Майтӧг больк

Терминъяс

веркӧс — поверхность
йӧрыш — объём
зэвтӧм энергия — энергия натяжения
эрд — площадь
тшӧтшкӧс — плоскость
кытшвизь — окружность
куим муртӧса телӧ — трёхмерное тело 

Майтӧг больк форма йылысь

Майтӧг болькъяс вылӧ видзӧдігӧн ставным казялам налысь гӧгрӧс формасӧ. Мыйла татшӧм формаыс артмӧ?

Больк гартӧ сынӧдлысь кутшӧмкӧ юкӧн; веркӧс вӧрӧдчигӧн болькын сынӧд йӧрышыс оз вежсьы. Физика законъяс серти, веркӧс эрдыс кӧ медічӧт, сылӧн зэвтӧм энергияс тшӧтш лоӧ медічӧтӧн.

Сідзкӧ, сетӧм йӧрыша телӧяс пӧвстысь колӧ бӧрйыны сэтшӧмӧс, медым сылӧн веркӧсыс вӧлі медічӧт эрда.

Казьтыштам: тшӧтшкӧсын медся дженьыд визь, коді гартӧ сетӧм эрда мыгӧрсӧ, лоӧ кытшвизь. Мӧд ногӧн кӧ шуны, мыгӧрыс гӧгрӧс формаа.

Вӧлӧмкӧ, куим муртӧса телӧяс йылысь задачалы вочакыв сэтшӧм жӧ: медічӧт эрда веркӧсыс лоӧ сфера. Тайӧс петкӧдлӧма немеч математик Герман Шварц 1884-ӧд воын.

Со мый вӧсна ӧтка больк гӧгрӧс.

Содтӧд юӧр

Велӧдӧм паськӧдан блогын.