ПЕРЫМЗЫРАН

<Василий Климов @ Сеника баблӧн висьтасьӧм : висьт // Войвыв кодзув. 1964. №1. Лб.45-46.>

СЕНИКА БАБЛӦН ВИСЬТАСЬӦМ

Ті, бур войтыр, кевманныд на енмыслы? Онӧ? Оз и ков! Ме пемыд мортыд, дугдывтӧг кевми, став матігӧгӧр вичкояссӧ кытшовті, джын эбӧсӧс вошті, а мый кори енмыслысь — эз сет. Вот и муні сэки поп ордӧ да шуа: поп-батюшко, мися, пӧрысьмам нин ми Пиляӧйкӧд, а енмыс, мися, ӧнӧдз эз сет миянлы дитятӧ. Мыйла нӧ, мися, сідзи? Али омӧля кевми? Али, мися, Микӧла-угодник водзас эг копрась? Али деньга кошельӧс джодж увсьыс эг перйыв, эг тэч ен водзас рубъяссӧ? А батюшкоыс порсь кодь ён вӧлі: гос вӧснаыс кучикыс потны дась. И, ме ногӧн, енмыс сылӧн сӧмын кыв вылас вӧлі, а юрас дзик мӧдтор — мирскӧй ноксьӧм. Сійӧн и крапкӧбтіс меным, вӧв рожаыд. Тэныд, шуӧ, грешнӧйлы, енмыс оз вермы отсавны. Тайӧ висьӧмыс пӧ абу духовнӧй, а плотскӧй. Мужик дінӧ, шуӧ, мун, сылы кевмысь. — Тьпу, мися, сулема! — сьӧвзи сылы гӧрд чужӧмас. Да сӧмын эг сылы инмы, а Кристосыслысь синсӧ дулльӧсьті. Сэксянь вичкоас и кокӧн ог тувччывлы.

<Василий Климов @ Сеникалӧн висьтасьӧм рассказ // Иньва. Кудымкар,1964.>

СЕНИКАЛӦН ВИСЬТАСЬӦМ

Кеймат я тійӧ, бур отир, еныслӧ? Одӧ? Оз и ков! Ме, пемыт морт, прокод кейми, матісь вичкуэсӧ быдӧс кытшлалі, джын мылаӧс сэтчӧ пукті, а мый кори еныслісь — эз сет. Вот и муні сэк попыс дынӧ гортас да шуа: батюшко-поп, мыся, пӧрисьмамӧ ни Сенюӧкӧт, а еныс ӧнӧдз, мыся, дитёсӧ миянлӧ эз сет. Мыля нӧ, мыся, сідз? Али умӧля кейми, Микола Угодникыс одзын эг копрась? Али кӧшелёкӧс джоджувсис эг кыскыв, эг тэч еныс одзӧ руббесӧ? А батюшкоыс паль кодь ён вӧлі — кучикыс госсяняс потны готов. И ме чайта, сылӧн еныс токо кыв йылас вӧлі, а юрас совсем мӧдік — мирскӧй суета. Сійӧн и ляпкис меным сэтчӧ: тэныт, шуӧ, грешнӧй, еныс оз вермы отсавны, эта шогӧтыс пӧ не духовнӧй, а плотскӧй. Мужик дынӧ, шуӧ, мун, сылӧ кеймись. Тьфу, мыся, ӧнджа! — сьӧвзи сылӧ гӧрд рожаас. Да только не сылӧ инми, а Христосыслісь синсӧ дулльӧсьті. Сэксянь вичкуас и кокӧн эг тальччыв.