морӧсӧн рӧԃінаным ԁор. Збој ԍылӧм отсалӧ уҗавны, овны, Борԁ вылас вермӧмлаԋ нуӧԁӧ пыр. Оз вермы ԋекӧн і ԋекоԁыр вошны, Коԁ аслас олӧмті мунӧ ԍылігтыр!

Коміӧԁіс А. Шаманов.

<>

П. Герман

ПЫР ВЫЛӦ (Авіаціоннӧј марш)

1.

Мі чужім тан, меԁ мојԁкыв пӧртны збыԉӧ, Меԁ венны ерԁ і сынӧԁ пом-ԋі-ԁор, Ԍуԍ вежӧр міјан борԁјас ԍетіс выԉӧс, А ԍӧлӧм пыԃԃі — біа-пӧԍ мотор.

Пріпев: Пыр вылӧ, вылӧ і вылӧ Мі кыпӧԁчам кӧсјӧмӧн тыр; Быԁ жургыԍ пропеԉԉерын кылӧ Страналӧн стаԉ вынјӧрыс пыр.

2.

Кор аппарат мі нуам чорыԁ кіӧн, Кор шенԅан лебԅӧм вӧчӧ самоԉот, Мі тӧԁам сек, кыԇ сӧвмӧ-јонмӧ міјан Му вылын первој проԉетарскӧј флот!

Пріпев: Пыр вылӧ, вылӧ і вылӧ ԁа с. в.

3.

Јоԍ ԍінјас міјан аԇԇӧны быԁ атом, Став міјан ԋервным повтӧмлунӧн тыр. I ескӧј век: быԁ уԉԏіматум вылӧ, Возԁушнӧј флотным ԍетас вочакыв.

Пріпев: Пыр вылӧ, вылӧ і вылӧ ԁа с. в.

Коміӧԁіс Іван Ваԍ.

<>

В. Лебеԃев-Кумач

АСКІ ПАНԌАС-КӦ КОԌ...

1.

Аскі панԍас-кӧ коԍ, враг-кӧ кыпӧԁас грӧз, Міјан му вылӧ воас-кӧ гаԁыс, — Мезмӧм му вӧсна сек Сӧвет муыԍ став јӧз, Кыԇі ӧԏі морт сувтасны раԁӧ!

Пріпев: Муын, ваын і лӧз јенеж вылын Міјан ԍыланкыв јон і суров: Аскі панԍас-кӧ коԍ, Збыԉ-кӧ лоас похоԁ — Меԁым талун-ԋін вӧлін гӧтов!

2.

Аскі панԍас-кӧ коԍ — кыптас пӧрыԍ і том Кронштаԁт ԁорԍаԋ і Влаԃівостокӧԇ, — Кыптас міјан страна, коԁі ыҗыԁ і јон, I мі паԍвартам врагӧс сек помӧԇ!

Пріпев.

Самоԉот лебԅас збој, пуԉемјот воԍтас бі, Вына танк міјан грымӧԁас уна, I ԉінкор петас пыр, і пехоталӧн строј, I тачанка сек лебыштас-мунас!

Пріпев.

3.

Огӧ кӧсјӧј мі коԍ, сӧмын ԁорјысны ԁаԍ, — Оборона мі соԁтам ог ԁарӧм, — I враг му вылын мі врагӧс жугӧԁам паԍ Еща вірӧн, но вына уԁарӧн!

Пріпев.

4.

Сувт похоԁӧ, нароԁ, ыҗыԁ коԍ вылӧ пет! Барабаԋітӧј, јон барабанјас! Музыкант, воԇӧ пет! Ԍылыԍ, воԇӧ вај пет! Вына ԍыланкыв міјанлыԍ панӧј!

Пріпев.

5.

Абу сы ыҗԁа вын ԋекӧн ԍвет вылас ԇік, Меԁым жугӧԁны міјанлыԍ муӧс, — Мікӧԁ Стаԉін рӧԁнӧј! I стаԉнӧј команԃір Ворошілов выԉ вермӧмӧ нуӧ!

Пріпев.

Кӧміӧԁіс Іван Ваԍ.

<>

Міхаіл Голоԁныј

ЩОРС ЈЫЛЫԌ ԌЫЛАНКЫВ

1.

Берег пӧлӧн збој отр'аԁ ылыԍ локтіс пыр, Знамја улын воԍлаліс полкса команԃір. Вірӧԍ сылӧн ԁӧрӧмыс, кӧрталӧма јур, Лысва турун вылӧ пыр војталӧ гӧрԁ вір. Ек! војталӧ гӧрԁ вір.

2.

„Хлопцы, тышӧ тіјанӧс нуӧ кущӧм морт? Знамја улын раԋенӧј мунӧ коԁлӧн јорт?“ „Мі — батрацкӧј піјанјас, Ԁорјам мі выԉ мір; Знамја улын Щорс мунӧ — краснӧј команԃір. Ек! краснӧј команԃір.

3.

Аслас олӧм нем чӧжӧн тӧԁліс курыԁ шог, Сылӧн кіԍтӧм пӧԍ вірыс прӧста-ӧԁ ез вош. Ԉутӧј врагӧс шыбытім вежтас сајӧ — шеԏ! Ԇоԉа ԁырԍаԋ каԉітчім, ԁона міјан чеԍт. Ек! ԁона міјан чеԍт“.

4.

Лӧԋ зев берег пӧлӧнын, гӧлӧсјас оз кыв, Шонԁі ԋорӧ увлаԋӧ, кӧтаԍӧ віԇвыв. Збоја лебԅӧ коԋԋіца, — сені уна вӧв, Щорслыԍ краснӧј знамјасӧ вӧрӧԁыштӧ тӧв. Ек! вӧрӧԁыштӧ тӧв.

Коміӧԁіс А. Габов.

<>

М. Ԍветлов.

КАХОВКА ЈЫЛЫԌ ԌЫЛАНКЫВ

1.

Каховка, Каховка, рӧԁнӧј бур вінтовка, Те, ԁоналӧм пуԉаӧј, леб! Іркутск ԁа Варшава, Ор‘ол ԁа Каховка, — Коԁ тајӧс — тыш тујсӧ, оз тӧԁ.

Сек грымгіс атака, і шуԏлаліс пуԉа, — Зев чорыԁа ыпјаліс бој. I сотчыԍ Каховкаті мунӧ шыԋеԉа Том нывканым міјан, зев збој...

Жар шонԁіыс улын, ԍӧԁ сап пемыԁ војын Ез ещаыԍ ветлыны ков. Мі мірнӧј јӧз ӧні, но јон броԋепојезԁ Пыр ԁаԍтӧма — тујӧ гӧтов.

2.

Те помԋітан, јортӧј, кыԇ тышкаԍлім орччӧн, Кыԇ міјанӧс кыщавліс бі. Сек кыкнаным вылӧ, кор щын-бусыс гартчіс, Том нывкалӧн ԋумјаліс ԍін.

Вај каԅтылам ӧні збој томлунса каԁӧс, Вај јуыштам уҗ куԅа, јорт, Ас муса му куԅа, Каховканым куԅа, Кӧн овліс ныв міјан — том морт...

Жар шонԁіыс улын, ԍӧԁ сап-пемыԁ војын Ез ещаыԍ ветлыны ков. Мі мірнӧј јӧз ӧні, но јон броԋепојезԁ Пыр ԁаԍтӧма — тујӧ гӧтов.

Коміӧԁіс Ваԍ Міԏ.

<>

А. Сурков

КОНАРМЕЈСКӦЈ

1.

Војна туј куԅа гымӧн Локтіс тышын ԁа шумын Бојевӧј ԁаскӧкјамысӧԁ во. Ӧԁјӧ чукӧртчім бојӧ, Кубаԋ — Волгаԍаԋ збоја Вӧвјас вылын мі панім похоԁ. 2 -ыԍ

2.

Сотан жарын, бус пӧвсын Мі Буԃонныјкӧԁ тӧвԇім Ыҗыԁ уҗ вылӧ рӧԁтӧмӧн сек, Перекатјасӧԁ јуті Ԁа курганјас гӧрб вывті Мунліс грымалан славаным век. 2 -ыԍ

3.

Со, Замоԍԏјеын, Ԁонын Јеҗыԁ лы сіԍмӧ уна, Лыјас вывті тӧв новлӧԁлӧ гор. Ԁыр оз вунӧԁны понјас — Атаманјас ԁа панјас Конармејскӧј, стаԉ сабԉалыԍ ԁор. 2 -ыԍ

4.

Міјан лӧԋ крајӧ выԉыԍ Војна воас-кӧ збыԉыԍ, Мӧԁас резны-кӧ пуԉемјот бі, — Тӧԁса тујӧԁ ог сорԍӧј, Муса јорт нарком бӧрԍа Повтӧм вӧвјасӧс нуӧԁам мі. 2 -ыԍ

Коміӧԁіс Ваԍ Міԏ.

<>

А. Апсалон

ЈУРГЫ, ПЕԌԊА, КЫПЫԀ ГОРӦН

1.

Јургы, пеԍԋа, кыпыԁ горӧн, Ен те, гӧтыр, шогԍы-бӧрԁ! Штурмӧн боԍтны ылі море Ыстӧ міјанӧс страна. 2 -ыԍ

2.

Курс мі кутам ылӧ-ылӧ, Корабԉ, міјанӧс ну те. Уԍлӧ мусаӧј ԁум вылӧ Кывзыԍ руԉ ԁорын сек мен. 2 -ыԍ

3.

Бушков, тӧвныр, ураганјас... Те он повԅӧԃ океан. Міјан том, збој капітанјас Нуӧԁасны караван. 2 -ыԍ

4.

Уна бојын врагӧс мыԍкім, Море щӧщ-жӧ пуіс скӧр. I побеԁа перјӧм мыԍԏі Гортӧ воамӧ мі бӧр. 2 -ыԍ

5.

Јургы, пеԍԋа, кыпыԁ горӧн, Віԇа олан, ԍӧлӧмшӧр! Штурмӧн боԍтны ылі море Ветлім збоја — воім бӧр. 2 -ыԍ

Коміӧԁіс А. Габов.

<>

Міхаіл Голоԁныј

ПАРԎІЗАН ЖЕԈЕЗԊАК

1.

Херсон ԁорын ԍԏепын Куԅ туруныс ӧвтчӧ, Херсон ԁорын ԍԏепын — курган. Курган улын кујлӧ, Бурјан улын уԅӧ Матрос Жеԉезԋак — парԏізан.

2.

Оԃессаӧ муніс, Херсон ԁорӧ петіс, I кыщ пыщкӧ шеԁіс отр'аԁ. I сені — застава, I тані — махновцы, I ԁас сӧмын коԉі гранат.

3.

— Ребјата, — таԇ шуіс Сек аслас отр'аԁлы Матрос-парԏізан Жеԉезԋак: — Херсон міјан воԇын, Вај штыкјасӧн петам, I ԁас гранат абу пуԍԏак.

4.

Таԇ шуісны јортјас: — Вај штыкјасӧн петам, І ԁас гранат абу пуԍԏак. Гранатаӧн, штыкӧн Сек петісны јортјас, I уԍі сен збој Жеԉезԋак.

5.

Быԁ лун Украіна Зев гажаа ԍылӧ. Том шуԁлунлӧн паԍкыԁ зев от. Поԁсолԋечԋік веԍтын, Лӧз јенежын ылын Пыр кыщлалӧ збој самоԉот.

6.

Херсон Ԁорын ԍԏепын Куԅ туруныс ӧвтчӧ. Херсон ԁорын сԏепын — курган. Курган улын кујлӧ, Бурјан улын уԅӧ Матрос Жеԉезԋак — парԏізан.

Коміӧԁіс А. Габов.

<>

М. Ісаковскіј

ЈАНСӦԀЧӦМ

1. Ем пріказ: теԁ — рытыввылӧ, Муса нывлы — мӧԁ туј вож... Комсомоԉцылӧн тыш вылӧ Мунӧм вӧлі вывті чож.

2. Мӧԁӧԁчісны, јансӧԁчісны, Еновтісны чӧв-лӧԋ крај. — Те кӧԏ мыјкӧ, ԁона аԋӧј, Јансӧԁчігӧн ԍіј мен вај.

3. Муса нылыс вочавіԇліс: — Ԍіја теныԁ лун і вој, Ԍмерт-кӧ — тӧԁлытӧм меԁ лоас, Ԁој-кӧ — ічӧт рана-ԁој.

4. А меԁјона теныԁ ԍіја, Менам муса ԍӧлӧмшӧр, Меԁым ӧԁјӧ вермӧм бӧрын Гортӧ, јортӧј, локтін бӧр.

5. Зонмыԁ нывлыԍ кутліс кісӧ, Сылы ԍінмас ԇоргіг сор: — Нӧшта тенԍыԁ, аԋӧј, кора — Гіж те меным піԍмӧтор.

6. — Но ме кытчӧ теныԁ гіжа? Кыԇі тӧԁа тенԍыԁ туј? — Ӧткоԃ, — зонмыс шуіс лӧԋа, — Гіж ԁа пошта куԁјӧ ԍуј!

7. Ем пріказ: теԁ — рытыввылӧ, Муса нывлы — мӧԁ туј вож... Комсомоԉцылӧн тыш вылӧ Мунӧм вӧлі вывті чож.

Коміӧԁіс А. Габов.

<>

Віктор Гуԍев

ԌԎЕПНӦЈ КАВАԈЕРІЈСКӦЈ („Мујас ті, мујас")

1. Мујас ті, мујас (ԁа), Мујас ті, зев паԍкыԁ мујас! Сеті (ԁа) мунӧны геројјас, Ек-ԁа, краснӧј полкјаслӧн геројјас.

2. (Ек — ) Бӧрԁӧны нывјас (ԁа), Нывјаслы-тај талун гажтӧм: Мусук (ԁа) ԁыркоԃ кежлӧ муніс, Ек-ԁа, мусук арміјаӧ муніс.

3. (Ек — ) Віԇӧԁлӧј, нывјас (ԁа), Віԇӧԁлӧј ті паԍкыԁ тујсӧ, Кујлӧ (ԁа) міјан зев куԅ тујыс, Ек-ԁа, вывті гажа сіјӧ тујыс.

4. (Ек — ) Мунам мі, мунам (ԁа), Гӧгӧр быԁлаын колхозјас, Міјан (ԁа) нывјас, став колхозыс, Ек-ԁа, міјан ԇорԇалыԍ выԉ ԍіктјас.

5. (Ек — ) Сӧмын мі аԇԇам (ԁа), Аԇԇам воԇвылыԍ ԇор кымӧр, Враглӧн (ԁа) ԉокыс ԍӧԁ вӧр сајԍаԋ, Ек-ԁа, враглӧн ԉокыс быԏԏӧ кымӧр.

6. (Ек — ) Віԇӧԁлӧј, нывјас (ԁа), Врагӧс кучкыны мі ԁаԍӧԍ, Міјан (ԁа) вӧвјасным зев чожӧԍ, Ек-ԁа, міјан танкјас мунны чожӧԍ.

7. (Ек — ) Јенежԍаԋ ԍуԍа (ԁа) Віԇӧԁӧны збој пілотјас, Ӧԁјӧ (ԁа) плавајтӧ поԁлоԁка, Ек-ԁа, ԍуԍа ԇоргӧ Ворошілов.

8. (Ек — ) Меԁ-жӧ колхозын (ԁа) Пуӧ ԁружнӧј кыпыԁ уҗыс, — Талун (ԁа) сулалам ԁозорын, Ек-ԁа, талун-ӧԁ мі часӧвӧјјас.

9. (Ек — ) Віԇӧԁлӧј, нывјас (ԁа), Нывјас, чышкалӧј ті ԍінва. Міјан (ԁа) јонҗыка меԁ јургас, Ек-ԁа, гора кыпыԁ ԍыланкывјыс.

10. (Ек — ) Мујас ті, мујас (ԁа), Мујас ті, зев паԍкыԁ мујас! Сеті (ԁа) мунӧны геројјас. Ек-ԁа, краснӧј полкјаслӧн геројјас.

Коміӧԁіс Ј. Коԉегов.

<>

А. Гатов

ԀАСӦԎІ ЧОЈ

1.

Вај вістав, шӧјтыԍ тӧлыԍ, Мен вочакыв те шу, Кӧн ем кӧԏ нӧшта ӧԏі Том тащӧм ԁолыԁ му? Ԁасӧԏі, ставныс ӧтщӧщ, I быԁӧн ӧткоԃ шаԋ, — Респубԉіка чој котыр, Ԁасӧԏі муса аԋ.

2.

I лебач лунвыв лебіг Борԁ вылас нуӧ кыв Му јылыԍ, кӧні Стаԉін, — Шуԁ јылыԍ ԍыланкыв. Ԁасӧԏі, ставныс ӧтщӧщ, I быԁӧн ӧткоԃ шаԋ, — Респубԉіка чој котыр, Ԁасӧԏі муса аԋ.

3.

Јон вермӧмјасыԍ, уҗыԍ Шуԁ ыҗыԁ аԇԇім мі. Камчаткаын щӧщ ломԇӧ Кремԉ вывса коԇув бі. Ԁасӧԏі, ставныс ӧтщӧщ, I быԁӧн, ӧткоԃ шаԋ, — Респубԉіка чој котыр, Ԁасӧԏі муса аԋ.

4.

I лебач саріԇ сајын Пыр ԍылӧ, оз тӧԁ ун, Мыј меԁԍа бур ԍвет вылын Сӧветскӧј, вӧԉнӧј му. Ԁасӧԏі, ставныс ӧтщӧщ, I быԁӧн ӧткоԃ шаԋ, — Респубԉіка чој котыр, Ԁасӧԏі муса аԋ.

Коміӧԁіс Сук Парма.

<>

В. Лебеԃев-Кумач

САБԈА МІЈАНЛЫ ОЗ МӦРЧЧЫ

1.

Кырныш чукӧр ез тајӧ, ез лебны Баԃпу бокӧ, меԁ пірујтны щук, — Гајԁамакјас ԁа ԋемецјас секі Јукны кутлісны міјанлыԍ му. Ԁа зев крепыԁӧн му вӧлӧм міјан, Сіјӧс грабітны секі ез ԍур, — Вылӧ кыптісны сокол збој піјан, Кырныш чукӧрлыԍ ыщкісны јур!

Пріпев: Сабԉа міјанлы оз мӧрччы, Враглӧн пуԉаыԁ оз ві, — Врагӧс тышын нӧјтлім, нӧјтам, Воԇӧ нӧјтны кутам мі!

2.

Уна лыԁа окоԏітыԍ воліс, Віԁліс озыр Сӧвет мулыԍ кӧр, — Секі бокјассӧ чірсісны прӧста, Ԁа і ӧԁва кок кыскісны бӧр. Ез-на сіԍмыны налӧн ԍӧԁ лыјас, Вӧвлӧм тышјасыс ез-на-ӧԁ вун, — Меԁ-жӧ воласны кортӧм фашістјас, Налы мустӧм-кӧ олӧмлӧн лун!

Пріпев: Сабԉа міјанлы оз мӧрччы, Враглӧн пуԉаыԁ оз ві, — Врагӧс тышын нӧјтлім, нӧјтам, Воԇӧ нӧјтны кутам мі!

3.

Ԁа і важӧн мі кужлім ег жеба Нӧјтны врагӧс, кӧн вӧвлі јон бі, Тыш-кӧ панԍас, сек олӧмӧс ԍетам, Шуԁа рӧԃіна ԁорјӧмын мі. Став нароԁ кутас ԍвіԋеч шер кӧԇны, Ас му ԁорјас — ор'ол кыԇі поз. Ԋекор міјанӧс рабӧн ԋе вӧчны, Міјан му вылын раб оз ло, оз!

Пріпев: Сабԉа міјанлы оз мӧрччы, Враглӧн пулаыԁ оз ві, — Врагӧс тышын нӧјтлім, нӧјтам, Воԇӧ нӧјтны кутам мі!

Коміӧԁіс А. Габов.