Сыктыв район
Сыктыв район (Шаблон:Lang-ru) - тайӧ Коми Республикалӧн район. Артмöдöма 1929 вося сора тӧлысь 15-öд лунö. 1949 воын сыысь вӧлі торйӧдӧма Койгорт район.
Администрация шӧрин – Визин сикт. Визинсянь Сыктывкарӧдз 88 километра.
Содержание
География
Мувыв ин
Сыктыв район пукалӧ Коми Республика лунвыв-рытвылын. Сыкӧд орччӧнӧсь Сыктывдін (войвылын), Койгорт (асыввылын) да Луздор (лунвылын) районъяс да Кардор обласьт (рытвылын). Мувывторйыс 6 140 км² ыджда.
Район пыр мунӧ Сыктывкар-Киров автотрасса.
Рельеф да му пытшкӧс
Муверкӧсыс полого-холмистӧй тшӧтшкӧс, медвылын местаыс – 217 метраӧдз.
Мупытшса озырлун: керамзит сёй, трунда, стеклӧа лыа, сотчан сланеч, дубыд да сола мупытшса ва. Но медыджыд озырлун районас – вӧр да гӧран муяс.
Ваяс
Медыджыд ю районас – Сыктыв, сы дорын сулалӧ Визин да мӧд гырысьджык сиктъяс. Сэсся эмӧсь юяс: Ичӧт Визин да Ыджыд Визин.
Районса территория вылын эм 9 ты: Каджером, Абкедж, Сынаты, Ыжты, Сир-Вад.
Эмӧсь и нюръяс: Копсинскöй, Исаневскöй, Бортомбазовскöй, Чухломсöй вад-егыр.
Климат
Сыктыв районын умереннӧй континентвывса ывласям, тӧвшӧр тӧлысь шӧркодь температура -15 градус кӧдзыд, сора тӧлысь шӧркодь температура +17 градус шоныд.
Мусин да быдмӧгулов
Вӧрас быдмӧ коз, пожöм, кыдз да ньыв. Тыр звер-пӧтка да чери.
Вӧрас чукӧртӧны тшак (еджыд гоб, кӧдж рыжик да бабпель, ельдӧг, путник, ягсер, гӧрд гоб, подберезовик, масленикъяс) да вотӧс (пув, чӧд, турипув, мырпом, чӧдлач).
Пемӧсъяс
Сыктыв районын олӧ некымын сикас пемӧс: сан, кӧин, кӧч, ур, руч, вурд, вӧркань, тулан да мукӧд.
Йӧз
2020 воö Сыктыв районын олöны 12,4 сюрс морт. Районын медся унаӧсь комияс – став йöзсьыс 69,4 прӧчент, рочьяс – 24,0, украинечьяс – 2,5 да беларуссъяс – 0,7 прӧчент. Олысь лыд – 2,13 морт/км².
Овмӧс
История
Юралӧм
Сыктыв район вылын юралысь – Дурнев Анатолий Александрович. Сiйӧ же веськӧдлӧ районса сӧветӧн.
Сыктыв районса прокурор Муравьёв Евгений.
Юклӧм
Сыктыв районас 11 сикт овмӧдчӧмин.
| Сикт
овмӧдчӧмин |
Оланін
лыд |
Веськӧдланін | Факс | Юрнуӧдысь |
|---|---|---|---|---|
| Визин сикт овмӧдчӧмин | 9 | 168100, Визин сикт, Сӧвет ул., 23 | (82131) 913-33 | Дурнев Анатолий Александрович |
| Визиндор сикт овмӧдчӧмин | 2 | 168105, Визиндор посёлок, Комсомол ул., 3а | (82131) 963-47 | Лушкова Ирина Николаевна |
| Волся сикт овмӧдчӧмин | 5 | 168114, Волся сикт, Ляпин гр., 2 | (82131) 975-10 | Пешкина Лариса Алексеевна |
| Гагшор сикт овмӧдчӧмин | 2 | 168123, Гагшор сикт, 92 | (82131) 934-22 | Сямтомова Анжелика Валентиновна |
| Заозерье сикт овмӧдчӧмин | 3 | 168122, Заозерье посёлок, Вӧр ул., 16 | (82131) 968-41 | Николаевских Любовь Александровна |
| Куньыб сикт овмӧдчӧмин | 6 | 168113, Куньыб сикт | (82131) 981-48 | Смолев Александр Марксович |
| Куратов сикт овмӧдчӧмин | 26 | 168112, Куратов сикт, 57 | (82131) 941-19 | Мишарин Александр Васильевич |
| Межадор сикт овмӧдчӧмин | 6 | 168110, Межадор сикт, Шорсай гр., 35 | (82131) 971-90 | Давыдова Галина Ивановна |
| Палаззя сикт овмӧдчӧмин | 5 | 168198, Палаззя сикт, Ыджыд гр., 18 | (82131) 935-42 | Попова Людмила Егоровна |
| Поёл сикт овмӧдчӧмин | 9 | 168120, Поёл сикт, Кузивансикт гр., 34а | (82131) 932-80 | Шаньгина Ирма Геннадьевна |
| Чуклӧм сикт овмӧдчӧмин | 6 | 168111, Чуклӧм сикт, Чоййыв гр., 31 | (82131) 962-73 | Беляев Александр Михайлович |
Оланінъяс
Сыктыв районын 79 оланін: 9 сикт, 8 посёлок да 62 грезд.
Ӧшмӧсъяс
- Коми Республикаса статкомитет сайт
- Вот чукӧртысьяслӧн сайт
- Жеребцов И. Л. Где ты живёшь: Населённые пункты Республики Коми. — Сыктывкар, 2000.
- Историко-культурный атлас Республики Коми. — М: Дрофа, 1997.
- Республика Коми. Энциклопедия в 3-х томах. — Сыктывкар: Коми книжное издательство, 1997, Т.1; 1998, Т. 2; 1999, Т. 3.
| Коми Республикаса юкӧнъяс | Coat of arms of the Komi Republic | Flag of the Komi Republic | ||
|---|---|---|---|---|
|
||||
