Коми орфография: ø/ы

Туйдӧд

Коми кывйын ы шыыс вермӧ вежласьны абутӧмӧн. Тадзи овлӧ татшӧминъясын:

• ыасян кывдін помын: восьтыны / восьтны
• кыввужйын (абу кӧ тайӧ ы-ыс воддза слогын): быглясьны / быгылясьны

Мукӧддырйи ы-а формаыс норма, мукӧддырйи абу.

Лыддьӧг

Тані вайӧдам кывъяссӧ, кӧні нормакӧд тшӧтш овлӧ и нормируттӧм вариант.

Кывдін помын

Ыасян кывдінъяс артмӧны, кор кывдін помас петӧ чуналан либӧ шутьлялан юкӧна шычукӧр.

норма нуль (вариант ы)

Тадзи артмӧ пыр, кор кывдін помын суффикс -ышт, СС+л, да мукӧд дырйи СС+т.

суффикс -ышт(ы) дырйи

норма ышт (вариант ышты)

1. варовитыштны - варовитыштыны
2. вольсыштлыны - вольсыштылыны
3. ворсыштны - ворсыштыны
4. гажӧтчыштны - гажӧдчыштыны
5. каитчыштны - каитчыштыны
6. курыштны - курыштыны
7. лолыштны - лолыштыны
8. лӧньӧдыштны - лӧньӧдыштыны
9. лӧсьӧдыштны - лӧсьӧдыштыны
10. мӧвпыштны - мӧвпыштыны
11. пелксьыштны - пелксьыштыны
12. сёйыштны - сёйыштыны
13. сулыштны - сулыштыны

суффикс -т(ы) дырйи

норма т (вариант ты)

1. дзуртны - дзуртыны
2. кисьтны - кисьтыны
3. ланьтны - ланьтыны
4. мустӧмтны - мустӧмтыны
5. пӧрысьтны - пӧрысьтыны
6. чукӧстны - чукӧстыны
7. ымӧстны - ымӧстыны

суффикс -л(ы) дырйи

норма лы (вариант ыв)

1. кисьтлыны - кисьтывны
2. ланьтлыны - ланьтывны
3. урӧстлыны - урӧстывны

норма ы (вариант нуль)

1. восьтыны - восьтны
2. шонтыны - шонтны

Кыввужйын

норма нуль (вариант ы)

1. быглясьны - быгылясьны
2. веглясьны - вегылясьны
3. жуглясьны - жугылясьны

норма ы (вариант нуль)

1. векышасьны - векшасьны
2. паныдасьны - пандасьны
3. чукыльӧсь - чукльӧсь