Чавайн Сергей Григорьевич

Сергей Григорьевич Чава́йн — мари поэт да драматург, мари литература подув пуктысьяс пиысь. Гижӧма кывбуръяс, висьтъяс, повесьтъяс, ворсанторъяс, роч классика комиӧдӧма (А. С. Пушкинӧс, Н. А. Некрасовӧс, Н. В. Гогольӧс, М. Горькийӧс да мукӧдъясӧс). Октябр революция бӧрын гижис «Автономия» да «Шонді петӧ, сьӧд кымӧръяс разалӧны» пьесаяс мари войтырлӧн 1-ой сӧветскӧй передвижнӧй театрлы.

Олан туй

Чужис 1888-ӧд воын Малый Карамас (мари кывйӧн - Изи Корамас) деревняын гӧль крестяна семьяын. Сылӧн айыс, Григорий Михайлов, вӧлі крестьянинӧн, сир вӧчысьӧн. Мамыс, Татьяна Анисимовна, вӧлі енбиа мойдысьӧн, тӧдіс уна йӧзкостса мойд да сьыланкыв.

1908-ӧд воын Сергей Чавайн помаліс Казаньса велӧдысь семинария. Сійӧ жӧ воын сылӧн петіс «Мари войтырлӧн важсяторысь» висьт да кывбур чукӧр.

1915-ӧд воын муніс Аральскӧ, медым полиция дӧзьӧрысь дзебсьыны, сэні вӧлі школа велӧдысьӧн.

1919-ӧд воын воис Мари республикаӧ. Босьтчис уджавны «Йошкар кече» («Гӧрд шонді») газетын, сэсся лоис сылӧн редакторӧн.

1923-ӧд восянь уджаліс школаын.

1927-ӧд воын выльысь босьтчӧ уджавны журналистӧн. 1934-ӧд воын лоис СССР-са Гижысь котыр шленӧн. Вӧлі литература директорӧн Мари государственнӧй театрын.

1937-ӧд воын Сергей Чавайнӧс арестуйтӧмаӧсь да лыйлӧмаӧсь.

1956-ӧд воын реабилитируйтӧма.