Комиӧдчӧм

Сирень

Рочӧн	Комиӧн
Как правильно использовать сирень в дизайне сада?	Кыдзи бурджыка ладмӧдны сиреньтӧ сад дизайнӧ?
На вопросы отвечает Ирина Окунева:	Юалӧм вылӧ вочавидзӧ Ирина Окунева:
Поскольку сирень после отцветания теряет основную свою привлекательность, ее желательно высаживать вместе с другими кустарниками.	Сиреньыд дзоридзалӧмысь дугдас да, мичлунсӧ воштӧ, сійӧн бурджык садитны сійӧс мукӧд сикас кустъяс сорӧн.
Она прекрасно сочетается со многими культурами.	Сійӧ зэв бура лӧсялӧ уна культуракӧд.
Причем рядом с сиренью можно и нужно сажать как растения, декоративные в другие сроки, так и цветущие одновременно с ней.	Этша на, сиренькӧд орччӧн позьӧ и колӧ садитны кыдзи мукӧд кадӧ мичсӧ петкӧдлысь быдмӧгъястӧ, сідзи и ӧттшӧтш сыкӧд дзоридзалысьясӧс.
Еще один плюс сирени в том, что она предоставляет массу возможностей для творчества.	Нӧшта ӧти буртор эм сиреньын, сійӧс позьӧ лӧсьӧдны уна ногӧн ас гаж сертиыд.
Вы можете сформировать ее штамбовым деревцем различной высоты, улучшенным кустом, кустом с широким основанием и даже подобием садового бонсай - деревцем с причудливо изогнутым стволиком.	Ті верманныд быдтыны сійӧс абу ӧтыджда штамба пуӧн, бурмӧдӧм кустӧн, паськыд подула кустӧн да весиг садса бонсай сямаӧн - аслысннога чукыля пучӧра ичӧтик пуӧн.
Просто выберите ту форму, которая больше соответствует дизайну вашего сада.	Бӧрйӧй сӧмын сійӧ пертас, коді лӧсялӧджык садныд дизайнӧ.

Каръялаын ылӧга сьӧм

Рочӧн	Комиӧн
В Карелии за сбыт фальшивых денег осужден житель Ленинградской области	Каръялаын ылӧга сьӧм вузалӧмысь ёрдӧма Ленинкар обласьтса олысьӧс.
Как сообщают в республиканском МВД, мужчина занимался своим преступным промыслом в Олонецком и Сегежском районах.	Кыдзи юӧртӧны республикаса ПУМ-ын, мортыд лёк ногӧн торкӧма оланпастӧ Олонеч да Сегежа районын.
Помимо Карелии, он совершал аналогичные преступления и в других регионах страны.	Каръялаын кындзи, сійӧ татшӧма жӧ тальлӧма оланпассӧ и канму мукӧд регионын.
В частности, обвиняемый уже успел наследить в Вологодской области, где весной этого года он был осужден к двум с половиной годам лишения свободы.	Торйӧн кӧ, мыждан морт вермис нин кольны кок туйсӧ Вӧлӧгда обласьтын, кӧні таво тулыс сійӧс ёрдлӧмаӧсь нин кыкӧн-джынйӧн во кежлӧ.
Позже мужчина предстал перед Олонецким районным судом.	Сёрӧнджык мортыд сувтіс Олонеч районса ёрд водзӧ.
А для окончания следствия по преступлениям, совершенным в нашей республике, был этапирован в Сегежу.	А медым помӧдз туявны миян республикаын вӧчӧм лёксӧ, сійӧс этапӧн мӧдӧдӧмаӧсь Сегежаӧ.
В процессе расследования доказана вина по нескольким эпизодам сбыта поддельных денег, относящимся к лету 2013 года.	Туясигдырйи вӧлі подулалӧма сылысь мыжсӧ 2013ʼ вося гожӧмӧн ылӧга сьӧм ӧткымынысь вузалӧмын.
В конце июня нынешнего года материалы уголовного дела с обвинительным заключением были направлены в суд.	Тавося юнь помын лёк мыж эрдӧдан кабалаяс мыждан помшуӧмнас тшӧтш вӧлі мӧдӧдӧма ёрдӧ.
В пятницу, 29 августа суд вынес решение заменить срок лишения свободы на четыре года с отбыванием в колонии общего режима.	Пекничаӧ, август 29ʼ лунӧ ёрдыс шуис содтыны дзескыдінса кадколастсӧ нёль воӧдз да мед вештас мыжсӧ ӧтувъя режима колонияын.
Приговор не вступил в законную силу.	Помшуӧмсӧ оланпас серти абу на пӧртӧма олӧмӧ.
Напомним, на минувшей неделе осуждены еще два сбытчика фальшивых денег, которые расплачивались ими в магазинах Петрозаводска.	Казьтыштам, колян вежон вӧлі мыждӧма ылӧга сьӧмнас нӧшта кык ыжмалысьӧс, кодъяс мынтысьӧмаӧсь татшӧмторнас Петроскойса лавкаясын.
Граждане Азербайджана приезжали в Карелию также из Санкт-Петербурга.	Азербайджан канувсаяс волӧмаӧсь Каръялаӧ Питерысь жӧ.
Один из них лишен свободы на пять лет, другой - на четыре.	Ӧтиыс кутас пукавны вит во, мӧдыс - нёль.
Каждому назначен штраф по 500 тысяч рублей.	Быдӧнлы пуктӧма и 500 сюрс шайта штрап.
Приговор также в законную силу еще не вступил.	Помшуӧмсӧ тшӧтш абу на оланпас серти пӧртӧма олӧмӧ.

Кардорса митинг

Рочӧн	Комиӧн
В Архангельске отметили 73-ю годовщину прихода первого конвоя "Дервиш"	Кардорын пасйӧма "Дервиш" нима медводдза конвой волӧмсянь 73 во.
Митинг, который состоялся в областном центре, был посвящен первому арктическому конвою.	Обласьт юркарын нуӧдӧм митингсӧ вӧлі сиӧма арктикаса медводдза конвойлы.
"Дервиш" доставил в СССР военную помощь от США и Великобритании.	"Дервиш" вайӧма ССРС-ӧ тыш дырйи коланторъяс АӦШ-ысь да Ыджыд Бритмуысь.
В Архангельске митинг памяти прошел у закладного камня будущему памятнику участникам северных конвоев, который расположен на набережной имени Седова в Соломбале.	Кардорын казьтысян митинг котыртӧмаӧсь войвывса конвойсаяслы лоана мыгӧрпас дорӧ, кодлы подув изсӧ вӧлі пуктӧма Соломбалааын, Седов нима вадортуй бердын.
На мероприятие собрались представители ветеранских организаций Архангельска, дети из кадетского класса.	Чукӧртчӧмаӧсь Кардорса ветеран котыръясысь йӧз, кадет класса челядь.
Впервые мы собрались двадцать три года назад, когда был заложен закладной камень.	Медводдзаысь ми чукӧртчылім кызь куим во сайын, кор вӧлі пуктӧма подув из.
Но в тоже время сегодняшнее событие не праздник, а день памяти о тех, кого не вернуло море", - отметил председатель совета ветеранов Северного морского пароходства Борис Карпов.	Но век жӧ талунъя лоӧмторйыс абу гаж, а саридзын вошӧм войтырӧс кодралан лун", - пасйис Войвыв саридз паракодаинысь ветеран чукӧрса юралысь Борис Карпов.
Затем на мероприятии выступил городской духовой оркестр, а воспитанники кадетских классов подарили ветеранам цветы и промаршировали с флагами России и знаменем Победы.	Сэсся чукӧртчылӧм йӧз водзын ворсіс карса пӧлялан оркестр, а кадет классъясса велӧдчысьяс козьналісны ветеранъяслы дзоридзьяс да маршируйтісны Рочму флагъяс да Победа дӧрапас кианыс.
Митинг закончился возложением цветов к закладному камню.	Митинг помын вӧлі пуктӧма дзоридзьяс подув из дорӧ.
Сам конвой состоял из пяти английских судов и одного голландского транспорта, загруженных стратегически важным сырьем (10 000 тонн каучука, 1 500 тонны форменных ботинок, оловом, шерстью и множество другого инвентаря и оборудования).	Сійӧ конвояс вӧлӧма вит англияса пыж да ӧти голландса транспорт, кытчӧ вӧлі сӧвтӧма стратегия боксянь ёна коланаторъяссӧ (10 000 тонна каучук, 1 500 тонна форма ботіяс, озысь, вурун да уна мукӧд инвентар да уджалан кӧлуй).
Кроме того на борту судов находилась и военная техника и вооружение - 3 800 глубинных бомб и магнитных мин, пятнадцать истребителей "Харрикейн", в разобранном состоянии.	Таысь кындзи, пыжъяс бортын вӧлі тышын колана техника да кӧлуй - ва пыдӧсӧ вӧйтан 3 000 бомба да магнита мина, разьӧмӧн вайӧм дас вит "Харрикейн" - бырӧдысь лэбӧг.
При этом эскорт конвоя составляли 16 кораблей ВМФ Великобритании, среди которых были два авианосца. Караван судов не был обнаружен противником и благополучно достиг пункта назначения - Архангельска.	Та дырйи конвойсӧ колльӧдлӧмаӧсь Ыджыд Бритмуса СТВ-лӧн 16 караб, на пӧвстын кык авиануысь. Пыж каравансӧ вӧрӧгыс абу аддзӧма да, сійӧ лючкиа воӧма коланаинӧ - Кардорӧ.
Всего из 848 кораблей, принимавших участие в жизненно важных операциях по проведению караванов, погибло 126 транспортных и около 50 военных судов.	Олӧмлы быть колана караван нуӧдан операцияяс дырйи ставнас пуктӧмаӧсь пай 848 караб, на пӧвстысь 126 транспорт да 50 тышвыв пыж бырӧма.

Амур ар

Рочӧн	Комиӧн
В рамках "Амурской осени" пройдет фестиваль любительского кино	"Амур ар" рамкаясын лоас ас вӧчӧм кинолӧн фестиваль.
С 10 по 12 сентября в Благовещенске будет проходить фестиваль любительского кино "КинАмур" в рамках "Амурской осени".	Сенябр 10-12ʼ лунъясӧ Блага карын "Амур ар" рамкаясын лӧсьӧдасны ас вӧчӧм кинолы фестиваль - "КинАмур".
Местные кинолюбители смогут принять участие в мастер-классах и показах фестиваля театра и кино.	Татчӧс кино радейтысьяс вермӧны видзӧдны мастер-классъяс да театр-кино фестивальын петкӧданасӧ.
10 сентября участники "КинАмура" примут участие в мастер-классе известных режиссеров, творческой встрече и показе "Короткого метра": "Человек-добро", "Уходя в оранжевый", "Арысь-поле".	Сентябр 10ʼ лунӧ "КинАмурӧ" волысьяс пырӧдчасны тӧдчана режиссёръяс мастер-классӧ, адзысьласны енбиа йӧзкӧд да "Дженьыд метра" видзӧдасны "Морт-бур", "Гӧрдвижӧ мунігтыр", "Арысь-эрд".
11 сентября состоится спецпоказ "Огонь под доской" амурского режиссера Семена Руденко.	Сентябр 11ʼ лунӧ торйӧн петкӧдласны амурдорса режиссёр Семен Руденколысь "Пӧв улысь би".
12 сентября пройдет торжественное закрытие фестиваля "КинАмур", где будут подведены итоги и названы победители фестиваля.	Сентябр 12ʼ лунӧ "КинАмур" фестивальтӧ кыпыда помаласны, сэк вӧчасны кывкӧртӧдъяс да нимтасны фестивальын вермысьясӧс.
Конкурс любительского кино будет проходить по нескольким номинациям.	Ас вӧчӧм кинолы конкурс нуӧдасны ӧткымын номинация серти.
Впервые будет участвовать мультфильмы: на фестиваль отобрали 3 анимационных фильма.	Медводдзаысь тшӧтш лоасны и мультфильмъяс: фестиваль понда вӧлі бӧрйӧма 3 серпасалӧм фильм.
Всего участвуют в фестивале 11 авторов.	Ставнас фестивальын лоас 11 автор.
На следующий год его участники планируют выставляться на российский уровень, сообщает пресс-служба городской администрации.	Локтан во пырӧдчысьясыс чайтӧны петкӧдчӧны ставрочмувывса тшупӧдын, юӧртӧ карса веськӧдланінлӧн пресс-служба.

Куженерса ФАП

Рочӧн	Комиӧн
В сентябре в Куженерском районе распахнет двери новый ФАП	Кӧч тӧлысьӧ Куженер районын восьтас ӧдзӧсъяссӧ выль ФАП.
Строительство медицинского учреждения в селе Токтайбеляк было начато в апреле этого года и велось по типовому проекту.	Бурдӧдчанінсӧ босьтчӧмаӧсь кыпӧдны Токтайбеляк сиктӧ таво апрель пуксигӧн да вӧчӧмаӧсь типӧвӧй бала серти.
Стоимость работ составила чуть более 10 миллионов рублей.	Уджыслӧн доныс муртса вевтыртӧма 10 миллион шайт.
Как сообщает управление общественных связей и информации Главы Марий Эл, финансирование строительства объекта осуществлялось за счет средств республиканского бюджета в соответствии с адресной инвестиционной программой.	Кыдзи юӧртӧны Марий Элса юралысьлӧн йӧз пӧвст йитӧдъясӧн да юӧрӧн веськӧдланінас, стрӧйбалысь кыпӧдӧмсӧ вӧлі сьӧммӧдӧма республикаса бюджетысь адресӧн инвестируйтан уджтас серти.
Общая площадь построенного лечебно-профилактического учреждения составляет почти 230 квадратных метров.	Бурдӧдчыны да висьмӧмысь видзсьыны вӧчӧм йӧзкеркаыс дзоньнас лоӧ матӧ 230 метра квадрат ыджда.
Здесь будут оказывать медицинскую помощь жителям восьми населенных пунктов: села Токтайбеляк и деревень Дементьево, Пюнчерюмал, Тунья, Фомичи, Торайбеляк, Шинур и Чашкаял.	Тані медикъяс кутасны отсасьны кӧкъямыс оланінын олысь йӧзлы: Токтайбеляк сиктсаяслы, Дементьева, Пюнчерюмал, Тунья, Фомичи, Торайбеляк, Шинур да Чашкаял грездсаяслы.
Новый фельдшерско-акушерский пункт заменит действующий ФАП, здание которого было построено в 1918 году и уже давно исчерпало свой ресурс, а его помещения не соответствуют санитарно-гигиеническим требованиям.	Пельшӧра-акушера выль пункт вежас ӧнія ФАП-лысь стрӧйбасӧ, кодӧс вӧлі кыпӧдӧма 1918ʼ воӧ да важӧн нин вои быран выйӧдз, а жыръясыс оз лӧсявны санитария ни гигиеналы.
Новое учреждение откроется в ближайшее время.	Выль йӧзкеркасӧ восьтасны регыдъя кадӧ.

Инфляция

Рочӧн	Комиӧн
Инфляция вышла из отпуска.	Инфляциялӧн шойччыссьӧма.
Почувствуют ли россияне резкий рост цен	Казяласны-ӧ рочын олысьяс донъяслысь качӧмсӧ.
В результате перекрестных санкций РФ и Запада инфляция в России ускорится и не уложится в прогнозы властей, убеждены аналитики "ВТБ Капитал".	РФ да Рытыввыв костын воча санкцияысла инфляция Роч муын ӧддзас да оз тӧр чина йӧзӧн туналӧм мындаӧ, эскӧдӧны "ВТБ Капиталысь" аналитикъяс.
По мнению экспертов, отложенные последствия антисанкций приведут к инфляционному шоку в первом квартале 2015 года, пишет РБК Daily.	Экспертъяс чайтӧны, мый антисанкцияяслӧн ньӧжмыд бӧртасъяс кучкасны инфляцияӧн 2015ʼ вося воддза кварталын, гижӧ РБК Daily.
Согласно последнему прогнозу Минэкономразвития, в 2014 году инфляция составит 6,5-7,5%, в следующем году и того меньше - 6,5%.	Минэкономразвитиялӧн медбӧръя прогноз серти 2014ʼ воын сьӧмыд пыктас сӧмын 6,5-7,5%, а локтан во нӧшта на этшаджык - 6,5%.
Однако, по сведениям газеты "Коммерсантъ", на этой неделе МЭР должно внести "небольшие, но принципиальные" коррективы в макроэкономический прогноз до 2017 года.	Та вылӧ видзӧдтӧг, "Коммерсантъ" газет серти, МЭР пӧ тайӧ вежон нин кӧсйӧ пыртны 2017ʼ воӧдз макроэкономика прогнозӧ "неыджыд, но зумыд" коррективаяс.
По информации издания, ведомство может понизить оценку инфляции на 2015 год, что позволит ликвидировать ожидаемое обнуление роста доходов населения.	Лэдзаслӧн юӧр серти, кантора вермас чинтыны 2015ʼ вося инфляция пасъяс, тайӧ пӧ оз сет нульӧдны йӧзлысь нажӧтка быдмӧмсӧ.
В прогнозе предполагалось, что продовольственные санкции РФ действуют год - до августа 2015 года.	Прогноз вӧчигӧн чайтӧмаӧсь, сёян-юан санкцияяс РФ кутас пӧ видзны во чӧж - 2015ʼ августӧдз.
Как в такой ситуации можно было предполагать столь высокую инфляцию?	Кыдзи нӧ та дырйи позис виччысьны сы ыджда инфляция?
Текущая ситуация предполагает разовый шок, но понижательный тренд инфляции не изменится", - заявил источник газеты в Минфине.	Ӧнія ситуацияын ӧтчыдъя шокыд быть лоас, но сідзсӧ инфляцияыд и водзӧ кутас чинныджык", - шуис газетлы кодкӧ Минфинса.
Экономисты из "ВТБ Капитала" не разделяют ожиданий финансово-экономического блока правительства относительно инфляции и прогнозируют рост цен в 2014 году на уровне 8%.	"ВТБ Капиталса" экономистъяс оз воны инфляция кузя ӧти мӧвпӧ веськӧдлысь котырса сьӧм-овмӧс блоккӧд да шуӧны, 2014ʼ воын донъяс пӧ содасны 8% гӧгӧр.
Основной эффект от продуктовых запретов наступит вместе с возможным введением в регионах РФ налога с продаж (НСП) в 2015 году, убеждены эксперты.	Медыджыд эффект сёян-юан потшӧмысь лоас, 2015ʼ воӧ кӧ РФ регионъяс пыртасны вузалӧмвыв вот (ВВ), эскӧны экспертъяс.
Инфляционный пик в 9% придется на февраль, после чего годовые темпы роста цен пойдут на спад, полагают эксперты.	Медся ёна (9%) сьӧмыд пыктас февральын, сэсся во чӧжъя донъяс быдман ӧд кутас чинны, чайтӧны экспертъяс.
Кстати, на прошлой неделе Росстат подвел первые инфляционные итоги после того, как РФ ввела "аккуратные санкции".	Ӧти сайын, колян вежон и Росстат вӧчис инфляция кузя медводдза бӧртасъяс сы бӧрын, кор РФ пыртіс "пелькиник санкцияяс".
АиФ.ru опросил экспертов и выяснил их инфляционные ожидания.	АиФ.ru юасис эксперт котырын да тӧдмаліс, мый найӧ виччысьӧны инфляция кузя.
Артем Деев, руководитель аналитического департамента ФК AForex:	Артем Деев, AForex ФК-са аналитика юкӧнӧн веськӧдлысь:
Рост цен уже наблюдается по основным сегментам товаров.	Донъяс содӧмсӧ казялам нин тӧваръяслӧн медшӧр сегментъяс серти.
Более того, когда стали дорожать социально значимые продукты, правительство было вынуждено запустить меры системного мониторинга ценовой стабильности, дабы предотвратить риски необоснованного повышения цен в краткосрочной перспективе.	Таысь на унджык, кор кутісны донсявны йӧзлы тӧдчана прӧдуктаяс, веськӧдлысь котырлы ковмис босьтчыны системнӧйя мониторитны донъяслысь зумыдлунсӧ, медым регыдъя кадӧ донъястӧ подулавтӧг кыптӧмысь нинӧм лёкыс эз ло.
Поставщики и ритейлеры уже отчитываются на ежедневной основе перед регулирующими органами, чтобы власти точно знали, кто, когда и по какой причине инициирует повышение цен.	Тӧвар мӧдӧдысьяс да ритейлеръяс быд лун нин висьтасьӧны регулируйтан органъяслы, медым юралысьяс стӧча тӧдасны, коді, кор да мыйла босьтчӧ кыпӧдны донъяс.
Ключевыми факторами роста индекса потребительских цен продолжают оставаться колоссальные темпы оттока капитала, чрезмерное рефинансирование банковского сектора со стороны российского мегарегулятора, внутренняя конвертация по причине бегства населения в иностранную валюту, а также эмбарго на ввоз продовольственных товаров из стран, присоединившихся к санкциям против России.	Босьтасян донъяслӧн индекс, войдӧр моз жӧ, медсясӧ быдмӧ сы вӧсна, мый капитал зэв ыджыд ӧдӧн пышйӧ, роч мегарегулятор вывті рефинансируйтӧ банкир сектор, войтырыс вевсьӧн ньӧбӧ суйӧрсайса валюта, а Рочмулы санкция йӧзӧдысь канмуясысь сёян-юан тӧваръястӧ эмбаргоалӧма.
Если бы инфляционное давление оставалось под контролем, стоимость корзины минимального набора продуктов не подскочила бы на 12% за один лишь квартал.	Сьӧм пыкӧмыс кӧ коли контроль улын, муртса овны тырман прӧдукта чукӧр эз эськӧ донсяв 12% вылӧ ӧти кварталӧн.
Запрет на ввоз продовольственных товаров спровоцировал шок предложения на внутреннем рынке и привел к совершенно логичному повышению конечной стоимости.	Суйӧр сайысь сёян-юан тӧваръяс потшӧмысла пытшкӧсса рынокын вӧзйӧмыс звирк чинӧма, мый гӧгӧрвоана ногӧн вайӧдіс лавкаса донъяс кыптӧмӧдз.
Поскольку на текущем этапе нам не удается в полной мере запустить механизм импортозамещения, а также повысить самодостаточность российского рынка за счет внутреннего производства, ответные санкции продолжат нести риски роста инфляционной составляющей.	Тайӧ кадколастын огӧ на вермӧ вӧчны импорт вежан тырвыйӧ бур механизм ни кыпӧдны роч рыноклысь астырмӧмсӧ пытшкӧсса тӧварлэдзӧм тшӧтш весьтӧ, а сідз кӧ и водзӧ ковмас повны воча санкцияясла сьӧм пыктӧмысь.
Если добавить сюда еще и фискальные причины, связанные с отсутствием доверия к национальной валюте, а также ухудшенными перспективами экономического роста, к концу этого года инфляция вполне может превысить 8%.	Содтыны кӧ татчӧ нӧшта и фискальнӧй помкаяс, ӧд миян валютаӧ оз эскыны, а экономика быдман перспективаяс омӧльтчӧмаӧсь, во помланяс инфляцияыд кокниа вермас вужджны 8%-сӧ.
Александр Разуваев, директор аналитического департамента "Альпари"	Ӧльӧксан Разуваев, "Альпари"-са аналитика юкӧнӧн веськӧдлысь.
В 90-е годы инфляция иногда достигала 20-30% в месяц, в нулевые она также была выше текущего уровня, другое дело, что тогда это компенсировалось быстрым экономическим ростом.	90-ӧд воясӧ инфляция мукӧддырйи содлӧма тӧлысьнас 20-30% вылӧ, нульӧд воясӧ сійӧ тшӧтш вӧвлывлӧма ӧнія тшупӧдысь вылынджык, но сэки тайӧ компенсируйтчис экономика ӧдйӧ сӧвмӧмӧн.
Думаю, по итогам года инфляция составит 8-8,5%.	Чайта да, во помас инфляция лоас 8-8,5%.
Платон Магута, управляющий активами УК "Фонд Магута"	Платон Магута, "Фонд Магута" УК-са активъясӧн веськӧдлысь.
Внешний фактор, связанный с санкциями против России, пока успешно сдерживается, но если произойдет дальнейшее усиление давления, прежде всего, на финансовый сектор - это может привести к определенным трудностям и увеличить инфляционные ожидания населения, которые обычно традиционно проявляются в покупках наличной валюты для того, чтобы обезопасить свои сбережения.	Ортсыса факторысь, Роч мулы паныд санкцияяс да мый да, буракодь на дорйысям, но водзӧ кӧ пондасны личкыны ёнджыка, торйӧн кӧ, сьӧм секторас, тайӧ вермас кутшӧмакӧ вайӧдны сьӧкыдлунъясӧдз, йӧзыс кутасны ёнджыка повны инфляцияысь да, кыдз и пыр, пондасны ньӧбны кивыв валюта, медым чӧжӧмторныс эз вош ни чин.
Можно предположить, что правительство, ЦБ РФ и Министерство финансов постараются смягчить плавное ослабление рубля, как рыночными методами, так и государственным регулированием.	Позьӧ чайтны, РФ-са веськӧдлысь котыр, ЦБ да Сьӧм кузя министерство видласны ньӧжмӧдны шайтлысь вочасӧн жебмӧмсӧ и рыноклы лӧсялана ногӧн, и канмусянь регулируйтӧмӧн.
Но рост цен начинается традиционно после летнего затишья и, возможно, этой осенью станет более ощутимым.	Донъясыд векджык содлӧны гожся лӧньӧм бӧрын да, гашкӧ тайӧ арнас тайӧ пондас бурджыка тӧдчыны.
Целевой уровень потребительской инфляции в России в 7,5%, скорее всего, выстоит, так как РФ располагает еще финансовыми накоплениями.	Роч муын босьтасян инфляциялы индӧм 7,5%-а тшупӧдыс, колӧкӧ, оз жӧ пӧр, РФ-ад заптӧм сьӧмыс эм на да.

Весасьӧны минсельхозын

Рочӧн	Комиӧн
Министерство сельского хозяйства Болгарии провело массовую чистку в фонде "Земледелие"	Болгарияса видз-му овмӧс министерство зіля весасьӧма "Мууджалӧм" фондын.
Три из четырех начальников фонда "Земледелие" были заменены еще в пятницу.	"Мууджалӧм" фондса нёль юрнуӧдысь пӧвстысь куимӧс пекничаӧ нин вӧлі вежӧма.
В общей сложности, три из четырех начальников фонда "Земледелие" были заменены еще в пятницу.	Ӧтув босьтӧмӧн, "Мууджалӧм" фондса нёль юрнуӧдыссьыс куимӧс вӧлі вежӧма пекничаӧ нин.
Официально министерство сельского хозяйства Болгарии сообщило только об отстранении от должности исполнительного директора Атанаса Добрева.	Официальнӧя Болгарияса видз-му овмӧс министерство юӧртіс сӧмын директоралысь Атанас Добревӧс вештӧм йылысь.
Его место заняла Лозана Василева.	Сы пыдди пуктӧма Лозана Васильеваӧс.
Оказалось, что в пятницу по-тихому были сменены и два из трех заместителей исполнительных директоров фонда.	Вӧлӧмкӧ, пекничаӧ зык кыптытӧг ӧттшӧтш вежӧмаӧсь фондса директоралысьӧс куим вежысь пӧвстысь кыкӧс.
Освобождена заместитель исполнительного директора Татьяна Ангелова, которая до этого времени отвечала за государственную помощь и программу САПАРД, сообщает БГНЕС со ссылкой на газету "Труд".	Вештӧма вӧлі директоралысьӧс вежысь Татьяна Ангелова, коді та вотӧдз кывкутіс кан отсӧгысь да САПАРТ уджтасысь, "Труд" газет вылӧ ыстысьӧмӧн юӧртӧ БГНЕСС.
Я не присутствовал на совете управляющих фондом, потому что по закону мы не члены руководства, но мне сообщили позже, что я была освобождена.	Ме эг вӧв фондса веськӧдлысьяс чукӧртчылігӧн, оланпас серти юралысь котырӧ огӧ пырӧ да, но сэсся меным юӧртісны, менӧ пӧ чӧвтӧма уджсьым.
Я не могу сказать, почему о моем увольнении не сообщается на веб-сайте фонда.	Ог вермы висьтавны, мыйла менӧ вештӧм йылысь юӧр абу фонд веб-сайтын.
Я нахожусь в отпуске.	Менам ӧні шойччан кад.
Надеюсь, что узнаю больше в понедельник", - сказала изданию Ангелова.	Лача кута, выльлунӧ унджык тӧдны понда", - шуис Ангелова газетлы.
Ее место займет Иванка Багдатова, которая до сих пор была начальником "Инвестиционного кредитирования" в центральном фонде в "Земледелие" в Софии.	Сы пыдди кутас уджавны Иванка Багдатова, коді та вотӧдз юрнуӧдӧма Ивестиция кредиталан юкӧнӧн "Мууджалӧмлӧн" Софияса шӧр фондын.
Был освобожден также заместитель исполнительного директора Николай Дачев.	Вештӧма уджсьыс и директоралысьӧс вежысь Николай Дачев.
До этого момента он отвечал за прямые субсидии для полей, выплачиваемых ЕС.	Тайӧ здукӧдз сійӧ кывкутіс ЕС-сянь муяс понда веськыда мынтан субсидияясысь.
На его место будет назначен Живко Живков, который был начальником областной дирекции фонда "Земледелие" в городе Велико-Тырново до января 2014 года.	Сы местаӧ пуктасны Живко Живковӧс, коді 2014ʼ тӧвшӧрӧдз юрнуӧдлӧма "Мууджалӧм" фондлӧн Велико-Тырново обласьтувса дирекцияын.
Свой пост сохранила только заместитель начальника фонда Атидже Алиева-Вели.	Вӧрзьӧдлытӧмӧн коли сӧмын фонд юралысьӧс вежысь Атидже Алиева-Вели.
В настоящее время она отвечает за Программу развития сельских районов.	Ӧнія кадӧ сійӧ кывкутӧ Видз-му районъяс сӧвмӧдан уджтасысь.
Официальные причины всех изменений в ведомстве не упоминаются.	Кантораас став тайӧ вежӧмыслы помкаяссӧ официальнӧя оз юӧртны.

Али-Бабалы паныд

Рочӧн	Комиӧн
Крупнейшие китайские компании объединились против Alibaba	Медыджыд китайса котыръяс ӧтувтчӧмаӧсь Alibaba-лы паныд
Китайские компании, среди которых крупнейший в Китае девелопер коммерческой недвижимости Dalian Wanda Group и интернет-гиганты Tencent Holdings (соцсети, мессенджер и др.) и Baidu (крупнейший китайский поисковик), создают компанию, которая будет конкурировать на рынке онлайн-торговли с Alibaba.	Китайса котыръяс, на лыдын коммерция мувывтор серти медгырысь китаса девелопер Dalian Wanda Group да интернет-гигантъяс Tencent Holdings (йӧзпӧвст везъяс, мессенджер да мый да) и Baidu (китайса медыджыд корсьысянін), лӧсьӧдӧны компанньӧ, коді мӧдас конкурируйтны онлайн вузасян рынокын Alibaba-кӧд.
Однако догнать чудо китайского Интернета, которое оставило позади даже своих американских соперников - eBay и Amazon.com, будет непросто.	Но суӧдны китайса ӧтуувез дивӧсӧ, а мӧдыс ордйӧма весиг ассьыс америкаса свӧякъясӧс - eBay и Amazon.com, оз ло кокни.
Союз крупнейших	Медыджыдъяслӧн йитӧс
Компании планируют вложить в совместное предприятие 5 млрд юаней ($ 814 млн), 70% в нем будет принадлежать Wanda и по 15% - каждой из интернет-компаний, говорится в сообщении Wanda Group.	Компанньӧяс чайтӧны пуктыны ӧтласа уджаинӧ 5 млрд юань ($ 814 млн), 70% сэні лоӧ Wanda-лӧн, а 15%-ӧн - кыкнан интернет котырлӧн, гижӧма Wanda Group юӧрын.
Зарегистрировать фирму планируется в Гонконге.	Регистрируйтны фирматӧ кӧсйӧны Гонконгын.
СП объединит поисковые сервисы Baidu с популярной социальной платформой WeChat (крупнейшая соцсеть в Китае, число пользователей которой составляет около 438 млн человек), Tencent и инфраструктурой Wanda.	ӦУ ӧтувтас Baidu-лысь корсян сервисъяс уналы сьӧлӧм вылӧ воана йӧз пӧвст WeChat платформаӧн (Китайса медпаськыд йӧзпӧвст вез, кӧні вӧдитчысьыс матӧ 438 млн морт), Tencent-ӧн да Wanda инфраструктураӧн.
Помимо сети из 40 фешенебельных отелей группа Wanda управляет как минимум 49 объектами коммерческой недвижимости по всему Китаю и 40 торговыми центрами.	Нималана 40 отель везйысь кындзи Wanda кипод улын Китай пасьтала этша вылӧ коммерция ради кутан 49 мувывтор да 40 вузасян шӧрин.
В прошлом году компания инвестировала 50 млрд юаней (более $ 8 млрд) в строительство киностудии и тематического парка развлечений в Циньдао (город на востоке Китая на берегу Желтого моря).	Колян во котыр инвесталӧма 50 млрд юань ($ 8 млрд-ысь унджык) Циньдаоса киностудия да темаяс серти гажӧдан парк лӧсьӧдӧмӧ (карыс пукалӧ Китай асыввылын Виж саридз дорын).
Ожидается, что проект будет привлекать более 1 млн посетителей ежегодно и приносить прибыль на уровне $ 960 млн.	Виччысьӧны да, проектыс кутас кыскыны 1 млн волысьӧс быд во да вайны прибыль $ 960 млн гӧгӧр.
Помимо этого Wanda принадлежит американская сеть кинотеатров AMC Entertainment Holdings, что делает компанию крупнейшим оператором кинотеатров в мире.	Таысь кындзи Wanda асалӧ америкаса кинотеатр вез - AMC Entertainment Holdings, и тайӧ вӧчӧ котырсӧ му югыдас кинотеатръяссӧ медыджыд кутысьӧн.
К 2015 году Wanda планирует оборудовать все принадлежащие ей торговые центры, отели и места развлечений сервисами e-commerce, развитием которых займется как раз создаваемый конкурент Alibaba.	2015ʼ во кежлӧ Wanda кӧсйӧ пуктыны e-commerce сервисъяс ас киподувса став вузасян шӧринӧ, отельӧ да гажӧданінӧ, и таын кутас зільны буретш Alibaba-лы лӧсьӧдана конкурент.
По словам Дун Цэ, который возглавит новую компанию, благодаря объединению Wanda сможет увеличить число пользователей своих услуг e-commerce с нынешних 40 млн человек до 100 млн уже к следующему году.	Выль компанньӧӧ юралысьӧн пуктана Дун Цэ кывъяс серти, ӧтлаасьӧм бӧрын Wanda вермас содтыны e-commerce-нас вӧдитчысьлысь лыдсӧ ӧнія 40 млн мортсянь 100 млн-ӧдз локтан во кежлӧ нин.
Новая площадка должна стать крупнейшей в мире online-to-offline платформой, отмечает Дун Цэ.	Выль эрд лоас пӧ му югыдын online-to-offline сяма медыджыд платформаӧн, пасйӧ Дун Цэ.
Суть online-to-offline (O2O) коммерции заключается в привлечении покупателей в Интернете с тем, чтобы они приходили в обычные офлайн-магазины или покупали иные традиционные услуги.	Online-to-offline (O2O) коммерциялӧн мог - ышӧдны интернетса босьтасьысьӧс ветлыны мувывса офлайн магазинъясӧ либӧ ньӧбны мукӧд традиционнӧй могмӧс.
Классическим примером O2O являются сервисы по продаже купонов вроде Groupon или Vigoda.ru.	O2O-лы классическӧӥ видлӧгӧн лоӧ Groupon либӧ Vigoda.ru. кодь купон вузалан сервис.
"O2O - крупнейший "пирог" в онлайн-коммерции", - заявил руководитель Wanda Ван Цзяньлинь (цитата по Bloomberg).	"O2O - онлайн коммерцияын медыджыд "пирӧг", - шуис Wanda-са юралысь Ван Цзяньлинь (цитируйтам Bloomberg серти).
"Сейчас настоящей площадки O2O в Китае не существует, и в этой ситуации шансы у всех приблизительно равны", - считает он.	"Ӧні Китайын збыльвывса 020 эрд абу, и сійӧн шансъяс ставлӧн пӧшти ӧткодьӧсь," - чайтӧ сійӧ.
Китайский рынок интернет-торговли - крупнейший в мире, и, по оценкам McKinsey & Co., его объем увеличится более чем в три раза к 2015 году по сравнению с 2011 годом, до $ 395 млрд.	Интернет пыр вузасян китайса рынок - му югыдас медыджыд, McKinsey & Co. донъялӧм серти, сылӧн йӧрышыс быдмас 2015ʼ во кежлӧ 2011ʼ во серти куим пӧв и унджык, $ 395 млрд.-ӧдз.
Число китайских интернет-пользователей выросло до 632 млн, приводит Bloomberg данные официальной статистики: это больше населения любой страны мира, за исключением Индии.	Интернетӧн вӧдитчысь китайсалӧн лыдыс быдмӧма 632 млн-ӧдз, вайӧдӧ Bloomberg официальнӧй статистикалысь мыччӧдъяс: тайӧ унджык му югыдас кӧть кутшӧм канмуын олысь лыд серти, Индияын кындзи.
И согласно прогнозам, уже к 2015 году это число может вырасти до 850 млн человек.	И прогнозъяс серти, 2015ʼ во кежлӧ тайӧ лыдпасыс вермас содны 850 млн мортӧдз.
Союз богатейших	Медозыръяслӧн йитӧс
Глава Tencent Ма Хуатэн до недавнего времени был самым богатым человеком Китая, однако, согласно индексу миллионеров агентства Bloomberg, основатель Alibaba Джек Ма уже обогнал его на $ 5,5 млрд.	Tencent юралысь Ма Хуатэн ӧнтая кадӧдз вӧлі Китайса медозыр мортӧн, но Bloomberg агентпозйын дасьтӧм миллионер индекс серти Alibaba котыртысь Джек Ма ордйӧма нин сійӧс $ 5,5 млрд вылӧ.
Состояние Джека Ма оценивается в $ 21,8 млрд, из которых $ 11 млрд приходятся на его долю в Alibaba.	Джек Малысь озырлунсӧ донъялӧны $ 21,8 млрд, та лыдысь $ 11 млрд лоӧ сылӧн пас Alibaba-ын.
Руководитель Baidu Робин Ли сейчас занимает третье место среди богатейших людей Китая, тогда как Ван Цзяньлинь из Wanda - четвертую строчку рейтинга.	Baidu-са юралысь Робин Ли медодзыр китайса пӧвстас ӧні коймӧд тшупӧдын, а Wanda-са Ван Цзяньлинь - рейтингса нёльӧд визьын.
"За этой битвой очень интересно наблюдать: три самых богатых человека объединяют усилия, чтобы бросить вызов еще более богатому", - сказал Bloomberg директор китайского центра по исследованию электронной коммерции в Ханчжоу Цао Лэй.	"Тайӧ тыш вылӧ зэв тешкодь видзӧдны: куим медозыр морт ӧтлаӧдӧны вынъяс, медым пӧрӧдны нӧшта на озырджыкӧс", - шуис Bloomberg-лы китайса электрон коммерция туялан Ханчжоуса шӧринын юрнуӧдысь Цао Лэй.
Но он считает, что новая компания вряд ли сможет всерьез конкурировать с Alibaba сразу после создания: "Рим нельзя построить за один день".	Но сійӧ чайтӧ, выль компанньӧ пӧ ӧдвакӧ вермас збыльвылас вермасьны Alibaba-кӧд пыр котыртчӧм бӧрын: "Римтӧ он вермы кыпӧдны ӧти лунӧн".
О том, что с Alibaba не так‑то просто соперничать не только новым компаниям, но и заслуженным лидерам мировой интернет-торговли, свидетельствует опубликованный накануне отчет о финансовых показателях Alibaba за последний квартал.	Сы йылысь, мый Alibaba-кӧд абу кокни венласьны не сӧмын выль котыръяслы, а тшӧтш му югыдса ӧтувввез пыр вузасян пыдди пуктаана лидеръяслы, висьталӧ медбӧръя кварталысь Alibabaлысь финанс олӧмсӧ петкӧдлан ӧнтай йӧзӧдӧм отчёт.
Alibaba часто описывают как нечто среднее между eBay и Amazon.com, но с апреля по июнь китайская компания заработала больше, чем оба ее американских конкурента вместе взятые.	Alibaba йылысь тшӧкыда шуӧны, тайӧ пӧ мыйкӧ eBay да Amazon.com шӧракостын, но апрельсянь юньӧдз китайса котыр шедтӧма сьӧмсӧ унджык, ӧтлаӧ босьтӧм кыкнан америкаса конкурент сертиыс.
Чистая прибыль Alibaba за период почти в два раза превышает аналогичный суммированный показатель конкурентов - она выросла почти в три раза в годовом исчислении и составила $1,99 млрд.	Тайӧ кадколастӧ Alibaba-лӧн сӧстӧм прибыль матӧ кык пӧв вевтыртӧ конкурентъясыслысь сэтшӧм жӧ мыччӧдъяс суммируйтӧмӧн - во чӧж арталӧмӧн сійӧ быдмӧма матӧ куим пӧв да воӧма $1,99 млрд-ӧдз.
"Alibaba все еще обладает огромным потенциалом для генерации денег, во многом благодаря своим мобильным приложениям", - прокомментировал Bloomberg отчет аналитик из гонконгской Arete Research Service.	"Alibaba-лӧн век на ыджыд потенциал сьӧмсӧ генерируйтӧм могысь, унджыксӧ аслас мобильнӧй содтӧдъясысла," - комментируйтӧ Bloomberg-лысь юӧр гонконгса Arete Research Service-ысь аналитик.
Согласно обновленному проспекту Alibaba на сайте Комиссии по ценным бумагам и биржам США, число активных мобильных пользователей сервисов компании в июле составило 188 млн, что существенно превосходит мартовский показатель (163 млн человек).	АӦШ-са дона кабалаяс да биржаяс кузя комиссия сайтын Alibaba-лӧн выльмӧдӧм проспект серти, компанньӧ сервисъясӧн новланторъяс пыр зіля вӧдитчысьыс юльын лои 188 млн, а тайӧ ёнакодь вевтыртӧ мартся лыдпасъяс (163 млн морт).
При этом 32,8% всех транзакций Alibaba за прошедший квартал пришлось на мобильные устройства.	Та дырйи Alibaba-са став трансакцияысь 32,8% мунӧма новланаторъяссянь.
Alibaba предстоит назвать стоимость своих акций перед IPO.	Alibaba-лы ковмас висьтавны, мый дона сылӧн пайпасъясыс, IPO водзын.
Согласно средней оценке 11 аналитиков, опрошенных Bloomberg, компания может быть оценена в $187 млрд после продажи акций.	11 аналитикӧс юалӧмысь Bloomberg шӧркодя кывкӧрталӧ, компанньӧ пӧ позьӧ донъявны $187 млрд-ӧн паспасъяс вузалӧм бӧрын.
По данным источников Bloomberg, дебют Alibaba на Нью-Йоркской фондовой бирже (NYSE) может состояться уже 16 сентября.	Bloomberg ӧшмӧсъяс серти, Нью-Йоркса фонд биржаын (NYSE) Alibaba-лӧн дебют вермас лоны кӧч т. 16ʼ лунӧ нин.
Road-show компании, предшествующее этому событию, стартует 3 сентября.	Котырлӧн та водзвывса road-show стартуйтӧ кӧч т. 3ʼ лунӧ.
Ожидается, что выход Alibaba на IPO станет рекордным в истории NYSE и позволит компании привлечь около $ 20 млрд.	Виччысьӧны, Alibaba-ыд пӧ петас IPO-ӧ рекордӧн NYSE историяын да котырыдлӧн лоас позянлун кыскыны $ 20 млрд. гӧгӧр.
До сих пор рекорд по объему привлеченных на биржах США средств принадлежал платежной системе Visa, которая в 2008 году провела первичное размещение своих акций, заработав на этом $17,9 млрд.	Ӧнӧдз АӦШ-са биржаяс пыр кыскӧм сьӧм ыдждаын рекордсӧ кутӧ Visa мынтысян система, коді 2008ʼ воӧ медводз иналӧма сэтчӧ пайпасъяссӧ, таысь $17,9 млрд. шедтігтыр.

Усьӧм лэбӧг

Рочӧн	Комиӧн
В Колорадо разбился частный самолет	Колорадоын пасьмунӧма асторъя лэбӧг.
Одномоторный самолет Piper PA-46 разбился в американском штате Колорадо.	Ӧти мотора лэбӧг, Piper PA-46, усьӧма да пасьмунӧма америкаса Колорадо штатын.
Трое из пяти человек, находящихся в нем, погибли, передает ИТАР-ТАСС.	Вит лэбӧдӧм мортысь куимӧн кулӧмаӧсь, юӧртӧ ИТАР-ТАСС.
Выжившие доставлены в больницу.	Ловйӧн кольӧмаяссӧ вайӧма бурдӧдчанінӧ.
Авария произошла в нескольких километрах от взлетно-посадочной полосы аэропорта города Денвер.	Неминуча лоӧма Денвер карса аэропорт лэбзян-пуксянінсянь ӧткымын верст ылнаын.
Сейчас устанавливаются причины трагедии.	Сэсся туялӧны, мыйла ускӧттьӧыс лои.

Донъяс синйысь штаб

Рочӧн	Комиӧн
В регионе создан штаб по ограничению цен на продукты	Регионын котыртӧма сёян-юан дон кыптӧмлы водзсасян штаб.
В Красноярском крае создан штаб, который при необходимости будет ограничивать рост цен на продукты на рынке региона.	Краснояр крайын лӧсьӧдӧмась штаб, коді, ковмас кӧ, кутас видзны регионса рынокын сёян-юан вылӧ донъяс кыптӧмысь.
Указ о создании этой структуры уже подписан.	Тайӧ структура лӧсьӧдӧм йылысь указ кырымалӧма нин.
В состав штаба вошли члены правительства края, представители исполнительной власти и надзорных ведомств.	Штабсаяс пӧвстын лоӧмаӧсь крайса веськӧдлысь котырса, олӧмӧ пӧртысь да видлалысь контораясса йӧз.
Все вместе они будут следить за ценами на сельхозпродукцию в крае.	Ӧтвылысь найӧ кутасны синйыны краяс видз-му прӧдуктаяслы пуктӧм донъяс.

Шайтыд быгыльтчӧ

Рочӧн	Комиӧн
Рубль падает на фоне геополитического давления	Геополитика личкӧмысла шайтыс быгыльтчӧ улӧ
На Московской бирже доллар вырос на открытии на 3 коп. до 37,15 руб., рубль снизился к бивалютной корзине на фоне геополитической напряженности.	Мӧскуаса биржа воссигӧн доллар быдмӧма 3 ур вылӧ 37,15 шайтӧдз, шайтыд жебмӧма бивалюта куд серти геополитика зэлалӧмысла.
Торги на ЕТС по доллару стартовали сделками в границах 37,11-37,2 руб./$1, в среднем за две минуты курс зафиксирован на уровне 37,16 руб./$1, это на 4 коп. выше уровня предыдущего закрытия.	ЕТС-ын кутісны вузасьны 37,11-37,2 ш./$1 артмӧдчӧмсянь, кык минутӧн курсыс шӧркодя зумыдмӧма 37,16 ш./$1 тшупӧдын, тайӧ 4 урӧн вылынджык ӧнтай пӧдласигӧн серти.
Курс евро составил 48,79 руб. за 1 евро, это на 3 коп. выше уровня предыдущего закрытия.	Евролӧн курс лои 8,79 ш. 1 евроысь, тайӧ 3 урӧн вылынджык ӧнтай пӧдласигӧн серти.
Цена бивалютной корзины прибавила 3,5 коп. и составила 42,395 руб.	Бивалюта кудлӧн доныс содӧма 3,5 ур вылӧ да лоӧма 42,395 ш.
Доллар США торгуется на 23 коп. выше официального курса, евро - на 16 коп. выше официального курса.	АӦШ-са доллар вузалӧны кан курсысь 23 урӧн донӧнджык, евросӧ кан курсысь 23 урӧн донӧнджык.
Российский рынок в пятницу, 29 августа, продолжил стремительное снижение, однако паники в этот раз не наблюдалось.	Роч рынокыс пекничаӧ, август 29ʼ лунӧ войдӧр моз ӧдйӧ быгыльтчӧма улӧ, паника эськӧ тайӧ пӧрйӧ эз тӧдчы-а.
Продолжил дешеветь и рубль и даже обновил исторический максимум к доллару.	Водзӧ донсялӧма и шайт, сійӧ весигсӧ выльмӧдӧма доллар серти историяся максимумсӧ.
Сейчас инвесторы уже заранее отыгрывают ухудшение геополитической обстановки и возможные новые санкции к России.	Ӧні инвесторъяс зільӧны водзвыв нин бӧр бергӧдны геополитикаса гӧгӧртас лёкмӧмысла да Роч мулы паныд гашкӧя выль санкцияысла воштанаторсӧ.
Однако пока это больше похоже на искусственную истерику, раздутую через СМИ, особенно западные.	Эськӧ талун кежлӧ тайӧ мунӧ помкатӧг кыпӧдӧм истерикалань, кодӧс пӧльтӧмаӧсь масс медиа, торйӧн кӧ рытыввылын.
Вариантов введения новых санкций к РФ не так уже много.	РФ-лы паныд выль санкцияяс пуктыны позянлуныс абу и уна.
TeleTrade "На открытии Московской биржи рубль продолжает резкое ослабление против бивалютной корзины.	TeleTrade "Мӧскуаса биржа воссигӧн шайтыд войдӧр моз ёна жебмӧ бивалюта куд серти.
Геополитический фон остается определяющим фактором.	Геополитика фон кольӧ медтӧдчана факторӧн.
Однако, если в ближайшее время мы не увидим нового негатива, и российские индексы, и позиции национальной валюты могут скорректироваться.	Та вылӧ видзӧдтӧг, огӧ кӧ казялӧ матысса кадӧ выль негатив, сэк и роч индексъяс, и ас валюталӧн позицияяс вермасны корректасьны.

Сьӧмысла судитчӧны

Рочӧн	Комиӧн
"Оренбургские авиалинии" будут судиться с "Идеал-туром"	"Оренбургскӧй авиалинияс" мӧдасны судитчыны "Идеал-туркӧд"
"Оренбургские авиалинии" предъявили "Идеал-туру" иски на общую сумму 4,7 миллиарда рублей.	"Оренбургскӧй авиалинияяс" сетӧмаӧсь "Идеал-турлы" ӧтув арталӧмӧн 4,7 миллиард шайт дона иск.
Речь идет о двух делах, заседания по которым пройдут в октябре.	Сёрниыс мунӧ кык делӧ йылысь, найӧс лэдзасны судӧ йирым тӧлысьын.
Рассматривать дела будут разные судьи.	Делӧяс видлавны кутас оз ӧти суддя.
Как сообщает "Интерфакс", первый иск был подан 14 августа.	"Интерфакс" юӧртӧм серти, воддза иск вӧлі сетӧма август 14ʼ лунӧ.
Его сумма чуть больше 425 миллионов рублей.	Сылӧн суммаыс 425 миллион шайтысь муртса унджык.
Заседание по нему назначено на 7 октября.	Судитчыны та кузя пондасны йирым 7ʼ лунӧ.
Второе заявление было подано 18 августа.	Мӧд шыӧдчӧм вӧлі сетӧма август 18ʼ лунӧ.
Его сумма 4,24 миллиарда рублей.	Сылӧн суммаыс 4,24 миллиард шайт.
Заседание по нему назначено на 2 октября.	Судитчыны та кузя пондасны йирым 2ʼ лунӧ.
Как сообщили журналистам в Российском союзе туриндустрии, судьи по делам назначены разные.	Кыдзи юӧртісны журналистъяслы Рочму туриндустрия йитӧсын, делӧяс видлавны индӧма торъя суддяяслы.
В июле в СМИ появилась информация о долгах "Идеал-тура" перед "Оренбургскими авилиниями" в сумме 1,5 миллиардов рублей.	Юльын масс медиаын паськаліс юӧр, "Идеал-тур" пӧ уджйӧза "Оренбургскӧй авилинияяслы" ставнас 1,5 миллиард шайт.
Гендиректор авиакомпании Виктор Зюкин говорит о сумме в 1,6 миллиардов рублей.	Авиакумпанньӧса гендиректор Виктор Зюкин висьталӧ 1,6 миллиард шайта сумма йылысь.
Гендиректор "Аэрофлота" Виталий Савельев называет еще большую сумму - два миллиарда рублей.	"Аэрофлотса" гендиректор Виталий Савельев вайӧдӧ нӧшта на ыджыдджык сумма - кык миллиард шайт.

Twitter-ыд вежсьӧ

Рочӧн	Комиӧн
Twitter попробовал стать интереснее для новых пользователей	Twitter видліс интересуйтны выль юзеръясӧс
Сервис микроблогов Twitter изменил процесс регистрации пользователей, чтобы быстрее вовлекать новых участников в активное взаимодействие с платформой.	Микроблогъяса Twitter сервис вежис юзерӧ пасйысян арт, медым ӧдйӧджык ышӧдны выль мортӧс зіля ноксьыны платформа вылын.
Эта мера должна снизить количество забросивших свои микроблоги людей.	Тайӧ пӧ отсалас вӧчны сідз, медым ассьыс микроблог эновтысьыс лоис этшаджык.
Теперь новые пользователи Twitter будут просматривать во время регистрации большое количество рекоммендованных сервисом аккаунтов, чтобы сразу составить свой круг чтения.	Сэсся Twitter-са выль юзер регистрируйтчигӧн сы син водзыс сервис петкӧдас унджык аккаунт, медым первойсянь жӧ мортыс лӧсьӧдас лыддьысян кытшсӧ.
Рекомендации составляются на основе указанных при регистрации интересов.	Вӧзъянторсӧ лӧсьӧдігӧн инӧ босьтӧма мортлысь пасйысигӧн индӧм интересъяс.
При этом Twitter автоматически устанавливает галочку на подписку для всех автоматически выбранных аккаунтов.	Та дырйи Twitter ачыс пукталӧ галкаяс, автоматӧн бӧрйӧм став аккаунт вылӧ гижӧдігмоз.
Из-за этого пользователю придется собственноручно снимать галочки, чтобы не читать тех, кто ему не интересен.	Сідзкӧ юзерыслы ковмас ас киӧн чышкыны галкаяс, медым не лыддьыны йӧзлысь, код дорӧ сылӧн мог абу.
Если раньше пользователи сервиса микроблогов видели только аватарки рекомендованных пользователей, то теперь Twitter выводит образец одного из популярных твитов блогера, чтобы помочь составить впечатление о человеке.	Войдӧр кӧ микроблог сервисӧн вӧдитчысьяс аддзисны сӧмын вӧзяна юзеръяслысь аватарка, сэсся Twitter петкӧдлӧ блоггерлысь ӧти лыддянаджык твит, медым кокниджык позис гӧгӧрвоны, мыйся морт сійӧ.
Это крупнейшее изменение в страничке регистрации Twitter за последние три года.	Тайӧ пӧрйӧ Twitter-ыд вежӧма пасйысян бансӧ бӧръя куим во чӧж серти медся ёна.
В последнее время Twitter активно работает над модернизацией сервиса.	Бӧръя кадӧ Twitter зільӧмӧн зільӧ выльмӧдны сервиссӧ.
Такая активность связана, прежде всего, с продолжающимися попытками сервиса достичь безубыточности.	Тадзи сійӧ мырсьӧ медводз сы вӧсна, медым войдӧр моз вӧчны сервиссӧ убыткатӧмӧн.
В 2014 году сервис микроблогов столкнулся с замедлением прироста пользовательской базы и падением активности читателей.	2014ʼ воӧ микроблог сервисас юзер лыдыс пондӧма быдмыны ньӧжмыдджыка да, сійӧс абуджык зіля кутӧмаӧсь лыддьыны.
Компания в данный момент отчаянно нуждается в большем количестве лояльных ресурсу потребителей, которые, зайдя раз, оставались бы надолго.	Котырыыс ӧнія дырий ёна корсьӧ ресурслы унаысь-уна ёртӧс, коді эськӧ ӧтчыд пырас да коляс сэсся дыр кежлӧ.
Только так можно обеспечить стабильный поток рекламных средств.	Сӧмын тадзи пӧ позьӧ зумыдмӧдны рекламасьыс локтан сьӧм визув.

Зэра тӧдӧм лун

Рочӧн	Комиӧн
День знаний в Москве будет зябким и дождливым	Тӧдӧмлы сиӧм лун лоас Мӧскуаын ыркыд да зэра.
Первое сентября в московском регионе в течение всего дня будет прохладным и дождливым, сообщают метеорологи.	Кӧч тӧлысь пансигӧн Мӧскуаладорын лунтыр пӧ лоас ыркыд да зэра, юӧртӧны метеорологъяс.
Температура воздуха в Москве составит от 16 до 18 градусов, в Подмосковье - 13-18 градусов.	Сынӧдыс Мӧскуаын шоналас 16-18 градусӧдз, а Мӧскуа гӧгӧрын - 13-18 градусӧдз.
При облачной с прояснениями погоде местами пройдут дожди, ветер восточной четверти при этом будет довольно слабым - всего 3-8 метров в секунду.	Сэзьдыштлан кымӧра поводдя дырйи кытсюрӧ зэрыштлас, тӧлыс кутас пӧльтны асыввывсянь и жебиника - сӧмын 3-8 метра секундӧ.

Косӧдӧны водзӧс

Рочӧн	Комиӧн
Власти Израиля намерены присоединить 400 га земли, принадлежащей палестинской автономии	Израильса юрнуӧдысьяс кӧсйӧны босьтны ас кипод улӧ палестинса автономиялысь 400 га пасьта му
Власти Израиля объявили о том, что намерены присоединить 400 гектаров земли на западном берегу реки Иордан, принадлежащие палестинской автономии.	Израильса юрнуӧдысьяс шуисны босьтны ас кипод улӧ Йӧрдан ю рытывладорысь 400 гектар му, коді ӧні палестинса автономиялӧн.
Как передает "Би-би-си", решение присоединить землю Южный Вифлием связано с желанием отплатить за похищение и убийство троих израильских подростков в июне этого года.	"Би-би-си" висьталӧ да, Лунвыв Енгорт мусӧ асалӧмӧн найӧ пӧ кӧсйӧны бергӧдны водзӧс таво юньын пышйӧдӧм да виӧм куим израильса детина понда.
О захвате территории министрество обороны Израиля заявило в воскресенье и поручило военным наладить административное управление на западном берегу.	Мутассӧ асулалӧм йылысь Израиль дорйысь министерство юӧртіс вежалунӧ, военнӧйяслы тшӧктӧма нин лӧсьӧдны рытывладорас юралӧм-веськӧдлӧмсӧ.
По словам представителя сектора Газа Саиба Ариката, мировая общественность должна призвать Израиль к ответу за "продолжающуюся поселенческую активность на западном берегу Иордана и в Восточном Иерусалиме".	Газа сектор нимсянь сёрнитысь Саиб Арикат серти кӧ, му югыд пасьтала бур йӧзлы колӧ пӧ ӧтув кыскыны Израильсӧ кывкутӧмӧ "Йӧрдан рытывладор да Асыввыв Ерусалим зіля овмӧдавны дугдытӧмысь".