Улитин Николай Андреевич

Улитин Николай Андреевич (1900-?) — комиӧдчысь, редактор.

Чужӧма Тентюково грездын. Велӧдчӧма велӧдысьяслӧн семинарияын (1916-1920) да куимвося укрсъяс вылын Усть-Сысольскын. Ӧти во велӧдчӧма Лениградса педагогическӧй институтын.

1924 восянь − «Югыд туй» редакцияса секретар.

1929-1930 − Мӧскуаын Центроиздатса секциялӧн медшӧр редактор.

1930-1935 − веськӧдлӧ Коми государственнӧй издательствоӧн.

1936-1938 − велӧдчӧ вуджӧдчысьяслӧн курсъяс вылын Национальностьяс институтын Мӧскуаын.

Сыктывкарын индӧма «Ударник» журналса редакторӧн, коді вӧлӧма Гижысь котырса сӧмын на артмӧдӧм Коми юкӧнлӧн органӧн.

1941 воын мобилизуйтӧма армияӧ, воюйтӧма Карельскӧй фронт вылын, Польшаын да Германияын. Демобилизация бӧрын индӧма Коми небӧг лэдзанінса директорӧн (1958 воӧдз).

Комиӧдӧма В. И. Ленинлысь, И. В. Сталинлысь гижӧдъяс, КПСС-лысь материалъяс, политучебникъяс, В. Катаевлысь, И. Козловлысь, П. Павленколысь, Д. Медведевлысь да мук. художествоа гижӧдъяс.

Небӧгъяс

Комиӧдӧм небӧг

1. О. Иванченко. Тараслӧн доля : С. М. Кировлӧн челядьдыр да том кад йылысь повесть. Сыктывкар: Коми Государственнӧй Издательство, 1941. 192 лб.
2. Катаев В. П. Полклӧн пи : повесть. Сыктывкар : Комигиз. 149 лб.
3. Иван Козлов. Крымса подпольеын : казьтылӧмъяс. Сыктывкар : Коми Государственнӧй издательство, 1948. 322 лб.
4. Н. Носов. Витя Малеев школаын да гортас : повесть. Сыктывкар: Коми книжнӧй издательство, 1953. 166 лб.
5. С. Воронин. Ковтӧм слава : повесть. Сыктывкар: Коми книжнӧй издательство, 1958. 64 лб.

Велӧдан небӧгъяс

1. Баранскӧй Н.Н., Попова Н.С. СССР-лӧн физическӧй география. Вып. 1 : неполнӧй средньӧй да средньӧй школалы учебник (3’ коми изд.). Сыктывкар, 1941. 110 лб.
2. Никитин Н. Н., Поляк Г. Б., Володина Л. Б. Арифметическӧй задачаяс да упражнениеяс сборник : Нач. школаса первой класслы. 5-ӧд изд., Коми кыв вылын 2-ӧд изд. Сыктывкар : Коми кн. изд-во, 1949. 137 лб.
3. Строев К. Ф. СССР-лӧн физическӧй география : средньӧй школаса 7-ӧд класслы учебник. (3-ӧд роч изд. серти) Сыктывкар : Коми кн. изд-во, 1959. 234 лб.
4. Пономарев С. А. Арифметика кузя задачаяс да упражнениеяс : 5-6 классъяслы. 3-ӧд изд. Сыктывкар : Коми кн. изд-во, 1961. 242 лб.

Политика небӧгъяс

1. Карпинскӧй В. А. СССР-лӧн общественнӧй да государственнӧй устройство. Сыктывкар : Коми кн. изд-во, 1947. 115 лб.
2. Карева М. П. СССР-лӧн Конституция : Средн. школалы пособие. Сыктывкар : Комигиз, 1948. 237 лб.

Содтӧд юӧр

• Рощевская Л.П. [Улитин Н.А.] // Книга военного времени (1941-1945) / Л.П. Рощевская ; М-во культуры и нац. политики Респ. Коми, Сыктывкар. гос. ун-т. − Сыктывкар, 2005. − с. 16-17.