Кузнецова Татьяна Леонидовна

Материал из Коми тӧданін
Кузнецова Татьяна Леонидовна.jpg

Кузнецова Татьяна Леонидовна (1959) - коми литература туялысь, филологияса кандидат, критик. Чужис 1959 воын ода-кора тӧлысь 10 лунын Изьва районса Мошьюг грездын. 1976 воын помаліс Изьваса шӧр школа и пырис Коми педагогическӧй канму институтлӧн филологическӧй факультетӧ. Институт помалӧм бӧрын 1980 воӧ сійӧс босьтісны ИЯЛИлӧн литература да фольклор секторӧ. 1984 Т.Н.Кузнецова заочнӧ пырис СССРса наука академиялӧн Коми филиалса аспирантураӧ, кӧні туяліс коми сатира жанрлысь аслыспӧлӧслун. Кандидатскӧй диссертациясӧ гижыс тайӧ жӧ тема серти да дорйыс сійӧс 1990 воын. Ӧнія кадӧ Т.Л.Кузнецова - Коми наука шӧринын кыв, литература да история институтлӧн литература секторын медыджыд наука сотрудник.

Гижӧдъяс

  • Олӧмсӧ пыдісянь туялысь : лит. крит. статья (Г. Юшковлӧн проза йылысь пасйӧдъяс)
    • Войвыв кодзув. 2017. №3. Лб. 48-54.
  • Олӧмсӧ радейтысь, чужан му вӧсна тӧждысьысь... (В. В. Тиминлӧн гижан удж йылысь пасйӧдъяс) : лит. крит. гижӧд (Анастасия Малевакӧд)
    • Войвыв кодзув. 2021. №7. Лб. 33-46.
  • Пыдісянь донъяліс быд гижӧд : казьтылан гижӧд (Г.В. Беляевлы 75 во тыригкежлӧ)
    • Войвыв кодзув. 2015. №1. Лб. 69-71.
  • Туявны талунъя олӧмсӧ... (А. В. Поповлӧн гижӧдъяс йылысь пасйӧдъяс) : лит. крит. гижӧд
    • Войвыв кодзув. 2020. №7. Лб. 55-62.
  • Чужан мусӧ радейтіг да комияс йылысь мӧвпаліг... : лит. крит. гижӧд (А. И. Вурдовлӧн гижӧдъяс йылысь)
    • Войвыв кодзув. 2021. №2.Лб. 53-57.

Содтӧд юӧр