Коми му (газет)
Коми му — быд вежонся коми газет (1918). Медводдза номерыс петіс юнь тӧлысь 10-ӧд лунӧ 1918 воӧ. 1918 вося августсянь редакторнас индöны Виктор Алексеевич Савинöс. Редколлегияö пырис тшöтш Василий Ильич Лыткин. Газет нимыс унаысь вежсьыліс и петаліс «Удж», «Коми сикт», «Коми колхозник», «Вӧрлэдзысь», «Югыд туй» нимъяс улын. 1991 восянь нимыс лоис «Коми му». 1992-1998 воясö «Коми му» газетын уджöн юрнуöдiс Александр Андреевич Игнатов, 1998-2003 воясö главнöй редакторöн вöлi Надежда Николаевна Быковская. 2003-2004 воясö «Коми муын» ыджыдалö бара Александр Васильевич Ульянов. 2004 вося февраль тöлысьын республикаса правительстволöн индöд серти котыртчис «Коми му» газет редакция» Коми Республикаса государственнöй учреждение, кодi öтувтiс «Коми му» да «Йöлöга» газетъяс, «Би кинь» да «Чушканзi» журналъяс. Сiйö кадсяньыс тайö ыджыд котырнас веськöдлö директор Александр Васильевич Ульянов. «Коми му» газетын 2004-2007 воясö шеф-редакторöн уджалiс Дмитрий Борисович Антоновский, 2007 восянь 2012 воӧдз главнöй редакторыс Елена Владимировна Плетцер. 2013 воын "Коми му" газетӧн веськӧдлӧ Надежда Николаевна Быковская. 2015 восянь редакторӧс вежысьӧн уджалӧ Григорий Фёдорович Хатанзейский.
