Игнатов Михаил Дмитриевич

Михаил Дмитриевич Игнатов (Илля-Игнат-Дане-Тима-Йиге-Вась-Наум-Артей-Закар-Попан-Подь-Трӧш-Ӧнисем-Миколай-Митрей-Миш-Чуд-Игнаторд) чужис 1931 вося октябр 6 лунӧ Кулӧмдін районса Сордйыв грездын. 1952-57 воясӧ Михаил Дмитриевич велӧдчис Донецкса политехническӧй институтын, горнӧй факультетын. 1962-66 воясын босьтіс тӧдӧмлун ВГИК-ын. Режиссёрскӧй факультет помаліс гӧрд дипломӧн. Сэсся 1986 воӧдз вӧлі "Леннаучфильм" киностудияын документальнӧй да научно-популярнӧй фильмъяс пуктысь режиссёрӧн. Пенсия вылас петӧм бӧрын босьтчис туявны ас му. Йӧзӧдліс уна научнӧй да краеведение гижӧд. Лӧсьӧдӧ коми топонимика серти ыджыд удж. Михаил Дмитриевич вӧзйис котыртны да вӧлі медводдза веськӧдлысьӧн Санкт-Петербургса "Неватас", а бӧрынджык Сыктывкарын "Ордпу" котыръясын. Нуӧдӧ ыджыд общественнӧй удж. Михаил Дмитриевич — Россияса кинематографистъяслӧн котырӧ, Россияса географическӧй котырӧ да Россияса журналистъяслӧн котырӧ пырысь. Ӧні олӧ Сыктывкарын.

Гижӧдъяс

• Миш Тиналӧн пасйӧдъяс : казьтылӧм
  • Войвыв кодзув. 2017. №3. Лб. 43-48.
• Эжва йывса Игнат орд : статья
  • Войвыв кодзув. 2015. №6. Лб. 70-77.