|
|
| Строка 1: |
Строка 1: |
| − | МЕ — КОМИ
| |
| | | | |
| − | Ме — коми!
| |
| − | Менам вылын юр.
| |
| − | Ӧд ме эг тӧдлы раблысь кӧрсӧ!
| |
| − | Мед коля ӧтнам. Гашкӧ, сійӧ бур.
| |
| − | Но сӧмын кольӧй меным вӧрсӧ!
| |
| − | Да кольӧй меным сӧстӧм ю!
| |
| − | Да кольӧй меным коми парма!
| |
| − | ...Мем колӧ мича чужан му,
| |
| − | А талун сійӧ киссьӧм, нярмӧм.
| |
| − |
| |
| − | ЗБЫЛЬ ӦМӦЙ?
| |
| − |
| |
| − | Вӧрсӧ да васӧ ми пежалім
| |
| − | — Бӧрыннас чуймим.
| |
| − | Колана туйвизьысь кежавлім
| |
| − | — Нюкыртчим, жуймим.
| |
| − | Сёрнитны комиӧн вунӧдім
| |
| − | — Аслыным инмис.
| |
| − | Збыль ӧмӧй лазмӧма, куньсьӧма
| |
| − | Комилӧн синмыс?
| |
| − |
| |
| − | СЁРНИ
| |
| − |
| |
| − | Латшкӧс керка. Ӧшиньясын биа.
| |
| − | Ывла вылын ыджыдалӧ вой.
| |
| − | Пукалӧны кыкӧн: ая-пиа.
| |
| − | Кылӧ батьлӧн сёрни. Сыын дой.
| |
| − | «Олӧм тэнад абу ёна мича
| |
| − | (батьлӧн быдсӧн тіралыштӧ ки).
| |
| − | Вунӧдін тай миянӧс, медічӧт,
| |
| − | Войдӧр медся радейтана пи.
| |
| − | Абу лӧсьыд кедзовтны рӧдвужтӧ,
| |
| − | Мед кӧть олан места — ылі му...
| |
| − | Мый нӧ ӧні сьӧкыдпырысь ружтан?
| |
| − | Олӧм ноптӧ ачыд, другӧ, ну.
| |
| − | Сёр нин, пиӧ, норасьнытӧ меным.
| |
| − | Сӧмын жугыль босьтӧ нӧшта... Эк!
| |
| − | Комын арлысь тшупӧдсӧ со венін,
| |
| − | Нырвизь абу лӧсялӧма век.
| |
| − | Сиктсянь, йӧюк, олӧм туйыд мунӧ.
| |
| − | Тэнад пӧчлӧн-пӧльлӧн тані гу.
| |
| − | Омӧль сійӧ мортыс, кодлӧн вунӧ
| |
| − | — Вӧльнӧй светас ӧти чужан му...»
| |
| − | Кывзӧ батьлысь маитчӧмсӧ пиыс.
| |
| − | Пельсӧ ассьыс чошкӧдӧма вой.
| |
| − | Сӧмын ӧтнас удтіс чусмӧм биыс,
| |
| − | Кыдзи петіс пилӧн синва войт.
| |
| − | ЛОНЫ НЕ ЛОНЫ
| |
| − |
| |
| − | Лоны не лоны?
| |
| − | Гамлетлӧн юалӧм вемъясӧ швачкӧ!
| |
| − | Пельясӧс киясӧн тупкыны сьӧкыд!
| |
| − | Чужтіс тай рӧкыд
| |
| − | вит
| |
| − | поколенье
| |
| − | гымалан
| |
| − | кадӧ.
| |
| − | Туйвизьным вӧлӧма адӧ?
| |
| − | Вермам-ӧ райӧ ми воны?
| |
| − | Да!
| |
| − | (Колӧ эскысьӧн лоны.)
| |
| − | ӦШКАМӦШКА
| |
| − |
| |
| − | Ӧшкамӧшка —
| |
| − | Сера петук голя!
| |
| − | Коді ёльысь сӧстӧм васӧ юис?
| |
| − | Коді менӧ аслам шогкӧд суис?
| |
| − | Эн-ӧ мӧй нӧ тэ?
| |
| − | Ӧшкамӧшка —
| |
| − | Енэжтаслӧн мегыр!
| |
| − | Мыйла тэнад
| |
| − | рӧмыд
| |
| − | сизим
| |
| − | сӧмын?
| |
| − | Гашкӧ, ставсӧ
| |
| − | кӧкъямысӧд
| |
| − | рӧмӧн
| |
| − | Важӧн аддза ме?..
| |
| − | КЕРКА
| |
| − |
| |
| − | Пракмуніс керка. Воӧма кадыс.
| |
| − | Ымӧстіс сьӧкыда. Бок вылас пӧрис.
| |
| − | Бырӧма пӧрысьлӧн олӧмсьыс радыс,
| |
| − | Сьӧлӧмыс шогысла потӧма шӧри.
| |
| − |
| |
| − | Тӧда ме пыдісянь керкалысь шогсӧ:
| |
| − | Нелямын во сайын кӧзяин быри.
| |
| − | Пӧлыслы колис став уджсӧ и ноксӧ...
| |
| − | (Неважӧн пӧчӧлӧн чашкаыс тыри).
| |
| − |
| |
| − | Важ мозыс кодӧскӧ шонтыны кӧсйис,
| |
| − | Кевмысис, ас дінас чуксаліс йӧзӧс.
| |
| − | Эскӧмыс быри. Керкаыс... ӧзйис.
| |
| − | Тшынӧн и разаліс. Мыйлакӧ лӧзӧн...
| |
| − |
| |
| − | ЧУЖАН МУЛЫ
| |
| − |
| |
| − | Кутшӧм сӧстӧм тані сынӧд!
| |
| − | Кутшӧм мелі лун и вой.
| |
| − | Тані содлӧ менам вынӧй,
| |
| − | Тані чинлӧ менам дой.
| |
| − | Ок и ёна бырлӧ гажӧй
| |
| − | Тэысь, дона чужан му.
| |
| − | Эн жӧ дивит, мый ме важӧн
| |
| − | Тэкӧд сёрнисӧ эг ну.
| |
| − | ЭСКА БУРӦ
| |
| − |
| |
| − | Ме ог эскы, мый блин сёйысь рӧдысь
| |
| − | Петіс авъя да зіль коми морт.
| |
| − | Ме ог эскы, мый ӧтчыд и мӧдысь
| |
| − | Вермас ылӧдны матысса ёрт.
| |
| − | Ме ог эскы, мый регыдъя кадӧн
| |
| − | Ловзяс пармалӧн вӧвлытӧм мич.
| |
| − | Ме ог эскы, мый лёкъяслӧн радӧ
| |
| − | Вермас веськавны бурлунлӧн визь.
| |
| − | Ме ог эскы, мый шондіыс кусӧ.
| |
| − | Ме ог эскы, мый олӧмным — шой.
| |
| − | Ме ог эскы, мый енэжным бусӧсь.
| |
| − | Ме ог эскы, мый водзвылын — дой.
| |
| − | Бурлы Енлы моз эскыны кӧсъя,
| |
| − | Менам лачаӧй эз на жӧ быр.
| |
| − | Мортлӧн дзоньвидза аскиыс вӧсна
| |
| − | Сета, ковмас кӧ, сьӧлӧмӧс пыр.
| |
| − | ОНИШ
| |
| − |
| |
| − | Югыд луныс
| |
| − | бӧрӧ коли,
| |
| − | Жуймӧдчӧма ывлавыв,
| |
| − | Кӧнкӧ матын лӧнис колип...
| |
| − | Оз нин сійӧ сьыв.
| |
| − |
| |
| − | Унзіль синъяс кага тільӧ,
| |
| − | Зыбка весьтын шӧпкӧ мам...
| |
| − | Ойбыртыштны быдӧн зільӧ —
| |
| − | Майбыр, войыс рам.
| |
| − |
| |
| − | Мусӧ, васӧ
| |
| − | ониш босьтӧ,
| |
| − | Нем оз пальӧд налысь ун,
| |
| − | Шойччӧй ладӧн...
| |
| − | аски бура
| |
| − | Чужас югыд лун.
| |
| − | ИЧӦТИК НЫЛӦЙЛЫ
| |
| − |
| |
| − | Менам мусаник ичӧтик морт!
| |
| − | Мед жӧ олӧмыд сӧстӧмӧн лоас.
| |
| − | Менам кевмӧмӧй Енмӧдз кӧ воас,—
| |
| − | Лоан шудаӧн, ичӧтик морт.
| |
| − |
| |
| − | Менам мусаник ичӧтик морт!
| |
| − | Сӧмын бур, сӧмын чассьӧ тэд сиа,
| |
| − | Медым сьӧлӧмыд вӧлі пыр биа,
| |
| − | Медым быдӧнлы вӧлін тэ ёрт!
| |
| − |
| |
| − | Дзирдав, куслытӧм кодзулӧн тэ,
| |
| − | Менсьым мамыдлысь мичмӧдышт вояс...
| |
| − | Тӧд жӧ, нылукӧй: лёктор кӧ воас,
| |
| − | Сылысь бордъяссӧ чегъяла ме.
| |
| − |
| |
| − | ПОЖӦГ ЮЛЫ
| |
| − |
| |
| − | Мый кӧть ар? Мый кӧть тулыс? Мый гожӧм?
| |
| − | Мый кӧть йиӧн и дорӧма тӧв?
| |
| − | Медся мусаӧн колян тэ, Пожӧг,
| |
| − | Менам вын. Менам «сирасьӧм кӧв».
| |
| − | Вильыш коськъясын гажаа сьылан,
| |
| − | Лӧньӧм тыӧдын шыыд оз пет.
| |
| − | Эжва чойыдлӧн борд улас сылан,
| |
| − | Кӧдзыд сьӧлӧмсӧ шонтыштны мед.
| |
| − | Вӧрса вӧлӧга чӧскыд жӧ кӧра!
| |
| − | Он тай некодӧс кедзовт тэ, ёрт.
| |
| − | Ваӧн чӧсмасьны тэрмасьӧ йӧра,
| |
| − | Соддзӧн апалӧ мудзыштӧм морт.
| |
| − | Тэныд нюмъялӧ кыр йывсянь пожӧм,
| |
| − | Мыйкӧ шӧпкӧны пелысь да коз...
| |
| − | Дона ю. Менам ичӧтик Пожӧг,
| |
| − | Меысь гажыд кӧть бырлывлӧ оз?
| |
| − |
| |
| − | НЕБӦГ
| |
| − |
| |
| − | Чинлӧ вын. Бырлӧ эбӧс.
| |
| − | Шула: олӧмӧй — шуй.
| |
| − | Восьта сэки ме нэбӧг,
| |
| − | Корся сэсь петан туй.
| |
| − | Менам небӧгӧй — олӧм,
| |
| − | Кӧні бурыс и лёк.
| |
| − | Жугыль — уна нин вӧлӧм
| |
| − | Сэні няйтӧсь лист бок.
| |
| − | Повны нинӧмысь. Важыс
| |
| − | Менам сӧстӧм и сьӧд.
| |
| − | Гашкӧ, водзын на гажыс,
| |
| − | Гашкӧ, абу. Ог тӧд.
| |
| − | Медым олӧмыс лэбӧ.
| |
| − | Синва сыысь оз пет.
| |
| − | Гора висьтала: небӧг,
| |
| − | Водзӧ лякны ог сет.
| |
| − |
| |
| − | АТТЬӦ
| |
| − |
| |
| − | Войвыв муӧй, Коми муӧй!
| |
| − | Сьӧлӧм морӧс пытшкын пуӧ.
| |
| − | Сійӧ менам бара вӧрзис
| |
| − | Тэнад мичсьыд, тэнад вӧрсьыд,
| |
| − | Тэнад йӧлӧгалӧн шыысь,
| |
| − | Тэнад Эжва вывса гыысь,
| |
| − | Тэнад муса уджач аньысь,
| |
| − | Мамӧн кӧтӧм шобді няньысь,
| |
| − | Кыӧм дӧра сарапанысь,
| |
| − | Мыла, гора «Шондібанысь»,
| |
| − | Став рӧдвужысь: мамӧ, батьӧ...
| |
| − | Чужан муӧй, аттьӧ, аттьӧ!
| |
| − |
| |
| − | МЕНАМ СЬӦЛӦМЫН ЙӦРМӦМА ТӦВ
| |
| − |
| |
| − | Менам сьӧлӧмын йӧрмӧма тӧв,
| |
| − | Вына бушколӧн войлалӧ сэні,
| |
| − | Быттьӧ паметьӧй вушйӧма, чӧв...
| |
| − | Кыдзи шоглунӧс бырӧдны-венны?
| |
| − | Коркӧ овлі ме, шуда жӧ морт,
| |
| − | Авъя пи,— бордъя идӧгъяс ордын.
| |
| − | Ӧні мутиыс, видзӧдтӧ, ёрт,
| |
| − | Ӧні вошті ме олӧмысь ордым.
| |
| − | Воши юрсиысь лӧсталан смоль,
| |
| − | Быри ёсьлуныс лӧзоват синмысь,
| |
| − | Сӧмын дойыс эз вунӧд, эз коль.
| |
| − | Рӧкыс чорыда меным тай инмис...
| |
| − | Мед кӧть серпасыс талун зэв руд,
| |
| − | Коді шуӧ, мый кодзулӧй куліс?
| |
| − | Гашкӧ, волас на ме дінӧ шуд,
| |
| − | Гашкӧ, ӧзъяс на сьӧлӧмын тулыс...
| |
| − |
| |
| − | ОЛӦМ ТУЙТІ
| |
| − |
| |
| − | Багыль туйті муні,
| |
| − | муні...
| |
| − | Кашки, ыпки...
| |
| − | Дивӧ: вуні
| |
| − | Кытчӧ муна, мыйла муна
| |
| − | Тайӧ кӧдзыд лымъя лунас?
| |
| − | Олӧм туйысь тшук эг сорсьы,
| |
| − | Аддзи эськӧ, мый ме корси...
| |
| − | Сӧмын сьӧлӧмувса дойӧй
| |
| − | Эз и личав ыркыд войӧ...
| |
| − |
| |
| − | АР ПОМ
| |
| − |
| |
| − | Сӧнікасис, сӧнікасис...
| |
| − | ваыс.
| |
| − | Кынмис муыс.
| |
| − | Разаліс тай...
| |
| − | вылӧ качис
| |
| − | Асъя кӧдзыд руыс.
| |
| − | Вильыш кӧчӧн
| |
| − | Рӧдтіс еджыд пужйыс...
| |
| − | Кисӧ лэптіс
| |
| − | Тӧлыс водзын ар.
| |
| − |
| |
| − | ТЭТӦГ
| |
| − |
| |
| − | Быттьӧ нинӧм эз и вӧвлы...
| |
| − | Сідз жӧ югыд шонді петӧ,
| |
| − | Сідз жӧ тӧлыс тошӧс летӧ,
| |
| − | Сідз жӧ кисьмӧ-воӧ сэтӧр,
| |
| − | Радлӧ лолыд
| |
| − | вӧльнӧй светӧн...
| |
| − | ...Сӧмын ставыс тайӧ — тэтӧг.
| |
| − |
| |
| − | ЛОВЪЯ ДӦВА
| |
| − |
| |
| − | Ловъя дӧва бӧрдіс нора:
| |
| − | «Висьтав, Енмӧй, коді «керис»?
| |
| − | Тӧлысь коли... Лыйис морӧн...
| |
| − | Сылі-воши менам верӧс.
| |
| − | Кӧні олӧ тайӧ зьмейыс,
| |
| − | Коді вомӧналіс туйӧс?»
| |
| − | ...........................
| |
| − |
| |
| − | Дыркодь Енмыс чӧлӧн оліс.
| |
| − | Сэсся небыдика шуис:
| |
| − | «Тэнад верӧс матын-ылын,
| |
| − | Сайын-бокын, улын-вылын,
| |
| − | Тӧрыт — пода, талун — пыжа...
| |
| − | Воштін сійӧс.
| |
| − | Ачыд мыжа...»
| |
| − |
| |
| − | ВЕЗИТІС
| |
| − |
| |
| − | Войдӧр — полысь, войдӧр — вынтӧм,
| |
| − | Талун — удал.
| |
| − | Мортыс куим ур эз мынты,
| |
| − | Лои — шуда.
| |
| − | Няйтысь гез эз панлы вӧтын,
| |
| − | Нянь эз косьты...
| |
| − | Со и сюри тӧлка гӧтыр.
| |
| − | Дивӧ босьтлӧ!
| |
| − |
| |
| − | ВӦЛЯ ВЫЛӦ
| |
| − |
| |
| − | Кӧні, кӧні ризъялӧны
| |
| − | Доддявлытӧм вӧвъяс?
| |
| − | Майбыр овны вӧля вылын...
| |
| − | Абу пемӧс — тӧвъяс!
| |
| − | А ми пыр на кӧртвомаӧсь,
| |
| − | А ми пыр на — клячаяс,
| |
| − | Пемыд гидын рӧдмӧмаӧсь,
| |
| − | Вӧжжи увса «чачаяс».
| |
| − | ...Регыд, регыд шутёвтасны
| |
| − | Вӧля вылӧ чаньяс!
| |
| − |
| |
| − | СЬЫЛАН
| |
| − |
| |
| − | Кылан, кылан?
| |
| − | Эзысь войын чужӧ сьылан.
| |
| − | Шысӧ йӧлӧгаыс пестіс,
| |
| − | Тӧвру мойдіс кывъяс...
| |
| − | Сьылан, сьылан
| |
| − | Висьталӧ, кыдз олам-вылам,
| |
| − | Енэж пасьта сяльгӧ, юргӧ,
| |
| − | Шевкнитӧма сывъяс...
| |
| − | Кӧні, кӧні
| |
| − | Югыд шонді ветлӧ ӧні?
| |
| − | Сійӧ сьылансӧ эз кывлы,
| |
| − | Вӧтын коляс мойдыс...
| |
| − | Шудӧн, шудӧн
| |
| − | Тыри ӧтнас кӧдзыд тӧлысь.
| |
| − | Сӧмын дзирдыштіс да сылі
| |
| − | Кодзув — синва войтыс.
| |
| − |
| |
| − | ЛАЧА
| |
| − |
| |
| − | Тэ эн вӧрӧд сьӧлӧм шогӧс,
| |
| − | асыв
| |
| − | Дзугӧм гӧрӧд видла-разя
| |
| − | ачым.
| |
| − | Чусмӧм ӧгыр, гашкӧ, ӧзта
| |
| − | выльысь,
| |
| − | Енмыс тӧдӧ: ачым мыжа,
| |
| − | збыльысь...
| |
| − | Тэ эн жалит, кӧка воя
| |
| − | гожӧм.
| |
| − | Медым ордым оран выйын,
| |
| − | вожа.
| |
| − | Синъяс куня. Шуйгавылӧ
| |
| − | муна.
| |
| − | Пыр на эска: сэні дойӧй
| |
| − | вунас.
| |
| − | Сэні менам нэмӧвӧйся
| |
| − | вужъяс,
| |
| − | Сэні вылысь бусыс-няйтыс
| |
| − | вушъяс,
| |
| − | Сэні, чайта, уналы на
| |
| − | кола.
| |
| − | Вын кӧ тырмас, вола коркӧ...
| |
| − | Вола.
| |
| − |
| |
| − | ПИПУ
| |
| − |
| |
| − | Арся вӧрын, код жуймӧдчис, кын...
| |
| − | Дзикӧдз кусӧма бипур.
| |
| − | Сӧмын босьтӧма пӧимлысь вын
| |
| − | Орччӧн сулалысь пипу.
| |
| − | Сыкӧд тулысын аддзылім ми:
| |
| − | Тані радейтчӧм чужис.
| |
| − | Зонлӧн синъясын ӧзъялысь би
| |
| − | Нывлӧн сьӧлӧмӧ вуджис.
| |
| − | Пуыс шӧпкӧдӧ: локтас на мӧд
| |
| − | Олӧм ловзьӧдысь тулыс...
| |
| − | Сійӧ, коньӧрӧй, ӧнӧдз оз тӧд:
| |
| − | Важӧн радейтчӧм куліс.
| |
| − |
| |
| − | ЧУЖАНІН
| |
| − |
| |
| − | Шонді петтӧдз, асъя югдан кадӧ
| |
| − | Мир туй вылӧ гусьӧникӧн пета.
| |
| − | Сира гезйӧн кӧрталӧма, нуӧ...
| |
| − | Челядьдырся, выйӧн мавтӧм муӧй.
| |
| − | Ыджыд вӧлӧк кольӧм бӧрын сувта,
| |
| − | Копыртча да пидзӧс вылын шуа:
| |
| − | «Енмӧй, вӧч, мед олӧмыс тан пуӧ,
| |
| − | Челядьдырся, выйӧн мавтӧм муын».
| |
| − | Воас кад, и сьӧкыд нопйӧс босьта,
| |
| − | Котырӧс на сьӧрысь, гашкӧ, вая...
| |
| − | Тані пӧчлӧн, тані пӧльлӧн гуыс,
| |
| − | Челядьдырся, выйӧн мавтӧм муас.
| |
| − |
| |
| − | ШӦРИПӦВ
| |
| − |
| |
| − | Ме лэбачӧ пӧри.
| |
| − | Ме видзӧда енэжсянь мусӧ,
| |
| − | Код потӧма шӧри:
| |
| − | Тан — вӧрӧг, а мӧдарас — муса.
| |
| − | Со — сиралӧм вӧньыс,
| |
| − | Мый торйӧдліс матысса йӧзӧс...
| |
| − | О, кӧні тэ, лӧнин?
| |
| − | Ме помнита Му шарсӧ лӧзӧн...
| |
| − |
| |
| − | ЧАРД ДА СУС
| |
| − |
| |
| − | Ойӧстіс, сыркмуніс сё вося сус.
| |
| − | Дойысла синъясас пемдіс.
| |
| − | Сьӧкыда ышловзис, пӧрис тшын-бус,
| |
| − | Кага моз бӧрддзис тай, семдіс...
| |
| − | Енэжсянь сус вылӧ кыйкъяліс чард,
| |
| − | Меліа нуӧдіс сёрни:
| |
| − | «Коньӧрӧй, отсыштны эськӧ и рад,
| |
| − | Сӧмын тай, видзӧда, сёр нин.
| |
| − | Каитча! Каитча! Швачӧбті ме
| |
| − | Видзӧдтӧг (тіли сэк синмӧс).
| |
| − | Мыгӧрнад, буракӧ, торъялін тэ,
| |
| − | Сы вӧсна ньӧвйӧн и инмис...»
| |
| − | ...Сӧмын эз чош кынмӧм
| |
| − | сускыслӧн пель
| |
| − | (Кулӧмӧс сёрни эз дойдышт)
| |
| − | ...Жалитіс чардыс кӧть вель ёна, вель... Синватор век жӧ эз войтышт.
| |
| − |
| |
| − | КЫВБУРӦЙ
| |
| − |
| |
| − | Кывбурӧй тэ менам,
| |
| − | Сьӧлӧмшӧрӧй менам.
| |
| − | Ружтӧмпырысь чужин,
| |
| − | Петін, кыдзи кужин,
| |
| − | Сьӧкыдлунъяс вуджин,
| |
| − | Кытшовтін со Му джын.
| |
| − | Мыджсин бордъяс вылӧ,
| |
| − | Лэбин ылӧ-ылӧ
| |
| − | Ассьыд шудлун корсьны,
| |
| − | Ассьыд муслун корсьны.
| |
| − | Сӧмын тэнад шудыд
| |
| − | Вӧлӧм абу ылын.
| |
| − | Абу саридз сайын,
| |
| − | Абу мусюр сайын...
| |
| − | Мыла гудӧк шыысь
| |
| − | Тэнад сьӧлӧм вӧрзис.
| |
| − | Кутін аслад сывйӧ,
| |
| − | Пӧрин... сьыланкывйӧ.
| |
