Меным югыдыс тырмис... (А. Шебыревлӧн 2024ʼ вося небӧг)

Шебырев А. В. Меным югыдыс тырмис... : кывбуръяс, сьыланкывъяс. Сыктывкар: «Коми йӧзӧдчан керка» КР АУ, 2024. 398 лб.

Небӧг йылысь

ББК 84(2=664.2)-5
Ш36
ISВN 978-5-906175-28-1

Книгаӧ чукӧртӧма поэтлысь 1980-2020 воясӧ гижӧм пӧшти став кывбурсӧ.
Шебырев Ӧлексан важ тунъяс моз шыӧдчӧ вӧр-ва дорӧ, би да ва дорӧ, накӧд воссьӧ ловнас.  Быдлунъясьыс сійӧ аддзӧ шемӧс. Абу шензьӧм, абу чуймалӧм. Шемӧсыс сылӧн нэмӧвӧйся вӧтъяс дорӧ сибавлӧм, вӧта-вемӧса костас олӧм, сэтшӧм лов вӧрзьывлӧм, кор ӧти здукӧн гӧгӧрвоан ывлавылыслысь ыдждасӧ да джудждасӧ, кор ывла пӧрӧ Ывлаӧ, а матігӧгӧрсаыс воссьӧ пыдӧстӧм Енколаӧн. Сэн пуӧ олӧм, сэн вензьӧны югыда-пемыда, сэн ловъяс бертчӧны полтӧсъяскӧд, сэн морт кольӧ мортӧн либӧ усьӧ пемӧсӧдз... Лыддьысьыськӧд поэт сёрнитӧ веськыда, висьталӧ сы йылысь, мый ачыс тӧдӧ. Та понда Шебыревлы эскан.
Коми морт дорӧ нӧшта ӧти туйӧн Ӧлексан Шебырев бӧрйӧма сьыланкыв. Кор кывбур вуджӧ сьыланкывйӧ, сылӧн содӧ выныс, музыка, ритм, гӧлӧс содтӧны-тӧдчӧдӧны вежӧртасъяссӧ да образъяссӧ. Чайтам, и та понда Шебыревлӧн книгаыс лоас лов серти оз сӧмын лыддьысьысьяслы, но и коми сьыланкыв радейтысьяслы. (Аннотация).

Лӧсьӧдісны Е. И. Валужене, О. И. Уляшев.
Серпасаліс Лыткина Е. Д.

©