Пос

Кӧр. (Мојԁ).

Веж-быгјӧн ԋіԉԅӧма пакӧԁ, Пуԉа-моз лыјыштӧ кӧр. Вӧр-пӧвстті, парматі, јагӧԁ, Ԋекытчӧ нартыс ез пӧр.

Југыԁӧԍ војјасыԁ тӧлын; Кӧр-коклы туј-јуж оз ков. Оз бара ԍеԁокыс вӧрын Ылалӧм-керӧмыԍ пов.

Быԁ воԍков-ӧԁ кӧрлӧн соԁІ, Лебӧԁіс быԏԏӧнӧԍ ԋӧв. Нартас-нӧ пукалӧ коԁі? — Ԍеԁок ԋі јамшщік ез вӧв.

Сук парма ԇоԉӧԋԇік ерԁын — Лым-вылын мунӧма шыԉк, Ју-пӧлӧн Об-бужӧԁ берԁын Толаӧн тырӧма мыԉк.

Куш-муӧн тӧԁчыштӧ муын Ежԍалӧм рӧчјылӧ туј, Кӧԏ тајӧ рӧч-јывса гуын Ԋе-сещӧм-тащӧмлӧн шуј.

Кувԍіс тан коԁ пышјіс суԅем *, Еновтіс ас-чужан му... Тан вӧтлӧм-комі морт уԅӧ, Памлӧн со тан вӧлі гу.

Гортвыв-ԋаԋ ԋекоԁ ез ԍетав *. Кулӧм-мыԍт ез кышны горт, Сінва туԍ мортлӧн ез петав, Гуаліс бокӧвеј морт.

Војшӧрыԍ стрелка кор летчӧ, Шыԅӧ сен паԍтала вӧр, — Крешщеԋԋе-гӧгӧрјас сетчӧ Быԁво век волывлӧ кӧр.

Уԅыԍлы тӧԁ-вылӧ ԍетӧ, Ју-ԁорын кӧр лоӧ рам. Рӧч-бокыԍ термаԍіг петӧ, Нарт-вылӧ кавјаԍӧ Пам.

Маԉіча, кӧр-кыса чӧрӧс, Моԁаыс важ-коԃ-на чӧв, Веԍкӧԁіс рытыввыв кӧрӧс, Местаын быԏԏӧ ез вӧв...

Веж-быгјӧн ԋіԉԅӧма пакӧԁ, — Ԋӧв-моз пыр нӧбалӧ кӧр Ԋурјасті, парматі, јагӧԁ; Шыбӧԉӧ ԍеԁок оз пӧр...

Термаԍіс Ӧксы-Пам Візӧ * — Ас-муыԍ гаж кыԇ оз быр; Ԍӧлӧмыс горт-понԁа віԍӧ, Вӧтлӧ кӧр термаԍіг-тыр.

Ԋімкоԃла ԍӧлӧмыс четчӧ, Віԍтавны кылӧн он куж. Термаԍіс Ӧксы-Пам сетчӧ, Кујліс кӧн сылӧн рӧԁвуж.

Муртса-на чужан-му аԁԇіс, Ылыԍаԋ сувтӧԁіс нарт, Раԁлыштіс чеԉаԃ-моз ачыс, — Ԉубӧла аԍсӧ оз чајт.

Ју-пӧлӧн мӧԁӧԁчіс поԁӧн; Сулавліс кар важӧн тан, Важӧнсӧ веԍкӧԁліс коԁӧн, Том-ԁырјі вӧтлытӧԇ Пам.

Ез тыԁав ԋекытӧн олыԍ — Рекмӧма ԇікӧԇ-ԋін рӧч, Піпу-кырԍ јірыштны воліс Пӧраын татчаԋӧ кӧч.

Кыв веԍіг Памлӧн ез шуԍы, Јуковтіс ԍӧлӧм-ԁор-&ԁај: — Важ-торјас памеԏӧ уԍі, Помԋітіс меԁ-бӧрја вој...

Војталіс туԍӧн ԁа туԍӧн Ԍінкамыԍ... Мӧскуа-сар Пемыԁӧн нырыштіс гуԍӧн, Щынјылӧ лептыштіс кар.

Ебӧсјас ез суԇԍы лыԁӧн, Кыщ-пыщкӧ боԍтісны шщем — Уԍіны посјывԍыс быԁӧн Ӧксылӧн ас-коԃҗык ԁем.

Сіјӧн і тӧԁса со Памлы, Воԇча ез ԍет веԍіг шы. Пышјыны коԁі ез ԍаммы, Тупԉаԍіс рӧч-јылын лы.

Зера ар, быԁ-пӧлӧс вӧтјас Сылы со бур-тор ез ворԁ... Кар-пыщкыԍ уԃітіс ӧтнас Ԁа јешщӧ ԋекымын морт.

Ставыс-тај ас-муын бӧра... Топӧԁӧ, җагӧԁӧ шог... Чуксалӧ тӧԁсаӧс скӧра, Пам-ԁорӧ ԋекоԁ оз лок.

Кујлӧны унҗыкыс чӧла... Кынмӧма тӧв-кежлӧ вӧр, Тӧкӧԏӧ јургыштіс јӧла, Кыліс кыԇ лолаліс кӧр.

Шогысла піԋсӧ ԁыр јіріс, Морт воча гӧлӧс ез ԍет. Горзӧмла гӧлӧсыс чіріс, Ловја-кок веԍіг ез пет.

Кујлісны ԁругјас ԁа јортјас, Ӧксыӧс ԋекоԁ ез тӧԁ — Сіԍмісны, рабмісны гортјас Ылысса, матысса рӧԁ.

Асылӧԇ берегын пеԇіс, Ас-пыщкӧ шогла ез тӧр... Мыјтакӧ ԍінватӧ леԇіс, Југԁанԁор мӧԁӧԁчіс бӧр.

Веж-быгјӧн ԋіԉԅӧма пакӧԁ, Пуԉа-моз лыјыштӧ бӧр Ԋурјасті, парматі, јагӧԁ, Ӧԁысла быгԅӧма кӧр.

П. ԀОРОԊІН.