Пос

Медводдза шыпасъяс Печора ю весьтын коймӧд лун нин бушуйтчис лэчыд тӧв. Веж гыяс ыджыд вынӧн усьласисны лыа кӧсаяс вылӧ, швачкисны изъя& нырдъясӧ. Дугдывтӧг копрасисны кыркӧтш пӧлӧн сулалысь пасьтӧм пуяс, кодъяслӧн важӧн гылалісны коръяс. Ю бокӧ нюжӧдчӧм ичӧтик сикт весьтын ӧшалісны зумыштчӧм кымӧръяс. Важиник керка вевтъяс вылӧ найӧ то койыштласны кӧдзыд зэр войтъяс, то ки тырнас шыблалыштасны лым чиръяс. Гажтӧм татшӧм каднас сиктын: олысьяс быттьӧ ставӧн дзебсьӧмаӧсь, оз кывны ни серамъяс, ни сёрнияс. Весиг понъяс чӧв олӧны, саймовтчӧмаӧсь коді кытчӧ, тыдалӧ, шоныд пасьныс и найӧс оз видз лэчыд тӧвсьыс. И Яшалы абу гажа, майшасьӧ. Талун рытъя школаын сылы ковмас первойысь сетны урок. Гашкӧ, некод оз и кут велӧдчыны? А друг да бӧр ковмас эновтчыны? Со кутшӧм дышпырысь кывзісны олӧма нывбабаяс, уска-тошка дядьӧяс,