Костромин Анфим Иванович

Лыатыса Анфим, роч ногӧн Костромин Анфим Иванович (1907–1967) — Емдін районса Лыаты грездын. Школа помалӧм бӧрын вӧлӧма комсомолса уджалысьӧн медводз чужан сиктас, сэсся вӧлӧсьтас, обласьтын, культпросветын уджалысьӧн, Йӧзкостса творчество керкаын медводдза директорӧн. Велӧдчӧма Мӧскуаын К. С. Станиславскӧй театрын актёръяслӧн школаын. Сійӧс помалӧм бӧрын лоӧма Сыктывкарса драма театрын директорлы отсасьысьӧн.

Айму вӧсна Ыджыд тыш дырйи вӧлӧма младшӧй политрук. Сьӧкыда ранитчӧм бӧрын бурдӧдчӧма Новосибирскса госпитальын. Уджалӧма Новосибирскса клубъясын, сэсся — Коми АССР-са культпросвет керкаясын да клубъясын, Ухтпечлаглӧн политотделса управленньӧын, Коми республикаса культура министерствоын старшӧй инспекторӧн.

1920-ӧд вояссянь гижӧма кывбуръяс, драма гижӧдъяс, водзмӧстчӧма Коми мулӧн литературнӧй олӧмын. 1930ʼ воын петӧма «Вӧрын» небӧг, кӧні йӧзӧдӧма Лыатыса Анфимлысь куим пьеса. 1931ʼ воын Нёбдінса Витторкӧд ӧтвылысь сійӧ вуджӧдӧма да лэдзӧма торъя небӧгӧн А. Глебовлысь «Вставай в ряды» пьеса.

Гижӧдъяс

Кывбуръяс

• Вӧр кылӧдчысьяслӧн сьыланкыв : сьыланкыв (Сьывсьӧ «Весной Волга разольется» моз)
  • Ордым. 1930. №5. Лб. 12-13 (Илля Васькӧд ӧтлаын).
  • Выль шылӧн юргӧм. Сыктывкар, 1931. Лб. 32-34 (Илля Васькӧд ӧтлаын).
• «Ударник» : кывбур
  • Ударник. 1931. №3-4. Лб. 8.

Пьесаяс

• Лечитам : ӧти акта пьеса
  • Ударник. 1931 №6. Лб. 10-12.
• Лёк зэв мойдны : пьеса
  • Ордым. 1930. №13-14. Лб. 39-40.
• Лёк зэв мойдны : ӧти торъя ворсантор
  • Сатира сборник. Сыктывкар, 1933. Лб. 54-56.

Стӧчмӧдны

• Дас ӧти дивӧ
  • Ордым. 1931 №1. Лб. 32.