Лыткин Леонид Александрович

Леонид Александрович Лыткин чужис 1930 вося июль 31 лунӧ Сыктывкарын. Сыктывкарса 12 номера школаын кӧкъямыс класс помалӧм бӧрын пырис велӧдчыны республикаса Драма театр бердын театральнӧй студияӧ. Велӧдчис рытъя школаын, Ленинградса видз-му институтын.

1949 восянь "Вӧрлэдзысь" газетын литературнӧй сотрудник. Служитіс Сӧветскӧй армияын. 1954 воын бӧр воис "Вӧрлэдзысьӧ". 1958-1959 воясӧ — "Молодёжь Севера" газетын редакторӧс вежысь. Мыйтакӧ уджыштіс "Красное знамя" газетын. Та бӧрын кызь нёль во уджаліс Коми АССР-са телевидение да радиовещание государственнӧй комитетын редакторӧн, а сэсся и главнӧй редакторӧн.

Гижӧдъяс

• Вояс, менам вояс : ёрта сёрни (Михаил Ладановкӧд)
  • Войвыв кодзув. 2015. №7. Лб. 38-40.
• Чулькъяс : повесьтысь юкӧн
  • Войвыв кодзув. 2015. №7. Лб. 41-69.

Содтӧд юӧр

• "Леонид Александрович Лыткинӧс..." : биогр. пасйӧд. // Войвыв кодзув. 2015. №7. Лб. 38.