Куим керка да куим юкмӧс йылысь юржуглантор
Версия от 00:15, 10 йирым 2022; Наста (сёрнитанін | чӧжӧс) (Новая страница: «==Юржуглантор== Эм куим керка да куим юкмӧс. Быд керкасянь куимнан юкмӧсӧдз колӧ вӧчны ӧта…»)
Юржуглантор
Эм куим керка да куим юкмӧс. Быд керкасянь куимнан юкмӧсӧдз колӧ вӧчны ӧта-мӧдыскӧд вомӧнасьтӧм туйяс. Ӧнія гижӧдъясын юкмӧсъяс пыдди тшӧкыдджыка видлалӧны газ, ва да электричество станцияяс; му веркӧс кузя колӧ быд керкалань нуӧдны ӧта-мӧдыскӧд вомӧнасьтӧм коммуникацияяс.
Гижам тайӧ задачасӧ математика терминъясӧн. Тшӧтшкӧс вылын эм квайт чут: A₁, A₂, A₃ да B₁, B₂, B₃. Колӧ йитны быд A нима чутсӧ став B нима чуткӧд сідзи, медым чукля визьясыс эз вомӧнасьны.
1930-ӧд воын Казимир Куратовскӧй петкӧдлӧма: татшӧм визьяссӧ гижтыны оз позь. (Неуна водзынджык тайӧ жӧ результатӧдзыс волӧма Лев Семёнович Понтрягин, сӧветса математик, но абу йӧзӧдӧма теоремасӧ.)
