Спеллералӧм

Спеллеравны - орфография видлалан программа (спеллер, спелл-чекер) отсӧгӧн корсьны текстысь тырмытӧмторъяс, корректируйтны гижӧд.

Тексталӧм бӧрын миян водзын лоӧ .oxt форматын текст, кодӧс ми сэсся кутам видлавны LibreOffice Writer программаын.

1. Восьтам текст, вевдорса менюысь личкам кнопка "Коми".
2. Лэччам текст кузя. Казялам гӧрд гыясӧн визьйӧдлӧм кывъяс.
3. Визьнитӧмыслы вермас лоны некымын сикас помка:

• кывсӧ тексталігӧн лои казявтӧм ӧшыбка
  • татшӧминъяс колӧ сӧмын веськӧдны.
• вӧлі ӧпечатка текстын, и сійӧ коли тексталігӧн
  • татшӧминъяс колӧ веськӧдны, вежӧминсӧ пасйыны кольквиж фонӧн, а вежӧм йылысь вӧчны пасйӧд сайтӧ, тайӧ небӧгыслы сиӧм лист бокӧ сэтшӧм схема серти: мый вӧлі печатайтӧма -> мыйӧн ми вежим (Лб. №№.)

• кывйыс (лексема) абу на миян кывкудйын
  • татшӧм кывсӧ рӧммӧдам пурпурӧн

• кывйыс нагладь роч либӧ быдса роч фраза пытшкын
  • татшӧм кывсӧ / фраза пасъям гӧрд-5 рӧмӧн

• кывйыс - тӧдӧмӧн жугӧдӧм форма,
  • татшӧм кывсӧ пасъям роза рӧмӧн:

• кывсӧ гижӧма абу орфография ногӧн, а диалектнӧя (орфографияса вариант)
  • татшӧмторъяс пасъям кельыдлӧз фонӧн

• кывйын аслыспӧлӧс суффикс, коді абу на базаын
  • татшӧм кывъяссӧ пасъям турунвиж фонӧн

• Кывсӧ аслысногӧн гижӧма торйӧн-дефисӧн-ӧтлаын
  • татшӧм кывсӧ пасъям вижавеж фонӧн