Волкопялов Борис Петрович

Материал из Коми тӧданін
Версия от 16:35, 18 сора 2021; Ӧньӧ Лав (сёрнитанін | чӧжӧс) (Новая страница: «right|250px|thumb| '''Волкопялов Борис Петрович''' (1895–1987) — видз-му овмӧс туя…»)
(разн.) ← Предыдущая | Текущая версия (разн.) | Следующая → (разн.)
Волкопялов.jpg

Волкопялов Борис Петрович (1895–1987) — видз-му овмӧс туялысь доктор, профессор. Помалі Мӧскуаса зоотехника институт (1926) да аспирантура (1929). Сэні жӧ уджаліс ассистентӧн да доцентӧн (1926–29), сэсся веськӧдліс кафедраӧн Ленинградса зоотехника институтын (Гатчина, 1931–41). Ыджыд тыш дырйи веськӧдліс кафедраӧн Омскса СХИ-ын, эвакуацияысь Ленинградӧ бӧр локтӧм бӧрын, веськӧдлӧма кафедраӧн ветврачьяслысь тӧдӧмлун кыпӧдан институтын (1944–47), а 1947–1964 воясӧ вӧлі веськӧдлысьӧн ЛСХИ-са гырысь скӧт видзӧм серти кафедраӧн. Бур лектор, порсь вӧдитӧм да пӧрӧда бурмӧдӧм серти гырысь специалист. Дасьтӧма 10 кандидатӧм.

Б. П. Волкопялов йӧзӧдӧма 60-ысь унджык туялын удж, та лыдын «Племенное дело в свиноводстве» (Л.: 1967). Видз-му овмӧс техникумъяслы лӧсьӧдӧм «Свиноводство» велӧдан небӧгсӧ вӧлі лэдзӧма 3-ысь (1940–1958), а видз-му овмӧс вузъяслы «Свиноводство» велӧдан небӧгыс 4-ысь петӧма (1956–1968). Тайӧ небӧгъясыс ӧнія кадӧ на абу воштӧмны ассьыныс донсӧ.

Комиӧн Б. П. Волкопяловлӧн петӧма ӧти небӧг: