Понселелӧн теорема

Терминъяс

кытш — круг
кытшвизь — окружность
унасэрӧг — многоугольник
тӧрӧдчӧм — вписанный
гӧгӧртана — описанный
инман веськыд визь — касательная прямая

Содтӧд юӧр

Эм кык кытш, ӧтиыс куйлӧ мӧд пытшкас. Ортсы кытшас тӧрӧдчӧма n‐сэрӧг (пасъям сійӧс A₁A₂...Aₙ); тайӧ унасэрӧгас тӧрӧдчӧма пытшкӧс кытшыс.

Босьтам ортсы кытшвизь вылысь кутшӧмкӧ чут (пасъям сійӧс B₁) да гижтам сы пыр пытшкӧс кытшвизьлы инман веськыд визь; сійӧ вомӧнасяс ортсы кытшвизькӧд B₂ чутын. Сэсся B₂ чут пыр гижтам пытшкӧс кытшвизьлы инман веськыд визь. Сійӧ вомӧнасяс ортсы кытшвизькӧд B₃ чутын, да с. в. Вӧлӧмкӧ, Bₙ чут пыр нуӧдӧм инман веськыд визь вомӧнасяс ортсы кытшвизькӧд B₁ чутын. Артмас B₁B₂...Bₙ унасэрӧг; ортсы кытшвизь гӧгӧртӧ сійӧс, пытшкӧссаыс сыӧ тӧрӧдчӧма.

Тайӧ теоремасӧ подулалӧма Жан-Виктор Понселе 1814-ӧд воын Саратовын олігӧн (1812-ӧд вося Францияа-Россияа тыш дырйи сійӧ веськалӧма пленӧ да вӧлі мӧдӧдӧма Саратовӧ ссылкаӧ).

Велӧдӧм паськӧдан блогын.