Попов Андрей Алексеевич

Материал из Коми тӧданін

Попов Андрей Алексеевич, сійӧ жӧ Ӧльӧк Ӧндрей (1909–1939) — коми лит. критик. Чужлӧма 1909 вося йирым 30 лунӧ Вологодскӧй губернияса Сыктывдін карувса Нэмдін сиктын. Кулӧмдінса школа помалӧм бӧрын уджаліс велӧдысьӧн. 1921 воын лоис йӧзӧс велӧдан уездса юкӧдын политико-просветительскӧй удж котыртысьӧн. 1923 восянь уджаліс комсомолын, сэсся партиялӧн уездса комитетын. 1933-1936-ӧд воясӧ велӧдчис Гӧрд профессура Институтын. Ӧльӧк Ӧндрей пуктіс ыджыд пай коми литература туялӧмӧ, торйӧн нин Иван Куратовалысь творчествосӧ видлалӧмӧ. А.А. Поповӧдз Иван Куратовӧс вӧлі шуӧны Литературнӧй энциклопедияын (1931 во, 5 том) «коми националист и народникӧн», а сылысь поэзиясӧ — «сентиментальнӧй лирикаӧн». А. Поповлӧн «Важ коми поэзияысь» статьяыс лои подулӧн коми литератураын сылӧн водзӧ туясьӧмъяслы. Нималана туялысь Алексей Сидоровкӧд ӧттшӧтш сійӧ восьтіс коми йӧзлы Ивана Куратовлысь творчествосӧ. Йӧзӧдіс коми литературалы подув пуктысьлысь аддзӧм кывбуръяссӧ «Ударник» журналын. Коми гижысь да туялысь Илля Вась пасйис, мый Андрей Попов вӧлі медводдза туялысьӧн, коді сетіс ыджыд коми поэтлӧн кывбуръяслы джуджыд анализ.

Андрей Попов водзмӧстчис и литературнӧй критикаын («Шуйгавыв» вульгаризаторстволы паныд», «Выль во вылӧ могъяс», «Паськыд эрд вылын» Геннадий Фёдоровлӧн творчество йылысь). Гижасис коми гижысьяскӧд (М.П. Доронинкӧд, Тима Венькӧд да мукӧдкӧд).

Куліс 1939 вося моз тӧлысь помын.

Йӧзӧдӧм

Гижӧдъяс

Висьт

  • Сила : висьт
    • Ордым. 1929. №6-7. Лб. 15-19.
    • Ытва дырйи. Сыктывкар, 1987. Лб. 74-79.

Публицистика

  • А. П. Чехов йылысь : очерк
    • Ударник. 1935. №2. Лб. 40-48.
  • 1925-26 воын видз-му уджалӧм да скӧт видзӧм паськалӧм : гижӧд
    • Ордым. 1927. №3. Лб. 30-34.
  • Видз-му удж бурмӧдан туйяс : гижӧд *
    • Ордым. 1927. №11. Лб. 11-16.
  • Видзӧдлам бӧрвылӧ : истор. очерк
    • Ударник. 1938. №5. Лб. 44-51.
  • Выль во вылӧ могъяс : крит. очерк
    • Ударник. 1935. №12. Лб. 33-38.
  • Выльӧн аддзӧм кывбуръяс И. А. Куратовлӧн : крит. очерк *
    • Ударник. 1936. №4. Лб. 49-53.
  • Комисельбанкын : гижӧд *
    • Ордым. 1926. №1. 40-41.
  • Кыдзи бурмӧдны видз-му уджалан тӧвариществояслыcь уджсӧ : гижӧд
    • Ордым. 1926. №1. Лб. 36-39.
  • Кыдзи воим Октябрса революцияӧдз : очерк *
    • Ордым. 1927. №10. Лб. 8-14.
  • Кыдзи восьтавны видз-му уджалан кооперативъяс : гижӧд
    • Ордым. 1926. №3. Лб. 35-41.
  • Л. Н. Толстой : крит. очерк
    • Ударник. 1935. №9. Лб. 30-43.
  • Миян лыддьысян керкаяслӧн удж : очерк *
    • Ордым. 1927. Лб. 31-37.
  • Мый керны удждысян тӧвариществоясын? : гижӧд *
    • Ордым. 1926. №2. Лб. 31-32.
  • Некымын кыв Куратов И. А. йылысь : крит. очерк *
    • Ударник. 1935. №3. Лб. 39.
  • Нелючкияс удждысян тӧвариществояс уджын : гижӧд *
    • Ордым. 1926. №1. Лб. 39-40.
  • Паськыд эрд вылын : Педь Гень гижӧм йылысь
    • Ударник. 1936. №1. Лб. 27-52.
  • «Шуйгавыв» вульгаризаторстволы паныд : крит. очерк
    • Ударник. 1932. №11-12. Лб. 19-24.

Содтӧд юӧр

  • Попов Владимир. "Вокӧ!" : А.А. Поповлӧн паметьлы кывбур // Владимир Попов. Вояс ылын и матын. Сыктывкар, 1993. Лб. 33-34.
  • Геннадий Беляев. Куратовлы туй писькӧдысь : А.А. Поповлӧн чужӧмсянь 100 во тыригкежлӧ статья // Войвыв кодзув. 2003. №10. Лб. 38-48.